republika-e-kosoves
Thank you! Your submission has been received!
Oops! Something went wrong while submitting the form.
Shqip
1/26/2023 6:38:53 PM

Institucionet Supreme të Auditimit të Kosovës, Shqipërisë dhe Maqedonisë së Veriut përmes auditimit duan të fuqizojnë pozitën e grave nga zonat rurale përmes përfshirjes së tyre në tregun e punës

Krerët e Institucioneve Supreme të Auditimit të Kosovës, Shqipërisë dhe Maqedonisë së Veriut me mbështetjen e UN Women kanë mbajtur një takim të përbashkët për intensifikimin e bashkëpunimit për realizimin e auditimit të përbashkët të performancës me temën “Fuqizimi i grave në zonat rurale nëpërmjet përfshirjes së tyre në tregun e punës”, duke përfshirë elaborimin e kësaj temë, planin e punës dhe afatet e raportimit. Me këtë rast Auditorja e Përgjithshme, Vlora Spanca, ka thënë se përfitimi i një auditimi të përbashkët duke pasur parasysh edhe mbështetjen në ngritjen e kapaciteteve audituese nga UN Women do t’i shtojë vlerë këtij auditimi e posaçërisht  referimit të praktikave të mira rajonale e ndërkombëtare lidhur me zbatimin e qëllimeve të zhvillimit të qëndrueshëm përkatësisht qëllimit të pestë barazia gjinore dhe fuqizimi i grave dhe vajzave. Znj. Spanca është zotuar për pjesëmarrjen e Zyrës Kombëtare të Auditimit në auditimin e  përbashkët të performancës me institucionet homologe në rajon dhe për angazhimin e ekipit auditues që t’i adresojnë çështjet me interes të përbashkët sa i përket fuqizimit të grave dhe vajzave në vend. Standardet Ndërkombëtare të Institucioneve Supreme të Auditimit që kanë të bëjnë me vlerat dhe dobitë e institucioneve supreme të auditimit kanë vendosur përgjegjësi të madhe për ne që të veprojmë në interes të publikut dhe t’i përgjigjemi me kohë dhe në mënyrë adekuate  sfidave të qytetarëve dhe pritjeve të palëve të ndryshme të interesit. Andaj, auditimi i performancës me temën “Fuqizimi i grave në zonat rurale nëpërmjet përfshirjes së tyre në tregun e punës”, është një temë e qëlluar dhe është prioritet i ZKA-së në drejtim të adresimit të çështjeve që kanë të bëjnë me fuqizimin e grave dhe vajzave. Fushëveprimi i auditimit do të jetë tek investimi në formimin profesional të grave në zonat rurale; mbështetja për krijimin e vendeve të punës si dhe investimi në shërbimet publike. Përveç Auditores së Përgjithshme, Vlora Spanca, pjesë e takimit kanë qenë edhe Auditori i Përgjithshëm i Maqedonisë së Veriut, Maksim Acevski, Drejtoresha e Përgjithshme e Kontrollit të Lartë të Shtetit të Shqipërisë, Marjola Llana, Sekretarja e Përgjithshme, si dhe Ermira Lubani nga UN Women. Në shërbim të këtij projekti të përbashkët dhe adresimit të çështjeve të trajtimit gjinor, një ditë më parë, Auditorja e Përgjithshme, Vlora Spanca, ka pritur në takim të veçantë  Ermira Lubanin, specialiste e Programit në UN Women. Znj. Spanca e ka falënderuar mysafiren për bashkëpunimin dhe mbështetjen në këtë proces duke thënë se ZKA-ja do të jetë e përkushtuar maksimalisht për këtë iniciativë të rëndësishme e cila do të mundësoj shkëmbimin e praktikave më të mira në mes të auditorëve të Institucioneve Supreme të Ballkanit Perëndimor.

  • Share:

Lexo lajme tjera:

ZKA-ja nis vitin me zbatimin e planit për zhvillimin profesional të punonjësve– trajnime për tema me interes do të mbahen gjatë muajit janar
19/01/2023

ZKA-ja nis vitin me zbatimin e planit për zhvillimin profesional të punonjësve– trajnime për tema me interes do të mbahen gjatë muajit janar

