30
Auditimi evidenton mangësi në ofrimin e të dhënave cilësore, të sakta dhe të besueshme në Sistemin e Informacionit të Tatimit në Pronë
Lexo më shumë
Nga 22 deri në 26 shtator 2025, një delegacion i Zyrës Kombëtare të Auditimit (ZKA) i udhëhequr nga Zëvendës Auditori i Përgjithshëm, Bezad Halilaj, qëndroi për vizitë zyrtare në Zyrën Kombëtare të Auditimit të Suedisë (SNAO) në Stokholm.
Vizita njëjavore pati për qëllim hartimin e planit dyvjeçar për zbatimin e projektit të ri të bashkëpunimit për zhvillim institucional 2025-2030 ndërmjet dy Institucioneve Supreme të Auditimit. Fokusi ishte të objektivat, ndarja e roleve dhe përgjegjësive sipas objektivave dhe komponentëve si dhe rezultatet e synuara për dy vitet e ardhshme 2026-2027.
Zyrtarët përgjegjës për menaxhimin e projektit u angazhuan për t’i identifikuar aktivitetet me përparësi sipas komponentëve, dhe nënkomponentët, zbatimin e tyre si dhe treguesit e rezultateve.
Po ashtu programi i vizitës përfshiu edhe sesionin për menaxhimin e projektit, menaxhimin e ndryshimit dhe ndikimin e rezultateve të projektit në punën e institucionit.
