Programi PESA-P ka për qëllim ofrimin e mundësive të zhvillimit të aftësive profesionale dhe të menaxhimit, për të mbështetur zbatimin e plotë të Standardeve Ndërkombëtare të Auditimit në punën e përditshme në Institucionet Supreme të Auditimit. Kjo mundëson ngritjen e aftësive në menaxhimin e zhvillimit profesional dhe të planit zhvillimor të auditorëve në ZKA. Auditorët e certifikuar nga IDI janë ftuar të jenë pjesë e programeve të IDI për zhvillim profesional.
Në kuadër të këtij programi pjesëmarrësit ndoqën aktivitete të detyrueshme, duke përfshirë edukimin dixhital të zhvillimit profesional të mbikëqyrur nga trajnerët. Pjesëmarrësit i janë nënshtruar procesit rigoroz të vlerësimit dhe certifikimit.
Certifikata lëshohet nga Iniciativa për Zhvillim INTOSAI (IDI), organizatë ndërkombëtare me mandat të mbështetjes së Institucioneve Supreme të Auditimit (ISA) në vendet në zhvillim për të ngritur në mënyrë të qëndrueshme performancën dhe kapacitetin e tyre. Aktualisht ky program po ndiqet edhe nga disa auditorë nga Zyra Kombëtare e Auditimit të Kosovës.
Auditoret e ZKA-së në programin “Auditimi i të Ardhmes së Barabartë (EFA)” të Iniciativës për Zhvillim të INTOSAI
Auditoret e Zyrës Kombëtare të Auditimit (ZKA), Arta Kryeziu dhe Krenare Pirana, janë pranuar në pilot programin “Auditimi i të Ardhmes së Barabartë (EFA)” të Iniciativës për Zhvillim e INTOSAI-t, program ky që ka për qëllim transformimin dhe zhvillimin e një grupi auditorësh nga Institucionet Supreme të Auditimit (ISA) në agjentë ndryshimi, të cilët do të zhvillojnë një strategji EFA dhe të udhëheqin një auditim EFA në institucionet e tyre përkatëse.
Programi në fjalë përfshin 25 auditorë, përkatësisht dy nga çdo Institucion Suprem i Auditimit nga e gjithë bota, me synimin e zgjerimit të njohurive përmes ndarjes së metodologjisë, mjeteve të auditimit si shkëmbimit të përvojave dhe ideve për tema të rëndësishme si varfëria, gjithëpërfshirja gjinore, përkatësia etnike, migrimi, mosha dhe aftësitë e kufizuara dhe ku mund të fokusohet auditimi pilot i EFA-s i kryer nga ndryshimi.
IDI do t'u ofrojë arsimim profesional krijuesve të ndryshimit dhe t’i mbështesë ata në zhvillimin e strategjisë së EFA dhe kryerjen e një auditimi EFA në fushën me prioritet të lartë, të vendosur nga institucioni. Planifikohet edhe bashkëpunimi me palët e interesuara brenda dhe jashtë INTOSAI-t për të rritur ndërgjegjësimin mbi rolin e auditimit në përfshirje dhe të ardhme të barabarta.
Ndryshuesit e EFA-s do të identifikojnë dhe kryejnë një auditim të performancës ose të përputhshmërisë për barazinë dhe përfshirjen në një zonë me prioritet të lartë të margjinalizimit në kontekstin e tyre kombëtar.
Kandidatët që përfundojnë me sukses programin dhe detyrat e strategjisë dhe auditimit do të pajisen me diplomë “Ndryshues i EFA të IDI-së” dhe do të bëhen pjesë e një rrjeti alumni. Gjithashtu të diplomuarit e grupit të parë të ndryshuesve të EFA do të jenë anëtarë themelues të rrjetit.
Drejtuesve të ISA-ve dhe palëve të interesuara do t'u kërkohet të veprojnë si ambasadorë të EFA-s për të mbrojtur kauzën e auditimit për të ardhme të barabarta në komunitetin e ISA-së dhe për të theksuar rolin dhe kontributin e tyre përmes auditimeve për barazi.
Lexo më shumë