Avancimi i vazhdueshëm i njohurive profesionale të stafit vazhdon të jetë prioritet i Zyrës Kombëtare të Auditimit (ZKA) edhe për këtë vit. Prandaj nëpërmjet Planin vjetor të trajnimeve dhe zhvillimit profesional janë adresuar nevojat dhe kërkesat e punonjësve për zhvillim në fusha specifike. Zbatimi i Planit të trajnimeve për muajin janar ka filluar me mbajtjen e trajnimit për stafin auditues “E-Prokurimi” nga ligjërues të Komisioni Rregullativ të Prokurimit Publik (KRPP) i cili po realizohet në kuadër të memorandumit të bashkëpunimit në mes të dy institucioneve. Auditimi i sistemit të prokurimit publik është jashtëzakonisht i rëndësishëm, prandaj avancimi profesional i auditorëve në këtë fushë është i domosdoshëm dhe ndikon në rritjen e përgjegjësisë dhe llogaridhënies publike në Kosovë. Po ashtu gjatë kësaj jave stafi auditues do ta ndjekë edhe trajnimin “E-Pasuria” i cili do të mbahet nga zyrtarët e Ministrisë së Punëve të Brendshme dhe Administratës Publike (MPBAP). Nga ky trajnim auditorët do të avancojnë njohuritë e tyre sa i përket sistemit E-Pasuria në përgjithësi, përkatësisht modulit të raportimeve pasi ajo është pjesë me interes më të lartë për ta.  Auditorët do të kenë qasje  monitoruese në sistemin E-pasuria gjatë punës në terren gjë që do ta bëj auditimin më efektiv dhe efikas. Edhe në javën e tretë të janarit për punonjësit e ZKA-së do të mbahen edhe dy trajnime të tjera lidhur me “Shkrimin e raporteve dhe përdorimin e gjuhës së thjeshtë” si dhe trajnimi  për “Rritjen e aftësive për ligjërim dhe mësim”. Trajnimet organizohen në kuadër të projektit të bashkëpunimit bilateral “Bashkëpunimi për Zhvillim Institucional me Zyrën Kombëtare të Auditimit të Kosovës 2020-2023”dhe mbahen nga ekspertë dhe trajnerë të Zyrës Kombëtare të Auditimit të Suedisë. Gjithashtu në fund të këtij muaji do të mbahet edhe trajnimi i brendshëm për stafin e ri dhe auditorët junior për auditim financiar “Qasja e Auditimit të Pasurisë  (menaxhimi i pasurisë).
Lexo më shumë
Përmes zbatimit të Planit Strategjik 2023 – 2026, Auditorja e Përgjithshme synon të rris ndikimin e ZKA-së për të mirën e përgjithshme
27/01/2023

Përmes zbatimit të Planit Strategjik 2023 – 2026, Auditorja e Përgjithshme synon të rris ndikimin e ZKA-së për të mirën e përgjithshme

Për të vendosur drejtimin institucional në tre vitet e ardhshëm dhe për t’i përballuar me sukses sfidat si dhe për të përmbushur misionin dhe ambiciet institucionale, Zyra Kombëtare e Auditimit (ZKA) ka hartuar Planin Strategjik 2023-2026 përmes së cilit ka përcaktuar qëllimet kryesore. Plani është miratuar nga Auditorja e Përgjithshme Vlora Spanca, e cila ka thënë se nëpërmjet tij ZKA-ja synon avancimin e pavarësisë institucionale në përputhje me parimet kyçe të INTOSAI-t në mënyrë që Zyra të jetë institucion shembull në sektorin publik duke respektuar parimet dhe vlerat kyçe lidhur me integritetin, llogaridhënien dhe transparencën në proceset e brendshme organizative. Komunikimin me Kuvendin dhe institucionet e tjera synon ta rivendos në një rol më proaktiv për ndihmuar autoritetet të marrin vendime të qëndrueshme dhe të bazuara në informata të sakta dhe të arsyetuara drejt. Kryerja e auditimeve në përputhje me mandatin kushtetues e ligjor dhe kornizën e INTOSAI-t për deklaratat profesionale, zhvillimi i kapaciteteve institucionale në funksion të auditimeve efektive si dhe bashkëpunimi cilësor me palët e interesit janë tri qëllimet kryesore të Planit Strategjik të ZKA-së 2023-2026. Pavarësia, Standardet, Cilësia, që përfshijnë kryerjen e auditimeve në përputhje me mandatin kushtetues e ligjor dhe kornizën e INTOSAI-t për deklaratat profesionale; Kapacitetet dhe Burimet, që përfshin zhvillimin e kapaciteteve institucionale në funksion të auditimeve efektive; si dhe Imazhi dhe Ndikimi që përfshin bashkëpunimi cilësor me palët e interesit janë tri qëllimet kryesore të Planit Strategjik 2023-2026. Përmes realizimit të qëllimeve strategjike ZKA-ja do të rris edhe më tej kredibilitetin institucional për të kryer misionin e saj në mënyrë të pavarur dhe objektiv si dhe për të përmbushur pritjet e qytetarëve. Plani Strategjik 2023-2026 ka për qëllim kryesor që ta bëjë ZKA-në institucion që orienton të gjitha aktivitetet e brendshme dhe të jashtme drejt ndikimit të dëshiruar në funksionimin e shtetit, ku personat përgjegjës të institucioneve publike i kuptojnë rolet e tyre, procesin e përgjithshëm shtetëror dhe veprojnë për të mirën e gjithmbarshme. Përgatitja e këtij Plani është zhvilluar përmes një procesi të hapur dhe gjithëpërfshirës duke respektuar kornizën e INTOSAI-t për planifikim strategjik, zbatim dhe raportim. Ekspert të angazhuar nga Iniciativa për Zhvillim e INTOSAI-t dhe Zyra Kombëtare e Auditimit të Suedisë kanë dhënë kontribut të rëndësishëm në këtë proces. Planin Strategjik të Zyrës Kombëtare të Auditimit 2023-2026 e gjeni këtu.
Lexo më shumë