30
Përfundon me sukses të plotë Projekti i Binjakëzimit në mes të Zyrës Kombëtare të Auditimit të Kosovës dhe asaj të Polonisë
Lexo më shumë
Njëri prej punonjësve të parë të Zyrës Kombëtare të Auditimit, kolegu dhe miku ynë Mehmet Kurti, sot shënon me sukses dhe shëndet të plotë mbylljen e karrierës profesionale si “Auditor”. Me këtë rast Auditori i Përgjithshëm, Besnik Osmani dhe kolegët nga Zyra Kombëtare e Auditimit shprehin respekt të veçantë për kontributin dhe bashkëpunimin e tij gjatë kohës sa kanë punuar bashkë. Mehmet Kurti ka filluar punën në Zyrën Kombëtare të Auditimit në shtator të vitit 2004. Për 17 vite me radhë Mehmet Kurti ka punuar me përkushtim dhe profesionalizëm duke dhënë kontribut të çmuar për institucionin dhe auditimin publik në përgjithësi. Gjatë karrierës së tij si auditor, Kurti ka udhëhequr auditime të rëndësishme që në mënyrë të drejtpërdrejtë kanë ndikuar në rritjen e cilësisë dhe përmirësimin e proceseve, qoftë në institucion por edhe në administratën publike në përgjithësi. Përvoja dhe këshillat e tij profesionale do t’u shërbejnë kolegëve edhe për një kohë të gjatë.
