Lajmet

Sot në Zyrën e Auditorit të përgjithshëm u mbajt trajnimi me temë “Përmirësimi i intervistimit në auditim” vazhdim i trajnimit “Aftësitë dhe procedurat për hetime” nga Mirlinda Ahmeti dhe Fikret Ibrahimi, Auditorë në Zyrën e Auditorit të Përgjithshëm.

Trajnimi u mbajt për të gjithë punëtorët në trajnim dhe personat tjerë të fushës relevante në kuadër të zyrës. Nga pjesëmarrësit u bisedua, se si të përmirësohet forma e intervistimit gjatë procesit të auditimit dhe sigurimi i një interviste sa më të dobishme.

 

Sot në Zyrën e Auditorit të Përgjithshëm do të mbahet prezantimi i radhës me temë “Ndikimi i politikës fiskale në grumbullimin e të hyrave buxhetore në Kosovë gjatë periudhës 2000 – 2008” nga Agron Fetiu, Drejtor i Auditimit në Departamentin e Shëndetësisë, Punës dhe Edukimit.

Ky prezantim do të mbahet për të gjithë punëtorët në trajnim dhe personat tjerë të fushës relevante. Në kuadër të këtij prezantimi do të bisedohet për politikat dhe objektivat fiskale si dhe mënyrat e ndërtimit të politikës fiskale në Kosovë.
Prezantimi do të bëhet në sallën e konferencës.

 

Më datën 30 Prill 2010, Auditori i Përgjithshëm Z. Lage Olofsson ka dërguar Raportin e tij Vjetor të Performancës (RVP) në Kuvend për vitin 2009. Ky raport mbulon një vit të rëndësishëm për Zyrën e Auditorit të Përgjithshëm. Viti 2009 ishte një vit kur u vendos një platformë e re për të pasur një zyrë të ristrukturuar dhe u paraqit një qasje e re për funksionimin dhe menaxhimin. RVP përqendrohet në mënyrën se si Auditori i Përgjithshëm i ka shfrytëzuar burimet dhe në rezultatet e arritura gjatë këtij viti dhe gjithashtu është një përgjigje e rëndësishme drejtuar Kuvendit ku Auditori i Përgjithshëm raporton rreth ushtrimit të mandatit të tij. Ky raport është publikuar edhe në ueb-faqen e ZAP-së www.ks-gov.net/oag i cili është i hapur për komentet e juaja. Për informata të mëtutjeshme, ju lutem kontaktoni: Ilire Daija-Buza Tel. 038 2535 121 ilire.daija@oagks.org ose Qëndresa Mulaj Tel. 038 2535 262 qendresa.mulaj@oagks.org

Zëvendës Auditori i Përgjithshëm i Kosovës, Z. Ibrahim Gjylderen dhe Drejtori i Administratës, Z. Uka kanë marrë pjesë në kursin për Kornizë të Matjes së Performances të MFP së PEFA të mbajtur në Ljubljanë më 20-22 Tetor 2009. Ky kurs është organizuar nga Qendra e Përsosmërisë në Financa (CEF). Kursi për Kornizë të Matjes së Performances së MFP të PEFA është dizajnuar që të zgjeroj njohuritë dhe aftësitë e kërkuara për analizë të Kornizës së Matjes së Performances së MFP të PEFA duke përdorur mjetet dhe teknikat e pranuara ndërkombetarisht.

Ky kurs ka theksuar simulimet e rasteve të studimit dhe pjesëmarrjen e studentëve në ushtrime grupore.

Pjesëmarrësit kanë qenë prej Shqipërisë, Kroacisë, Gjeorgjisë, Maqedonisë, Slovakisë, Vietnamit dhe Kosovës.

Ky seminar ka përfshirë përvojat e studentëve si pjesë e metodologjisë së mësimit.

 

 

 

Dita e parë e Vizitës së ZAP të Kosovës E hënë, 12 Tetor 2009

Gjykata e Auditimit të Republikës së Sllovenisë ka mirëpritur delegacionin e Zyrës së Auditorit të Përgjithshëm (Institucioni Suprem i Auditimit) të Republikës së Kosovës. Delegacioni prej pesë anëtarëve është udhëhequr nga zëvendës Auditori i Përgjithshëm i ZAP Z. Qerkin Morina . Anëtarët tjerë që kanë marrë pjesë në delegacion kanë qenë Kryesuesi i Departamentit Ligjor-Z. Imri Semetishti , Drejtori i Administratës-Z. Fatmir Uka, Kryesuesja e Sekretariatit/Marrëdhënieve me Publikun-Znj. Ilire Daija-Buza dhe Përkthyesi i Projektit-Z. Arsim Deda.

