republika-e-kosoves
Thank you! Your submission has been received!
Oops! Something went wrong while submitting the form.
Shqip
6/15/2020 12:04:23 PM

ZKA-ja harton Strategjinë e Komunikimit, fton palët e interesuara t’i dërgojnë komentet dhe sugjerimet e tyre

Zyra Kombëtare e Auditimit (ZKA) ka hartuar projekt dokumentin e Strategjisë së Komunikimit, e cila përcakton qëllimet dhe objektivat që Zyra synon të arrijë gjatë periudhës 2020-2022, në komunikimin me palët e interesit dhe publikun. Ftohen të gjithë bashkëpunëtorët dhe palët e interesuara për të shprehur mendimin në projekt dokumentin e Strategjisë së Komunikimit të ZKA-së 2020-2022, të na kontaktojnë në komunikim@oagks.org për të pasur qasje në dokument. Dokumenti do të jetë i hapur për komentet tuaja deri të enjten, 18 qershor 2020, ora 16:00. Strategjia e komunikimit e një Institucioni Suprem të Auditimit siç është Zyra Kombëtare e Auditimit është një mjet thelbësor për promovimin e praktikave më të mira të llogaridhënies dhe transparencës për aktivitetet e institucioneve publike. Duke përmirësuar marrëdhëniet me palët e interesit, ne ofrojmë bazën për njohuri të përbashkëta, e cila kontribuon në sigurimin e efektivitetit, efikasitetit dhe përmirësimit të ndikimit të punës sonë. Fokusi kryesor i Strategjisë së Komunikimit është Promovimi i rolit kushtetues të ZKA-së dhe ngritja e vetëdijesimit publik për rezultatet e auditimit; Rritja e llogaridhënies në sektorin publik përmes bashkëpunimit  intensiv me Parlamentin; Rritja e mëtejshme e ndikimit të punës së auditimit si dhe Komunikimi dhe pjesëmarrja aktive në aktivitete ndërkombëtare. Zyra Kombëtare e Auditimit mirëpret kontributin e juaj në këtë drejtim.

  • Share:

Lexo lajme tjera:

Auditimi i Trustit Pensional nga Zyra Kombëtare e Auditimit vlerësohet i rëndësishëm
03/06/2020

Auditimi i Trustit Pensional nga Zyra Kombëtare e Auditimit vlerësohet i rëndësishëm

Auditori i Përgjithshëm, Besnik Osmani dhe përfaqësuesit e Fondit të Kursimeve Pensionale të Kosovës e vlerësojnë të rëndësishëm Auditimin e Trustit Pensional në të ardhmen nga Zyra Kombëtare e Auditimit (ZKA). Ky konstatim u bë në takimin e përbashkët të Auditorit të Përgjithshëm të Republikës së Kosovës, Besnik Osmani dhe Kryesuesit të Bordit Drejtues, Ruzhdi Morina në të cilin morën pjesë edhe Anëtari i Bordit Drejtues, Ymer Ymeri dhe Drejtori Menaxhues, Adrian Zalli. Me këtë rast Osmani i njoftoj mysafirët me punën audituese që është duke e kryer Zyra Kombëtare e Auditimit dhe u bisedua edhe për mundësitë për auditimin e TRUST-it  nga Zyra Kombëtare e Auditimit (ZKA). Në këtë takim u vlerësua lartë gatishmëria e drejtuesve të TRUST-it të cilët kanë shprehur kërkesën e përfshirjes së ZKA-së në auditimin e Pasqyrave Financiare si dhe u bisedua për modalitetet administrative dhe aspektet ligjore të zbatimit të auditimit. Të pranishmit konstatuan se zbatimi i projektit të auditimit është në interes të drejtuesve të TRUST-it, Kuvendit, qytetarëve dhe se ZKA-ja ka kapacitete të mjaftueshme profesionale për zbatimin e tij. Në takimin me përfaqësuesit  e Bordit të TRUST-it, Auditori i Përgjithshëm, Besnik Osmani u shoqërua nga Zëvendës Auditori i Përgjithshëm Ilir Salihu, Ndihmës Auditori i Përgjithshëm Vlora Spanca dhe Drejtori i Departamentit Ligjor në Zyrën Kombëtare të Auditimit, Safet Berisha.  
Lexo më shumë
Ministrja Hykmete Bajrami priti në takim Auditorin e Përgjithshëm Besnik Osmani
15/06/2020

Ministrja Hykmete Bajrami priti në takim Auditorin e Përgjithshëm Besnik Osmani

Ministrja e Financave Hykmete Bajrami, ka pritur sot në takim Auditorin e Përgjithshëm Besnik Osmani me bashkëpunëtorë, me të cilët ka diskutuar për reformën në menaxhimin e financave publike, me theks të veçantë rritjen e performancës në shpenzimin e parasë publike. Me këtë rast, Ministrja Bajrami, ka theksuar rëndësinë e avancimit të kontrollit të financave publike me qëllim të rritjes së efikasitetit dhe cilësisë së  ofrimit të shërbimeve për qytetarët nga Organizatat Buxhetore. Ministrja Bajrami shprehu gatishmërinë e Qeverisë Hoti për bashkëpunim të ngushtë me Zyrën Kombëtare të Auditimit në ngritjen e efikasitetit të kontrollit të financave publike, me qëllim të eliminimit të keqmenaxhimit të financave publike. Ajo gjithashtu njoftoi auditorin e përgjithshëm Besnik Osmani për procesin e rishikimit të Buxhetit, i cili sipas saj shumë shpejt do t’i dorëzohet Qeverisë dhe Kuvendit për miratim. Në anën tjetër, Auditori i Përgjithshëm, Besnik Osmani ka shprehur gatishmërinë e tij për bashkëpunim me institucionet qeverisëse, veçanërisht me Ministrinë e Financave në avancimin e menaxhimit të financave publike nga organizatat buxhetore.
Lexo më shumë