Përfaqësues të Zyrës se Auditorit të Përgjithshëm me datë; 16 dhe 17 tetor 2008 morën pjesë në Seminarin “Subvencionet publike” i cili u mbajt në qytetin Insbruk të Austrisë. Seminari është organizuar nga Organizata Evropiane e Institucioneve Regjionale të Auditimit (EURORAI).
Pjesëmarrja në këtë Seminar është bërë me ftesë të kësaj organizate.
Në ditën e parë të pjesëmarrjes me datë; 16.10.2008 vizita e përfaqësuesve u karakterizua me një darkë solemne, ku për qellim ishte njohja dhe shkëmbimi i bashkëpunimit me përfaqësues të Zyrave të tjera si motër.
Me datë; 17.10.2008 u zhvillua Seminari “Subvencionet publike” duke u karakterizuar me një pjesëmarrje të ngjeshur të vendeve të rajonit.Në këtë Seminar prezantuan me ligjërimet e tyre përfaqësues nga Zyrat e Austrisë, Katalonisë, Anglisë, Polonisë, Islandës dhe Holandës.
Në takim u theksua rëndësia e auditimit të Subvencioneve publike, metodat e auditimit, standardet dhe elemente të tjera të rëndësishme qe lidhën me këtë kategori financiare.

 
Kosova është anëtare e EURORAI-t qe nga data: 19 tetor 2004 dhe ka zhvilluar kontakte dhe ka marrë pjesë në takime të ndryshme në vazhdimësi.
Megjithatë e veçanta e kësaj pjesëmarrje dhe impresionuese ishte fakti se, Kosova edhe në fushën e auditimit për herë të parë u përfaqësua në cilësinë e Shtetit të Kosovës, duke u identifikuar me Simbolin shtetëror të sajë.

Me 10 dhe 11 korrik ZAP mbajti Konferencën e Katërt Vjetore në Pejë. Kjo konferencë tashmë është shndërruar në traditë ku së bashku me partnerët dhe miqtë po përcillen arritjet e zyrës vit pas viti.
Objektiva e kësaj konference ka qenë që së bashku të festojmë sukseset tona, identifikojmë anët e forta dhe dobësitë si dhe të menduarit se si mund të përmirësohemi.

Kësaj ngjarje iu bashkuan edhe mysafirët  nga Kontrolli i Lartë i Shtetit të Shqipërisë kryesuar nga kryetari Bujar Leskaj, anëtarë të Komisionit për Mbikëqyrje të Financave Publike nga Kuvendi i Kosovës, partnerët tanë nga Zyra Kombëtare e Auditimit të Suedisë si dhe përfaqësues nga KIPRED.

Auditori i Përgjithshëm z. Lage Olofsson, në fjalën e tij drejtuar të pranishmëve tha “ZAP ka një staf i cili po rritet, ka entuziazëm për punë dhe po profesionalizohet çdo ditë; partnerë shumë të mirë  me të cilët kemi punuar një kohë të gjatë dhe ata e kuptojnë se ata janë këtu që të na ndihmojnë.  Por jemi ne ata që e drejtojmë reformën, jemi ne ata që duhet ta bëjmë punën, dhe ne duhet të jemi përgjegjës sepse e ardhmja është në duart tona. Progresi është evident dhe nuk ka asnjë arsye që Kosova mos të meritoj standardet dhe praktikat e mira evropiane.  Ne duhet të vazhdojmë rrugën që kemi nisur për t’u bërë një Institucion Suprem i Auditimit që performon mirë. Nuk ka asnjë arsye që të kthehemi prapa dhe marrim një rrugë tjetër. Ajo se çka nevojitet në këtë zyrë për të shkuar tutje janë: Menaxhim korporativ më i fortë; kuriozitet më i madh dhe përkushtimi duhet të jetë më mirë i shpërndarë. Fokusi, Ndryshimi dhe mobilizimi i resurseve janë parakushtet kryesore”.

Z. Armend Zemaj, anëtarë i Komisionit për Mbikëqyrje të Financave Publike në Kuvendin e Kosovës, në emër të KMFP shprehi përkrahjen për ZAP por edhe pritshmëritë nga ana e komisionit duke vënë një theks të veçantë tek zhvillimi i auditimeve të performancës dhe përcjellja e rekomandimeve.

Armend Zemaj-KMFP, Fjoralba Kokonozi-Sylaj, Lage Olofsson – ZAP dhe Bujar Leskaj – KLSH 

Në ditën e dytë të konferencës Kryetari i KLSH-së Z. Bujar Leskaj, mbajti një fjalim para të pranishmëve ku paraqiti situatën aktuale dhe zhvillimin e Institucionit Suprem të Auditimit të Shqipërisë si dhe punët në proces.
Zyra Kombëtare e Auditimit të Suedisë e përfaqësuar nga z. Fredrik Friberg shpalosi asistencën që do t’i ipet institucionit tonë gjatë sezonit të ardhshëm të auditimit.
 Në sesionet punuese të organizuara në grupe, ZAP shpalosi të arriturat dhe sfidat gjatë sezonit të auditimit 2011/12 përgaditjet për sezonin e ri, si dhe pritshmëritë në të ardhmen. Kolegët tanë nga Shqipëria u bashkuan me grupet punuese dhe kjo shërbeu edhe për shkëmbimin e pervojave nga të dyja anët. 

Grup punues gjatë konferencës

Katër nga anëtarët e delegacionit nga Shqipëria po vazhdojnë qëndrimin e tyre në Prishtinë për të marrë pjesë edhe në trajnimet e organizuara nga ZAP.