Të nderuar Zonja/Zotërinj,

Siç mund edhe ta dini Auditori i Përgjithshëm është në proces të finalizimit të sezonit të auditimit 2008/09.

Brenda tri javëve të ardhshme ne do të publikojmë raportet tona  mbi Pasqyrat Financiare Vjetore të shpenzuesve buxhetor dhe menaxhimin e tyre të ekzekutimit të buxhetit gjatë vitit 2008.

24 raporte të Auditimit të Rregullsisë dhe përpos këtyre edhe 2 Raporte të Auditimit të Performancës do të prezantohen.

Gjatë javës së kaluar ne veç se kemi publikuar një raport të auditimit të Rregullsisë për Ministrinë e Ambientit dhe Planifikimit Hapësinor si dhe një raport të auditimit të performances, të fokusuar në efikasitet dhe besueshmëri të sistemit për pensione tek personat me aftësi të kufizuar për Ministrinë e Punës dhe Mirëqenies Sociale.

Të gjitha raportet mund të gjinden në ueb-faqen e ZAP-së www.ks-gov.net/oag .

Për më shumë informata mos hezitoni të na kontaktoni:

Ilire Daija,

Tel: 044 157 022

Nga datat 3-7 Dhjetor 2008, një delegacion i Zyrës së Auditorit të Përgjithshëm të Kosovës zhvilloi për herë të parë një vizitë zyrtare pranë institucionit të Kontrollit të Lartë të Shtetit ne Shqipëri .

Delegacioni kryesohej nga z .Qerkin Morina, zëvendës Auditor i Përgjithshëm si edhe nga një numër drejtuesish të departamenteve të ZAP-it.

Gjatë takimit të zhvilluar me Kryetarin e KLSH-së, z. Robert Çeku, u theksua dëshira dhe vullneti i përbashkët që marrëdhëniet dypalëshe të intensifikohen akoma më shumë në të ardhmen. Në këtë kuadër z.Çeku, ofroi përkrahjen dhe mbështetjen te plotë institucionale si dhe asistencën teknike e ligjore që KLSH i ofron Zyrës së Auditorit të Përgjithshëm në të gjitha strukturat evropiane dhe ndërkombëtare të auditimit .

Gjatë ditëve të qëndrimit në Tiranë, delegacioni i ZAP-it u njohë më nga afër me çështje të fushave të ndryshme të kontrollit si dhe morën një informacion të detajuar mbi organizimin dhe funksionimin struktural të Institucionit të Kontrollit të Lartë të Shtetit.

Gjate kësaj vizite, stafi drejtues i KLSH-së mundësoi një trajnim më të detajua ku nga ekspertët më të mirë u prezantuan një varg temash që konsistuan në :

1.Prezantimin e procesit të Kontrollit të Performancës, , ku me mjaft interes për ishte shkëmbimi i mendimeve dhe ideve mbi temat e rezultateve të zbulimeve të gjetura, konkluzioneve dhe rekomandimeve të dhëna për subjektet nga vetë enti auditues.

2.Prezantimin Financiar, ku ekspertët nga KLSH-ja gjatë fjalës së tyre u fokusuan dhe analizuan çështjet e planifikimit të auditimit, vlerësimin e riskut si dhe konkluzionet dhe rekomandimet, të cilat i bashkëngjiten çdo kontrolli të ushtruar dhe që shërbejnë si bazë e punës së çdo kontrollori.

Delegacioni ynë i kryesuar nga Z.Morina, pasi shprehu falënderimet dhe mirënjohjen për pritjen vëllazërore, shprehu kërkesën dhe nevojën për të intensifikuar dhe koordinuar akoma më tej kontaktet dhe marrëdhëniet e përbashkëta mes dy institucioneve si në fushat e legjislacionit ashtu edhe ato të auditimit financiar e të performancës, si dhe shprehu mirënjohjen e thellë për ndihmesën e ofruar nga kolegët e KLSH-së.