republika-e-kosoves
Thank you! Your submission has been received!
Oops! Something went wrong while submitting the form.
Shqip
11/23/2018 10:53:33 AM

Kërkohet përkushtim më i madh nga udhëheqja komunale e Prizrenit për zbatimin e rekomandimeve të auditimit

Sot në Kuvendin Komunal në Prizren është mbajtur debati rreth nivelit të zbatimit të rekomandimeve të auditimit të jashtëm nga komuna e Prizrenit, i organizuar nga Rrjeti Ballkanik i Gazetarisë Hulumtuese (BIRN). Të pranishëm në këtë debat ishin kryetari i Komunës së Prizrenit, z. Mytaher Haskuka, zv/Auditori i Përgjithshëm i Kosovës, z.Ilir Salihu, këshilltarët komunal të Prizrenit dhe qytetarë e përfaqësues të shoqërisë civile nga komuna e Prizrenit. Qëllimi i debatit ishte diskutimi i gjetjeve të prezantuara në raportin e auditimit për këtë komunë, si dhe vlerësimi se sa është duke i zbatuar Komuna e Prizrenit rekomandimet e Auditorit të Përgjithshëm. Kryetari i Komunës së Prizrenit, z. Mytaher Haskuka, tha se gjetjet e auditimit i kanë ndihmuar kësaj komune sidomos në menaxhimin dhe planifikimin e buxhetit. Ai shtoi se komuna e Prizrenit ka rritur angazhimin dhe ka ndërmarrë masa konkrete për zbatimin e të gjitha rekomandimeve të auditimit. Zv/Auditori i Përgjithshëm i Kosovës, z.Ilir Salihu ka theksuar rëndësinë e zbatimit të rekomandimeve të auditimit për përmirësimin e qeverisjes dhe menaxhimin më të mirë të parasë publike. Ai ka shtuar që është me interes të posaçëm për komunën e Prizrenit që të shmangen keqklasifikimet në pasqyrat financiare, të punohet në verifikimin, vlerësimin dhe regjistrimin e pasurisë komunale dhe të adresohet çështja e inkasimit të borgjeve ndaj komunës si dhe pagesës së obligimeve të papaguara të cilat kanë shënuar rritje gjatë vitit 2017. Debatit të sotëm i ka paraprirë analiza e raporteve të auditimit të jashtëm për katër vitet e fundit për Komunën e Prizrenit, të cilën e ka prezantuar z. Kreshnik Gashi, autor i emisionit “Drejtësia në Kosovë”. Debati rreth zbatimit të rekomandimeve të auditimit do të vazhdoj javën që vjen në Komunën e Gjilanit.

  • Share:

Lexo lajme tjera:

Komisioni për Mbikëqyrje të Financave Publike shqyrton dy raporte të auditimit të kryera nga ZKA
22/11/2018

Komisioni për Mbikëqyrje të Financave Publike shqyrton dy raporte të auditimit të kryera nga ZKA

Komisioni për Mbikëqyrjen e Financave Publike ka shqyrtuar raportin e auditimit për Pasqyrat Vjetore Financiare  për vitin 2017 të Ndërmarrjes Publike Hekurudhat e Kosovës - Trainkos Sh.a si dhe raportin e auditimit të Ministrisë së Kulturës, Rinisë dhe Sportit. Komisioni për Mbikëqyrjen e Financave Publike, këtë javë ka mbajtur mbledhjen e radhës, ku ka shqyrtuar raportin e auditimit të Zyrës Kombëtare të Auditimit për pasqyrat vjetore financiare për vitin 2017, për Ndërmarrjen Publike Hekurudhat e Kosovës - Trainkos Sh.a. Sipas raportit, pasqyrat vjetore financiare nuk paraqesin një pamje të drejtë dhe të vërtetë, në të gjitha aspektet materiale, ndërsa mangësitë kryesore të identifikuara në këtë raport kanë të bëjnë me, pranimin e punëtorëve në punë si dhe borxhet e mëdha të kësaj ndërmarrje. Në këtë takim është kërkuar nga “Trainkos” që të përgatisin raportet e pasqyrave financiare sipas standardeve ndërkombëtare. Gjithashtu, është vlerësuar përparimi që ka bërë kjo ndërmarrje në adresimin e rekomandimeve. Pas debatit dhe diskutimeve nga ana e deputetëve, komisioni u darkodua që rekomandimet t'i adresohen Bordit drejtues dhe Kryeshefit Ekzekutiv të kësaj ndërmarrjeje. Në vijim te mbledhjes,  u  shqyrtuan dhe më pas u miratuan  rekomandimet nga raporti i auditimit për pasqyrat vjetore financiare të Ministrisë së Kulturës, Rinisë dhe Sportit për vitin 2017, të diskutuara në mbledhjen paraprake të komisionit dhe u vendos që ky raport të adresohet për shqyrtim në seancë plenare, se bashku me rekomandimet e komisionit. Diskutimet  e raporteve të auditimit në komisionet parlamentare, në veçanti  të Komisionit për Mbikëqyrje të Financave Publike, kanë për qëllim rritjen e llogaridhënies në sektorin publik. Raportet e Zyrës Kombëtare te Auditimit, promovojnë drejtpërsëdrejti llogaridhënien dhe ofrojnë bazë të qëndrueshme për t’u kërkuar llogari menaxherëve të çdo organizate buxhetore.  
Lexo më shumë
Komuna e Gjilanit zotohet për zbatimin e plotë të rekomandimeve të auditimit
26/11/2018

Komuna e Gjilanit zotohet për zbatimin e plotë të rekomandimeve të auditimit

Sot në Kuvendin Komunal në Gjilan është mbajtur debati rreth nivelit të zbatimit të rekomandimeve të auditimit të jashtëm nga Komuna e Gjilanit, i organizuar nga Rrjeti Ballkanik i Gazetarisë Hulumtuese (BIRN). Të pranishëm në këtë debat ishin kryetari i Komunës së Gjilanit, z. Lutfi Haziri, zv/Auditori i Përgjithshëm i Kosovës, z. Ilir Salihu, këshilltarët komunal të Gjilanit dhe qytetarë e përfaqësues të shoqërisë civile nga kjo komunë. Deabatit të sotëm i ka paraprirë analiza e raporteve të auditimit të jashtëm për katër vitet e fundit për Komunën e Gjilanit, të cilën e ka prezantuar, z. Visar Prebreza, redaktor i gazetës “Jeta në Kosovë”. Ndërsa, Kryetari i Komunës së Gjilanit, z. Lutfi Haziri, theksoi se rekomandimet e dhëna nga Auditori janë të mirëseardhura dhe se janë duke punuar për adresimin e të gjitha çështjeve që janë ngritur në raportet e auditimit deri në zbatimin e plotë të të gjitha rekomandimeve. Z. Haziri u shpreh se disa prej rekomandimeve kërkojnë më shumë kohë për t’u adresuar dhe në disa sektorë mungesa e burimeve njerëzore ka shkaktuar vonesa në realizimin e projekteve komunale. Zv/Auditori i Përgjithshëm i Kosovës, z. Ilir Salihu ka theksuar rëndësinë e zbatimit të rekomandimeve të auditimit për përmirësimin e qeverisjes dhe menaxhimin më të mirë të parasë publike. Ai ka përgëzuar BIRN për këtë ndërmarrje dhe ka vlerësuar se debate të tilla janë të dobishme për rritjen e transparencës dhe senzibilizimin e udhëheqjes komunale për adresimin e rekomandimeve të auditimit.
Lexo më shumë