Takimet e punës paraprakisht fokusuar që të prezantojnë praktikat më të mira në fushat e ndryshme të punës së Gjykatës së Auditimt të Republikës së Sllovenisë. Të hënë më 12 Tetor delegacioni është pranuar nga presidenti i Gjykatës së Auditimit Dr Igor Soltes, i cili ka prezantuar organizatën e institucionit, përfitimet e anëtarësimit në EUROSAI dhe INTOSAI, praktikat më të mira të disa auditimeve të performancës. Z. Morina ka theksuar rëndësinë e vizitës dhe bashkëpunimin tonë në të ardhmen.

Nga e majta: Z. Semetishti, Znj Daija-Buza, Z. Uka, Z. Morina, Dr Šoltes dhe Z. Deda

Pastaj delegacioni është pranuar nga zëvendësi i parë i presidentit Z. Tomaž Vesel që ka përshkruar fushëveprimin e vizitës dhe prezantimet dhe Z Morina gjithashtu ka theksuar nevojat per asistencë në arritjen e objektivave të prezantuara të punës së Zyrës së Auditorit të Përgjithshëm.

Nga e majta: Z. Deda, Z. Uka, Z. Morina, Z. Semetishti, Znj Daija-Buza dhe Z. Vesel

Veç Kësaj, delegacioni nga ZAP ka diskutuar me një auditor suprem të shtetit të Gjykatës së Auditimit Dr Miroslav Kranjc mbi auditimin e performancës dhe programin REVIS që përcjell procedurën e auditimit dhe sekretaren e përgjithshme Znj Lidija Blaha që ka prezantuar zhvillimin e karrierës. Lidhur me komunikimin e brendshëm dhe të jashtëm Znj Daija-Buza ka mbajtuar takim bilateral me Znj Furman në një çasje më praktike.

Nga e majta: Dr Kranjc, z. Deda


Nga e majta: Z. Deda, Z. Uka, Z. Morina, Z. Semetishti, Znj. Daija-Buza dhe Znj. Blaha

Anëtarët e ZAP kanë qenë mjaft pro-aktiv duke i ndarë opinionet e tyre, praktikat e tyre më të mira dhe sfidat për zhvillim të institucionit të ZAP.

Dita e dytë e Vizitës në Slloveni nga ZAP Kosova E martë, 13 Tet 2009

Të martën anëtarët e ZAP të delegacionit janë takuar me zëvendësin e dytë të presidentit Zoran Mladenovic dhe ka vazhduar diskutimet me auditorin suprem të shtetit Mojca Planinšek, MA, Jorg Kristijan Petrovic, MA dhe Dr Tina Eržen. Temat kanë qenë të ndërlidhura me planifikimin vjetor strategjik, auditimin e buxhetit të shtetit, auditimin e vetëqeverisjes dhe fondet e BE-së. Vërejtjet/komentet e dhëna nga anëtarët e delegacionin kanë qenë mjaft praktike që ndërlidhen me operacionet ditore dhe gjithashtu kanë shkëmbyer pikëpamjet dhe praktikat më të mira.


Nga e majta: Z Deda, Z Uka, Z Morina, Z Semetishti, Znj Daija-Buza, Z Mladenovic



Nga e majta: Z Deda, Z Uka, Z Morina, Z Semetishti, Znj Daija-Buza, Znj Planinsek



Nga e majta: Z. Petrovic dhe delegacioni nga ZAP


Vizita e suksesshme e Vizitës Studimore të ZAP Kosova E mërkure, 14 Tet 2009

E Mërkure, 14 Tetor 2009 delegacioni pesë-anëtarësh i udhëhequr nga zëvendës AP i ZAP Z. Qerkin Morina kanë vizituar Kuvendin Kombëtar të Republikës së Sllovenisë ku janë pritur nga Andrej Vizjak, Presidenti i Komisionit për Kontroll të Financave Publike dhe anëtarja e Komisionit Breda Pecan.

