Në ambientet e Zyrës Kombëtare të Auditimit, u mbajt sesion informues nga Universiteti Amerikan i Kosovës për Programin Certifikues për Lidership dhe Zhvillimin e Politikave Publike, program i financuar nga USAID.

Qëllimi i programit është që të ndihmojë në ngritjen e kapaciteteve të shërbyesve civil dhe do të ofrojë trajnime të specializuara në lidership, analiza të politikave publike, vendimmarrje të bazuar në dëshmi, si dhe vlerësim të programit.

Komisioni Rregullativ i Prokurimit Publik i ka dorëzuar Zyrës Kombëtare të Auditimit planin e veprimit.

Organizatat buxhetore që ende nuk e kanë përmbushur obligimin ligjor dhe nuk kanë dorëzuar planet e veprimit për adresimin e rekomandimeve të dhëna në raportet e auditimit për pasqyrat vjetore financiare për vitin 2015, janë:

1. Universiteti i Prishtinës "Hasan Prishtina"; dhe

2. Komuna e Dragashit.

Ligji për Auditorin e Përgjithshëm dhe Zyrën Kombëtare të Auditimit të Republikës së Kosovës, 05/L-055, obligon organizatat buxhetore të audituara, që t'i dorëzojnë Zyrës Kombëtare të Auditimit planin e veprimit se si do t'i adresojnë rekomandimet e dhëna në raportin e auditimit.