republika-e-kosoves
Thank you! Your submission has been received!
Oops! Something went wrong while submitting the form.
Shqip
2/19/2019 12:18:15 PM

Zyra Kombëtare e Auditimit  rrit numrin e auditimeve të performancës për t’i nxitur institucionet publike t’i trajtojnë shqetësimet e qytetarëve

Auditimi i performances në sektorin publik është një faktor i rëndësishëm për të bërë ndryshimin në jetën e qytetarëve. Ky lloj auditimi i mban të fokusuar zyrtarët përgjegjës në sektorin publik për përdorimin e fondeve publike bazuar në parimin e ekonomisë, efikasitetit dhe efektivitetit. Me qëllim të përmirësimit të jetës së qytetarëve dhe promovimit të standardeve më të larta për transparencë dhe llogaridhënie, Zyra Kombëtare e Auditimit, i ka dhënë fokus të veçantë auditimeve të performancës. Gjatë vitit 2018, janë publikuar 13 raporte të auditimit të performancës duke mbuluar fusha të rëndësishme si ekonomia dhe mirëqenia sociale, shëndetësia, arsimi, mjedisi, teknologjia informative dhe prokurimi publik. Në këto auditime janë dhënë 175 rekomandime relevante për palët përgjegjëse. Rekomandimet kanë për qëllim përmirësimin e mangësive apo problemeve të identifikuara nga auditimet dhe zbatimi i tyre do të ndikojë pozitivisht në menaxhimin efikas dhe efektiv të programeve qeveritare dhe arritjen e vlerës për paranë e shpenzuar. ZKA në përcaktimin e temave të auditimit të performances për vitin 2018 ka zhvilluar një dialog efektiv me palët e interesit si Kuvendin, përkatësisht komisionet parlamentare, shoqërinë civile dhe donatorët. Kjo është bërë me qëllim që t’iu përgjigjet në mënyrë adekuate pritjeve të palëve të interesit, shqetësimeve të qytetareve, si dhe rreziqeve të shfaqura ndaj mjediseve të ndryshme. Kjo ka ndikuar që të rritet numri i raporteve të auditimit të performancës të shqyrtuara në komisione parlamentare dhe të rritet llogaridhënia në sektorin publik. Auditimet e performancës të kryera nga Zyra Kombëtare e Auditimit janë shqyrtime të pavarura, objektive dhe të besueshme që vlerësojnë nëse sistemet, operacionet, programet dhe aktivitetet e institucioneve publike janë në përputhje me parimet e ekonomisë, efikasitetit, efektivitetit. Adresimi i rekomandimeve të auditimit ndihmon institucionet të përmirësojnë performancën e tyre, të jenë më transparente dhe të arrijnë rezultate më të mira. Raportet e performancës të kryera nga Zyra Kombëtare e Auditimit mund t’i gjeni të publikuara në faqen tonë të internetit http://www.zka-rks.org/publications/

  • Share:

Lexo lajme tjera:

Zyra Kombëtare e Auditimit e Republikës së Kosovës nënshkruan marrëveshje bilaterale të bashkëpunimit me Entin Shtetëror të Revizionit të Republikës së Maqedonisë
08/02/2019

Zyra Kombëtare e Auditimit e Republikës së Kosovës nënshkruan marrëveshje bilaterale të bashkëpunimit me Entin Shtetëror të Revizionit të Republikës së Maqedonisë