Presidenti Vizjak ka prezantuar fuqinë e Parlamentit, Strukturën, historinë, detyrat, misionin dhe kompetencat e Komisionit. Veç kësaj, ai ka shpjeguar se cilat institucione janë duke ushtruar kontroll të financave publike në Slloveni dhe sistemin e kontrollit të brendshëm të financave publike.


ZAP Zëvendës Auditor i Përgjithshëm, Z Morina dhe Presidenti i Komisioni, Z. Vizjak

Z Vizjak ka theksuar se në fillim të vitit 2004 Komisioni ka përshtatur vendimin për të marrë pjesë në projekt binjakëzues lidhur me kontroll të financave publike dhe Zyra Kombëtare e Auditimit të Britanisë së Madhe është zgjedhur si partner i projektit. Projekti është përfunduar me sukses në vitin 2007 dhe bazuar në konkluzionit e tij, Komisioni ka vendosur se kur diskutohet për raporte të auditimit që ndërlidhen me performancë, procedurat që duhet të modelohet të përdoren procedurat e ndërmarra nga Parlamenti Britanez. Prandaj, Komisioni ka vendosur të përshtat një Rregull të Procedurave të veçantë për auditime të performancës. Procedurat e Auditimeve të Rregullsisë dhe auditimeve të performancës dallojnë kryesisht në fakt se në fund i adresohen pyetje entitetit (të audituarit) menjëherë pas përshtatjes së rendit të ditës.


Delegacioni i ZAP me Presidentin e Komisionit Z.Vizjak

Znj Pecan ka shpjeguar se përvojat e bazuara në bashkëpunimin Binjakëzues në vitin 2007 kanë qenë të transferuar në mënyrë mjaft të suksesshme tek operacionet praktike të Komisionit. Gjithashtu, Komisioni ka vendosur të mos i shqyrtoj të gjitha raportet e auditimit por vetëm ato që i nevojitet raporti për përgjigje. Efektet e përgjithshme të punës së Gjykatës së Auditimit dhe rekomandimet janë të integruara në propozimin e buxhetit që baht dy herë në vit 2010-2011 që bazohet në parimet e Buxhetit të bazuar në Rezultate, ka theksuar Znj Pecan.


Nga e majta: Znj Daija-Buza, Z. Deda, Z. Vizjak, Z. Uka, Z. Morina, Znj Pecan

Zëvendës AP Morina ka theksuar rëndësinë e bashkëpunimit me Kuvendin, dhe implementimin e rekomandimeve të ZAP. Delegacionet janë pajtuar që praktikat më të mira duhet të implementohen në mënyrë që të sigurohet efikasitet dhe efektshmëri gjatë shpenzimit të parasë publike.

Vizita studimore ka mbaruar të Mërkurën pasdite. Gjatë vizitës studimore anëtarët e ZAP janë njoftuar me një model të ISA që kohët e fundit ka kaluar nëpër proces të Pranimit, duke i kushtuar vëmendje reformave ligjore që nevojiten dhe bashkëveprimit të ISA me Kuvendin e vet, si dhe sistemin e rregulloreve të brendshme. Gjykata e Auditimit ka siguruar ligjërata të nivelit të lartë mbi të gjitha temat e rëndësishme dhe në modelin e Sllovenisë për të dhënë informata cilësore mbi shfrytëzimin e parasë publike tek partnerët relevant. Të dy palët janë ndier të sigurt se objektivat dhe qëllimet e përgjithshme të vizitës janë plotësuar plotësisht.

 

Auditori i Përgjithshëm i Kosovës, Z. Lage Olofsson ka marrë pjesë në Konferencën e mbajtur në Bruksel 28-29 Shtator 2009 për Kontrollin e Brendshëm të Financave Publike. Drejtorati i Përgjithshëm për Buxhet ka organizuar konferencë për të vlerësuar çasjen e Kontrollit të Brendshëm të Financave Publike përgjatë dhjetë viteve të fundit dhe më në veçanti përvojat e përfituara në Shtetet e reja Anëtare si bazë për zhvillim të mëtutjeshëm të koncepteve dhe çasjeve.

