Në seancën plenare të - data- , Auditori i Përgjithshëm, z. Lage Olofsson prezantoi para anëtarëve të Kuvendit të Kosovës raportin e tij vjetor të auditimit për vitin 2011. Kjo ishte hera e parë që Auditori i Përgjithshëm iu adresua personalisht Kuvendit në seancë plenare.

Në fjalimin e tij, Auditori i Përgjithshëm theksoi se opinioni përmbledhës gjithëpërfshirës i auditimit ishte se:

“Pasqyrat financiare vjetore të Qeverisë mbi Buxhetin e Republikës së Kosovës prezantojnë, në të gjitha aspektet materiale, një pamje të drejtë dhe të vërtetë të financave dhe gjendjes financiare për vitin fiskal 2011”. 

Ky është një Opinion i pakualifikuar i auditimit në pajtim me SNISA 400, që nënkupton që PVF-të e Buxhetit të Kosovës janë hartuar në pajtim me standardet, ligjet dhe rregulloret e zbatueshme. 

Auditori i Përgjithshëm më pastaj përshkoi fushat e PVF-ve ku është rekomanduar ndërmarrja e masave për të siguruar një cilësi më të mirë të informatave si dhe një bazë më të mirë për vendimet dhe prioritetet buxhetore.       

Sfidat, kur kemi të bëjmë me futjen në përdorim të Menaxhimit të financave publike, përbëjnë pjesën më të madhe të raportit. Rekomandimi më i fuqishëm është i ndërlidhur me fuqizimin e pronësisë mbi reformën e Menaxhimit të financave publike. Një sërë rekomandimesh janë përdorur për t’i adresuar sfidat sistematike dhe strukturore në fjalë, duke ofruar parakushtet për një ekzekutim më ekonomik dhe efikas të buxhetit. 

Auditori i Përgjithshëm më tutje përshkoj disa sektor dhe fusha të ndryshme në administratën publike, duke u përpjekur ta vë theksin në sfidat specifike në organet qendrore; institucionet e pavarura; komunat; dhe aty ku shërbimet publike ofrohen në mënyra të tjera. “Rekomandimi im për Kuvendin është që së pari ta shqyrtojj kërkesën për ndryshimin e Raportit për Buxhetin e Kosovës për vitin 2012 në pajtim me rekomandimet në raport si dhe vendimet e marra nga Kuvendi sot dhe së dyti, një raport të veçantë nga Qeveria me 31 mars të vitit 2013 i cili adreson masat e ndërmarra dhe rezultatet e tyre. 

Të gjitha partitë politike mbështetën Raportin vjetor të auditimit dhe i konsideruan rekomandimet e dhëna si shumë të rëndësishme për ambiciet që raportimi i jashtëm si dhe menaxhimi financiar dhe kontrolli të përmirësohen më tutje. 

Përfaqësuesit e Zyrës së Auditorit të Përgjithshëm në mesin e pjesëmarrësve  të tjerë 

Përfaqësuesit e Zyrës së Auditorit të Përgjithshëm të Kosovës,  Ganimete Dalloshi dhe Fikret Ibrahimi  morën pjesë në seminarin, “Auditimi i Partneriteteve Publiko Private: Puna vazhdon” nikoqir i të cilit ishte Gjykata e Auditimit të Holandës.  Seminari u mbajt në Hagë me datat 26 dhe 27 nëntor, pjesëmarrës të të cilit ishin rreth 60 Institucione Supreme të Auditimit nga mbarë bota si dhe përfaqësues nga Banka Botërore, Organizata për Zhvillim dhe Bashkëpunim Ekonomik (OECD), Komisioni Ekonomik për Evropën i Kombeve të Bashkuara (UNECE), Instituti Evropian për Administratë Publike(EIPA) etj. 

Qëllimi i seminarit ishte ndarja e përvojave dhe informacionit mbi auditimin e Partneriteteve Publiko Private në mënyrë që Institucionet Supreme të Auditimit të kuptojnë çështjet specifike për të qenë efektiv dhe të kontribuojnë në vlerën për paratë dhe qëndrueshmërinë e investimeve publike.