republika-e-kosoves
Thank you! Your submission has been received!
Oops! Something went wrong while submitting the form.
Shqip
12/19/2025 4:16:00 PM

ZKA dhe Oda e Inxhinierëve të Republikës së Kosovës nënshkruajnë marrëveshje bashkëpunimi për fushat me interes të përbashkët

Zyra Kombëtare e Auditimit (ZKA) dhe Oda e Inxhinierëve të Republikës së Kosovës (OIRK) kanë nënshkruar marrëveshje bashkëpunimi me qëllim të forcimit të bashkëpunimit ndërinstitucional në fushat me interes të përbashkët.   

Marrëveshja e nënshkruar të premten nga Auditorja e Përgjithshme, Vlora Spanca dhe Kryetari i Odës së Inxhinierëve të Republikës së Kosovës (OIRK), Arsim Rapuca parasheh shkëmbimin e përvojave dhe ekspertizave, si dhe avancimin e aktiviteteve profesionale në funksion të transparencës, integritetit dhe interesit publik.

Palët vlerësuan se bashkëpunimi i ndërsjellë do të kontribuojë në forcimin e kapaciteteve profesionale dhe në përmirësimin e praktikave në fushat përkatëse, në veçanti do të rris cilësinë e ndërtimeve infrastrukturore si në sektorin publik ashtu edhe privat.

  • Share:

Lexo lajme tjera:

Auditorja e Përgjithshme takoi përfaqësuesit e Zyrës së BE-së në Kosovë
19/12/2025

Auditorja e Përgjithshme takoi përfaqësuesit e Zyrës së BE-së në Kosovë

Auditorja e Përgjithshme, Vlora Spanca, të enjten priti në takim Udhëheqësen e Ekipit të Qeverisjes së Mirë në kuadër të Projektit Reforma në Administratën Publike/ Menaxhimi i Financave Publike në Zyrën e Bashkimit Evropian në Kosovë, Laura Fallavollita. Takimi u mbajt në kuadër të bashkëpunimit të vazhdueshëm dhe me qëllim të informimit të dyanshëm lidhur me zhvillimet e fundit. 

Auditorja e Përgjithshme mirëpriti vendimin e Bashkimit Evropian për heqjen e masave ndaj Kosovës, në veçanti mbështetjen e planifikuar për Zyrën Kombëtare të Auditimit (ZKA). Ndërsa znj. Fallavollita foli për hapat e ardhshëm dhe rëndësinë e angazhimit të vazhdueshëm në proceset vijuese. Gjatë takimit u diskutua gjithashtu për aktivitetet e Zyrës Kombëtare të Auditimit, me fokus në zbatimin e Planit Vjetor të Auditimit 2025/2026 dhe forcimin e bashkëpunimit me partnerët ndërkombëtarë në funksion të rritjes së transparencës, llogaridhënies dhe efektivitetit të auditimit publik.

Në takim morën pjesë edhe Zëvendës Auditori i Përgjithshëm, Bezad Halilaj dhe Ndihmës Auditorja e Përgjithshme Myrvete Gashi. Nga Zyra e BE-së ishin Burbuqe Kelmendi, Menaxhere Projekti/Koordinatore Binjakëzimi dhe Edon Kalludra Menaxher i Projektit. 

Lexo më shumë
Stafi i ZKA-së vazhdon traditen e përvitshme të dhurimit të gjakut
23/12/2025

Stafi i ZKA-së vazhdon traditen e përvitshme të dhurimit të gjakut

Dje, më 22 dhjetor 2025, në ambientet e Zyrës Kombëtare të Auditimit (ZKA), u mbajt aktiviteti tradicional i dhurimit të gjakut, i organizuar me iniciativën e Sindikatës së ZKA-së, në bashkëpunim me Qendrën Kosovare të Transfuzionit të Gjakut.

Punonjësit e ZKA-së si në çdo vit tjetër i janë përgjigjur thirrjes për këtë gjest human, i cili kontribuon drejtpërdrejt në shpëtimin e jetëve. Aktiviteti u zhvillua me sukses dhe dëshmoi angazhimin e vazhdueshëm të ZKA-së për humanizëm dhe mirëqenie shoqërore.

Ky aktivitet tashmë i kthyer në traditë synon të rrisë vetëdijen për rëndësinë e dhurimit vullnetar të gjakut dhe të inkurajojë stafin që përmes veprimeve konkrete, të kontribuojë në ndihmë të sistemit shëndetësor dhe pacientëve në nevojë.
Lexo më shumë