Më 2 dhe 3 korrik 2025, në Baku të Azerbajxhanit u mbajt punëtoria rajonale “Auditimi i Prokurimit Publik – Praktika dhe Inovacione”, e organizuar nga Dhoma e Llogaridhënies e Azerbajxhanit në bashkëpunim me SIGMA-n dhe ekspertë të institucioneve më të larta të auditimit nga vende të ndryshme. Punëtoria pati për qëllim shkëmbimin e përvojave dhe thellimin e bashkëpunimit në mes të Institucioneve Supreme të Auditimit.  

Në këtë ngjarje virtualisht mori pjesë edhe Zyra Kombëtare e Auditimit e Kosovës, e cila u përfaqësua nga Udhëheqësi i Departamentit për Auditimin e Performancës, Arben Selimi.  

Në kuadër të sesionit dedikuar përvojave të Institucioneve Supreme të Auditimit, z. Selimi prezantoi qasjen dhe praktikat e ZKA-së në auditimet për fushën e prokurimit publike, duke ndarë sfidat, zhvillimet dhe rezultatet e arritura në këtë fushë.

Në kuadër të një vizite studimore në Republikën e Kosovës, një delegacion nga Autoriteti i Ankesave të Prokurimit Publik të Tanzanisë vizitoi sot Zyren Kombëtare të Auditimit (ZKA).

Auditorja e Përgjithshme, Vlora Spanca, i ka përshëndetur dhe u ka uruar mirëseardhje delegacionit nga Tanzania, ndërsa në takim u priten nga Zëvendës Auditori i Përgjithshëm, Bezad Halilaj, dhe zyrtarë tjerë të lartë të ZKA-së.

Me këtë rast mysafirëve iu prezantua historiku, mandati dhe roli i ZKA-së, si dhe praktikat në fushën e auditimit të prokurimit publik dhe auditimeve të performancës. Arben Selimi, Ushtrues Detyre i Drejtorit të Auditimit të Performancës prezantoi ndikimin e punës audituese për forcimin e llogaridhënies dhe transparencës në institucionet publike, si dhe raste konkrete nga auditimi i proceseve të prokurimit në nivel qendror dhe lokal.  

Vizita kishte për qëllim shkëmbimin e përvojave ndërinstitucionale dhe ofroi një mundësi të mirë për të diskutuar mbi sfidat dhe praktikat e ndryshme në mbikëqyrjen e prokurimit publik në të dyja vendet.