30
Përmes zbatimit të Planit Strategjik 2023 – 2026, Auditorja e Përgjithshme synon të rris ndikimin e ZKA-së për të mirën e përgjithshme
Lexo më shumë
Auditorja e Përgjithshme, Vlora Spanca, ka pritur në takim ekspertin ndërkombëtar, Geoffrey Dubrow. Takimi është realizuar me kërkesë të Agjencisë për Barazi Gjinore që është duke u mbështetur nga UN Women për disa nga aktivitetet që po realizohen për barazinë gjinore. Në këtë takim është diskutuar për koncept dokumentin dhe studimin e fizibilitetit për vlerësimin e sistemeve buxhetore elektronike të Republikës së Kosovës për zbatim të Buxhetimit të Përgjegjshëm Gjinor (BPGJ). Në takim janë përmendur sfidat dhe mundësitë e sistemeve buxhetor për zbatimin e BPGJ. Z. Dubrow është njoftuar për mandatin e Zyrë Kombëtare të Auditimit, llojet e auditimeve dhe kryerjen e tyre bazuar në standardet ndërkombëtare të auditimit. Auditorja e Përgjithshme ka shprehur gatishmërinë për të mbështetur iniciativën për realizmin e këtij studimi të fizibiliteti i cili do të mund të orientoj më saktë grupet punuese që do të hartojnë aktet normative/ligjor për zbatimin e BPGJ. Përveç Auditores së Përgjithshme, Vlora Spanca, pjesë e takimit kanë qenë edhe Ndihmës Auditorja e Përgjithshme znj. Myrvete Gashi Morina dhe Zyrtarja për monitorim dhe raportim nga Agjencia për Barazi Gjinore znj. Albana Lumi.
