Në datat 5-6 mars 2025, në Bratislavë të Sllovakisë u mbajt takimi i parë i përbashkët i EUROSAI-t për Qëllimet Strategjike 1 dhe 2 me temën “Galeria: Pamje Strategjike 2024-2030”. Zyra Kombëtare e Auditimit (ZKA) në këtë takim u përfaqësua nga Drejtoresha e Departamentit për Komunikim dhe Bashkëpunim Ndërkombëtar, Qendresa Mulaj.

Ky aktivitet bashkoi përfaqësues nga Institucionet Supreme të Auditimit nga vende të ndryshme të Evropës për të diskutuar prioritetet strategjike dhe projektet e ardhshme në kuadër të objektivave strategjike të EUROSAI-t.

Punimet e takimit filluan me fjalët hyrëse të presidentit të Zyrës Supreme të Auditimit të Sllovakisë, Ľubomír Andrassy dhe presidentit të EUROSAI-t, Matanyahu Englman, të ndjekura nga prezantimet mbi vizionin strategjik të organizatës dhe qëllimet kryesore për vitet e ardhshme.  

Përgjatë dy ditëve pjesëmarrësit ndoqën prezantime mbi projekte konkrete, si dhe diskutime mbi zhvillimet e ardhshme. Në kuadër të Galerisë Strategjike u prezantua puna dhe arritjet e grupeve punuese dhe task forcave të EUROSAI-t si dhe u mbajtën sesione interaktive për shkëmbimin e ideve, përspektivat e reja dhe mundësitë për bashkëpunim të mëtejshëm ndërmjet anëtarëve të EUROSAI-t.

Ky takim shënoi një hap të rëndësishëm në forcimin e bashkëpunimit në mes të Institucioneve Supreme të Auditimit dhe orientimit strategjik të EUROSAI-t për vitet në vijim.

Të nderuar përfaqësues të mediave,

Ju ftojmë të merrni pjesë në konferencën për media të Auditores së Përgjithshme, Vlora Spanca, ku do të prezantohet Plani Vjetor i Auditimit 2024/2025, si dhe gjetjet kryesore tëdy raporteve të auditimit të performancës dhe një auditimi të pajtueshmërisë si: 

• “Efikasiteti dhe efektiviteti në procesin e ndërtimeve të larta në Komunën e Prishtinës”;
• “Efikasiteti në realizimin e projektit ‘Rehabilitimi i Linjës 10 Hekurudhore Hani i Elezit – Leshak’”; si dhe
• “Menaxhimi i kontratës ‘Mirëmbajtja dhe riparimi i infrastrukturës në Deponitë Sanitare dhe Stacionet e Transferit në Kompaninë e Menaxhimit të Deponive në Kosovë (KMDK)’”.

Konferenca do të mbahet:

Të martën, 18 mars 2025

Ora: 11:00

Vendi: Zyra Kombëtare e Auditimit (ZKA)

Ju mirëpresim!