Sot, në ambientet e Zyrës Kombëtare të Auditimit, Auditori i Përgjithshëm i Republikës së Kosovës z. Besnik Osmani dhe Zëvendësi i Revizorit Kryesor Shtetërorë të Republikës së Maqedonisë z. Naser Ademi, kanë nënshkruar marrëveshje bilaterale për bashkëpunim në mes të dy institucioneve përkatëse. Me këtë rast, Auditori i Përgjithshëm Besnik Osmani, u shpreh se bashkëpunimi në mes të dy institucioneve tona tani vetëm po formalizohet me nënshkrimin e marrëveshjes, derisa ka ekzistuar shumë më herët. “Kjo marrëveshje ka për qëllim intensifikimin dhe fuqizimin e bashkëpunimit ndërmjet dy institucioneve tona, prandaj, dua të shpreh gatishmërinë dhe dëshirën që të zhvillojmë një plan të aktiviteteve konkrete dhe me interes të përbashkët” shtoi z. Osmani. Në anën tjetër z. Naser Ademi, zëvendës i Revizorit Kryesor Shtetërorë të Republikës së Maqedonisë, tha se kjo marrëveshje është e mirë për shkak se fuqizohet fqinjësia dhe raportet e mira që janë në mes dy vendeve tona. Krerët e të dyja institucioneve deklaruan se janë të përkushtuar për angazhimin e institucioneve të tyre në përmbushjen e kësaj marrëveshje, me anë të së cilës synohet të promovohet bashkëpunimi institucional, përmes shkëmbimit të përvojave në fushën e metodologjisë së auditimit të jashtëm publik, përkrahjen në zhvillimin e softuerëve të auditimit,  trajnime profesionale, shkëmbim të informacionit dhe dokumentacionit mbi aktivitetet profesionale, organizimin e auditimeve paralele për tema me interes të përbashkët,  mbajtje të konsultimeve, hulumtimeve të përbashkëta, seminareve, konferencave e takimeve teknike.
Lexo më shumë
Ngritja e kapaciteteve profesionale të auditorëve të perfomancës, objektivë strategjike e Zyrës Kombëtare të Auditimit
26/02/2019

Ngritja e kapaciteteve profesionale të auditorëve të perfomancës, objektivë strategjike e Zyrës Kombëtare të Auditimit

Siç ka të paraparë edhe me Planin Strategjik 2018 – 2021, Zyra Kombëtare e Auditimit të Kosovës është duke zhvilluar një program trajnimi profesional për auditorët e performancës. Në realizimin e këtij programi Zyra Kombëtare e Auditimit të Suedisë do të mbështesë ZKA-në në ofrimin e ekspertizës, njohurive dhe përvojës së tyre. Viteve të fundit, Zyra Kombëtare e Auditimit, i ka dhënë fokus të veçantë auditimeve të performancës si dhe zhvillimit dhe rritjes së kapaciteteve të auditorëve në këtë fushë. Auditimet e performancës vlerësohen si ekzaminim i pavarur dhe profesional i programeve, funksionit dhe operacioneve të një organizate buxhetore dhe kanë një ndikim të drejtpërdrejte në rritjen e përgjegjësisë dhe një menaxhimi më ekonomik, efikas dhe efektiv nga ana e institucioneve. Vendet e zhvilluara përherë e më shumë e kanë orientuar fokusin e tyre në auditimet e performancës për të rritur vlerën për paranë dhe menaxhimin e shëndoshë të parasë publike. Një trend i tillë po përcillet edhe nga ZKA e cila në tri vitet e fundit nga 5 raporte të auditimit të performancës të publikuara në vitin 2016, këtë numër e ka rritur në 13 në vitin 2018. Bazuar në Standardet Ndërkombëtare të Institucioneve Supreme të Auditimit (ISSAI 300, 3000 dhe 3100), ZKA po synon të forcoj edhe më tutje kapacitetet profesionale për auditorët e performancës, me qëllim që ata të kenë kompetencën e nevojshme profesionale për të kryer këtë lloj auditimi. Këtu përfshihen njohuritë lidhur me metodat kërkimore, metodat shkencore e sociale si dhe teknikat hulumtuese dhe vlerësuese, aftësitë personale analitike në shkrim dhe komunikim. Në këtë vit ka filluar të zbatohet programi i trajnimit profesional për të gjithë auditorët e perfomancës të punësuar në Zyrën Kombëtare të Auditimit, i cili përbëhet nga dy module. Në kuadër të modulit bazik janë parashikuar mësimet “e-learning”, si dhe njohuri për  standardet dhe manualet e auditimit të performancës. Ndërsa, në modulin e avancuar, do të përfshihen metodat dhe teknikat e parastudimit dhe studimit kryesor sipas parimit të 3E-ve, si dhe seminare për të zhvilluar detyra praktika dhe punë në grupe. Gjithashtu, ku do të përfshihen punë praktike në të gjitha fazat e auditimit konkret - nga parastudimi, ekzekutimi  deri në raportim, Programi i trajnimeve profesionale për auditimet e performances është hartuar në bashkëpunim me Zyrën Kombëtare të Auditimit të Suedisë dhe pritet të përfundojë në fund të vitit 2019.  
Lexo më shumë