70
Auditorja e Përgjithshme: ZKA do të vazhdojë të mbështesë barazinë dhe transparencën për një administratë më gjithëpërfshirëse dhe më të drejtë
Lexo më shumë
Auditorja e Përgjithshme, znj. Vlora Spanca priti sot në takim z. Mats Persson dhe znj. Aferdita Smajli Kalaja, Zyrtarë për Politika për Çështje Ligjore dhe Këshillim për Sundimin e Ligjit në Zyrën e BE-së në Kosovë. Qëllimi i takimit ishte diskutimi i çështjeve me interes të përbashkët për Zyrën Kombëtare të Auditimit (ZKA) dhe Bashkimin Evropian.
Palët në takim biseduan për rëndësinë e gjithëpërfshirjes në auditim, të të gjithë shpenzuesve të fondeve publike, me theks të veçantë auditimi përcjellës i performancës në Këshillin Gjyqësor të Kosovës, avancimin e mekanizmave të transparencës në menaxhimin e këtyre fondeve si dhe mbështetjen që BE mund t’i ofrojë ZKA-së. Gjithashtu, u theksua rëndësia e auditimeve të pavarura dhe efektive si faktor kyç për forcimin e qeverisjes së mirë dhe integrimit evropian të Kosovës.
Në këtë takim, Auditorja e Përgjithshme u shoqërua nga Zëvendës Auditori i Përgjithshëm, z. Bezad Halilaj si dhe Ndihmës Auditorja e Përgjithshme, znj. Myrvete Gashi Morina.