 

Më datën 31 Gusht, Auditori i Përgjithshëm, Lage Olofsson i ka prezantuar Raportin e tij Vjetor të Auditimit (RVA) për vitin financiar 2008 Kryetarit të Komsionit për Buxhet dhe Financa, Zt. Gani Koci- dhe atë me kohë për herë të parë. RVA është një shtyllë e rëndësishme për Qeverisje të Mirë. RVA relevant dhe i prezantuar me kohë i lejon Kuvendit të mbaj Qeverinë si logaridhënës mbi atë se si ata kanë arritur ta realizojnë buxhetin. Po ashtu ky raport i shërben nevojave të qytetarëve si dhe komunitetit ndërkombëtar që të kenë një vlerësim të pavarur të administrimit nga ana e Qeverisë. Auditori i Përgjithshëm shpreh Opinonin e Auditimit nëse  Pasqyrat e Konsolduara Financiare Vjetore të Qeverisë paraqesin 'një pamje të drejtë dhe të vërtetë të situatës financiare të Buxhetit të Konsoliduar të Kosovës' dhe pikëpamjen e tij në cilësinë e menaxhimit financiar në realizimin e buxhetit. RVA reflekton po ashtu edhe Zhvimn e ri Strategjik të iniciuar nga Auditori i Përgjithshëm. Çështjet kyçe janë: •    Qeverisje e Mirë dhe  llogaridhënie në të gjitha nivelet •    Përqendrimi tek përgjegjësitë e Ministrave dhe Menaxherëve •    Auditimi i Sistemeve dhe programeve në lidhje me Auditimn e Transaksioneve dhe Bilanceve Jeni të ftuar që të merrni pjesë në këtë konferencë për shtyp. Për informata të mëtutjeshme, ju lutem kontaktoni: Ilire Daija-Buza Tel: 038 2535 121

Të nderuar Zonja/Zotërinj,

Siç mund edhe ta dini Auditori i Përgjithshëm është në proces të finalizimit të sezonit të auditimit 2008/09.

Brenda tri javëve të ardhshme ne do të publikojmë raportet tona  mbi Pasqyrat Financiare Vjetore të shpenzuesve buxhetor dhe menaxhimin e tyre të ekzekutimit të buxhetit gjatë vitit 2008.

24 raporte të Auditimit të Rregullsisë dhe përpos këtyre edhe 2 Raporte të Auditimit të Performancës do të prezantohen.

Gjatë javës së kaluar ne veç se kemi publikuar një raport të auditimit të Rregullsisë për Ministrinë e Ambientit dhe Planifikimit Hapësinor si dhe një raport të auditimit të performances, të fokusuar në efikasitet dhe besueshmëri të sistemit për pensione tek personat me aftësi të kufizuar për Ministrinë e Punës dhe Mirëqenies Sociale.

Të gjitha raportet mund të gjinden në ueb-faqen e ZAP-së www.ks-gov.net/oag .

Për më shumë informata mos hezitoni të na kontaktoni:

Ilire Daija,

Tel: 044 157 022

 

 

Të premten, me 8 Maj 2009. Komisioni për Buxhet dhe Financa i Kuvendit ka diskutuar Raportin Vjetor të Performancës për vitin 2008. Kjo tani paraqet një obligim për të gjithë shpenzuesit e buxhetit, që të krijojnë një raport të tillë. Qëllimi është ti japim Kuvendit një pasqyrë se çka është përpiluar si dhe rezultatet e arritura. Ky ishte një ndër raportet e para të RVP bërë në Administratën Publike të Kosovës.

Raporti është vlerësuar si një mjet i dobishëm që përmban të gjitha elementet e kërkuara e që gjithashtu jep një vizion të qartë si ti adresojë sfidat me të cilat ballafaqohen. Sipas Komisionit, raporti gjithashtu mund të shërbej si një Model për raportet që i nxjerrin organizatat tjera.

Z. Lage Olofsson , Auditori i Përgjithshëm, theksoi përpjekjet e ti për të kontribuar në zhvillim të qëndrueshëm të menxhmentit financiar në administratën publike dhe kujdeset për standardet dhe profesionalizëm të lartë në themelimin e qëndrueshëm dhe funksionim sa më të mirë të Zyrës Kombëtare të Auditimit. Kjo kërkon një bashkëpunim të mirë, në mes të tjerash, Kuvendin dhe mbështetjen në sigurimin e mjaftueshëm të burimeve.

Komisioni një zëri ka shprehur mbështetjen e tyre të plotë për punën e zyrës, shtegu i zhvillimit që është ndërmarrë dhe kanë theksuar se i kuptojnë pasojat e resurseve.

 

Përfaqësuesi Civil Ndërkombëtar (ICR) Pieter Feith, u takua sot me Auditorin e Përgjithshëm të Republikës së Kosovës, Lars Lage Olofsson. ICR-ja e kishte emëruar Auditorin e ri të Përgjithshëm më 19 janar, ndërsa ai postin e mori më 1 mars.

Z. Feith dhe z. Olofsson diskutuan për rolin e rëndësishëm të një Zyre të pavarur të Auditorit të Përgjithshëm sa i përket llogaridhënies së institucioneve publike. ICR-ja e siguroi z. Olofsson se do t'i japë mbështetjen e tij të plotë .

Z. Olofsson me këtë rast tha:

“ Tashmë jam këtu që tri javë .Mes tjerash, kam patur mundësinë që të takohem me disa nga partnerët e mi më të afërt. Me kënaqë si konstatoj se t ë gjithë ata e kanë deklaruar qartë mbështetjen e tyre ndaj meje dhe po ashtu – në mënyra të ndryshme – pritjet e tyre të më dha që kanë për zyrën ime. Natyrisht, pritjet dallojnë paksa dhe do të jetë një aktivitet i mirë që të bashkëpunojmë ngushtë me ta, për të krijuar praktika më të qarta të llogaridhënies mes Kuvendit, Qeverisë ,shpenzuesve t ë buxhetit dhe zyrës sime. ”

“ Jam i bindur se partnerët e mi e kuptojnë nevojën për një Zyrë t ë Auditorit të Përgjithshëm vërtet të pavarur në procesin e llogaridhënies. Po ashtu, jam i bindur se ata në praktikë do të marrin masa të rrepta për të siguruar pavar ësinë financiare dhe mjetet e mjaftueshme. Kështu na mundësojnë të kryejmë rolin tonë si Institucion më i Lartë i Auditimit ndaj popullit të Kosov ës në përputhje me mandatin tonë . ”

Pieter Feith me këtë rast tha:

“ Auditori i Përgjithshëm luan një rol kryesor në nxitjen e disiplinës buxhetore, administrimin e shëndoshë të financave publike dhe ekzekutimin e duhur të shpenzimeve buxhetore. Puna e tij dhe e zyrës së tij është në interes dhe në emër të ë gjithë qytetarëve të Kosovës.

“ Pavarësia e Auditorit të Përgjithshëm nga çdo ndikim është vendimtare në përmbushjen e mandatit t ë tij, për të siguruar një vlerësim të pavarur të llogaridhënies dhe të menaxhimit financiar nga ana e Qeverisë , komunave dhe ndërmarrjeve në pronësi shoqërore. Prandaj, Auditori i Përgjithshëmi jep llogari vetëm Kuvendit të Kosovës.

“ Një Auditor i Përgjithshëm i pavarur dhe efektiv është i rëndësishëm edhe për të risiguruar donatorët e Kosovës, të cilët i financojnë projektet e menaxhuara nga institucionet e Kosovës.

“ U bëj thirrje të gjitha institucioneve të Kosovës që Auditorit të Përgjithshë m t'i ofrojnë bashkëpunim të mirë , ndërsa unë do ta monitoroj nga afër marrëdhënien ndërmjet Zyrës së Auditorit të Përgjithshëm dhe institucioneve.

“ Po ashtu, u rekomandoj mediave dhe opinionit publik që t'i përcjellin raportet e Auditorit të Përgjithshëm, që janë një burim qenësor i asaj sesi institucionet i shpenzojnë paratë e taksapaguesve. ”

Shënim për redaktorët:

•  Auditori i Përgjithshëm do t 'i shqyrtojë kërkesat për intervista. Për çdo interesim, mediat mund t ë kontaktojn ë me: Kai Mueller-Berner +377 (0)44 197 185

•  ICR-ja e emëroi z. Olofsson si Auditor të Përgjithshëm të Republikës së Kosovës më 19 janar 2009 duke vepruar në bazë të autoritetit t ë tij në pajtim me Propozimin

Gjithë përfshirës për Zgjidhjen e Statusit të Kosovës (PGJS) - Aneksit IX, nenit 2.2a. Z. Olofsson e mori postin m ë 1 mars 2009.

•  Zyra e Auditorit të Përgjithshëm të Kosovës është institucion publik i pavarur, përgjegjës për auditimet në qeveri. Ai siguron një vlerësim të pavarur të llogaridhënies dhe menaxhimeve financiare të ministrive të Qeverisë së Kosovës, komunave dhe të ndërmarrjeve publike. Kjo zyrë pë rbëhet nga pesë Departamente të Auditimit, ku secili prej tyre udhëhiqet nga një Drejtor vendor i Auditimit.

•  Auditori i Përgjithshëm drejton Zyrën e Auditorit të Përgjithshëm dhe pë rfaqëson autoritetin publik suprem të auditimit në Kosovë . Ai menaxhon programin vjetor të auditimit dhe auditimin vjetor t ë Buxhetit t ë Konsoliduar të Kosovës.

Z. Lars Lage Olofsson është shtetas i Suedis ë . Ai ka përvojë 25-vjeçare në auditimet e jashtme, menaxhimet dhe kontrollet financiare në sektorin publik dhe organizatat ndërkombëtare. Nga viti 1983 deri m ë 1997 dhe sërish nga viti 2006 ka punuar për Zyrën Shtetërore të Auditimit në Suedi, ku së fundmi ka qenë Këshilltar i Lartë për zhvillimin e biznesit në Departamentin e Bashk ëpunimit Ndërkombëtar. Nga viti 1998 deri më 2004 ai ka punuar në Sigma, që është nismë e përbashkët e OECD-së dhe BE-së për t'i mbështetur vendet në reformat e administratës publike. Ai ka përvojë t ë gjerë në Rusi, shtetet baltike, Afrikë dhe Ballkan, përfshirë punën si konsulent në Zyrën e Auditorit të Përgjithshëm dhe Ministrinë e Ekonomisë dhe Financave të Kosovës. Z. Olofsson ka diplomuar n ë shkencat politike në Universitetin Uppsala.

 

“Është interes yni nacional që institucionet e vendit të forcohen dhe të punojnë duke e respektuar me përpikëri kushtetutshmërinë dhe ligjin”, tha Presidenti i Republikës së Kosovës, dr. Fatmir Sejdiu, gjatë një takimi që pati sot me Auditorin e Përgjithshëm të Kosovës, z. Lage Olofsson.

Duke e cilësuar të rëndësisë së veçantë punën e Zyrës së Auditorit të Përgjithshëm, President Sejdiu vlerësoi se pavarësia dhe objektiviteti duhet të jenë moto e punës së këtij institucioni.

Ndërkaq, z. Olofsson tha se ndihej i nderuar që kishte mundësinë për t'i ndihmuar Kosovës dhe popullit të saj për ndërtimin e institucioneve të qëndrueshme dhe transparente.

“E di që detyra ime është një sfidë mjaft e madhe, por unë dhe ekipi im jemi të vendosur ta përmbyllim me sukses misionin tonë”, pohoi z. Olofsson.

 

Zëvendëskryeministri i Qeverisë së Republikës së Kosovës, Hajredin Kuçi takoi sot Auditorin Gjeneral të posa emëruar, Lage Olofsson.


Zëvendëskryeministri Kuçi me këtë rast, në emër të kryeministrit Hashim Thaçi dhe të Qeverisë së Republikës së Kosovës, e përgëzoi z. Lage Olofsson, për përgjegjësinë e tij të re.
 
Zëvendëskryeministri Kuçi ofroj mbështetjen e plotë të Qeverisë për Zyrën e Auditorit Gjeneral, duke mos ndërhyrë asnjëherë në punën e tyre profesionale dhe njëkohësisht sugjeroj që të këtë bashkëpunim të ngushtë më Qeverinë dhe sistemin gjyqësor që raportet e tyre të vihen në zbatim.
 
Zëvendëskryeministri Kuçi shprehu gatishmërinë e Qeverisë për të ofruar ndihmën e pakursyer legjislative dhe financiar për zyrën e Auditorit Gjeneral që puna e tyre të jetë sa më profesionale dhe efikase.
 
Z. Lage Olofsson falënderoi Zëvendëskryeministrin Kuçi për mbështetjen që ofroi dhe theksoi që është i lumtur të jetë pjese e kësaj strukture llogaridhënie duke punuar në harmoni me acquis communautaire .
 
Z.Lage Olofsson gjithashtu potencoj që bashkëpunimi është i nevojshëm që të kemi raporte efikase dhe që aktorët përkatës të marrin përsipër obligimet që dalin nga raportet e auditimit.