Lajmet

Të mërkurën me  7 nëntor, në ora 16:00 – 17:30, në Amfiteatrin e madh të Bibliotekës Universitare në Prishtinë,  Auditori i Përgjithshëm, Lage Olofsson, do të mbajë një ligjëratë për studentët e Universitetit të Prishtinës. 

Ligjërata do të jetë e fokusuar në zhvillimin auditimit të jashtëm në Kosovë dhe do të jetë e hapur. Studentët do të kenë rastin të bashkëbisedojnë me Auditorin e Përgjithshëm dhe t’i drejtojnë atij pyetjet me interes. 

Më 15 nëntor, prej orës 14.00 dhe 15.00 në Prishtinë, do të mbahet ngjarja për nisjen formale të Projektit të financuar nga BE-ja – Mbështetja e Mëtutjeshme për Zyrën e Auditorit të Përgjithshëm të Kosovës në Arritjen e Praktikave të Mira dhe Standardeve të BE-së. 

Qëllimi i përgjithshëm i projekti është mbështetja e ZAP-it në ndërtimin e një Zyreje Nacionale të Auditimit të Kosovës plotësisht funksionale, për t’i zhvilluar mëtej kapacitetet e saj për ofrimin e objektivave të qëndrueshme dhe për të siguruar që është e gatshme ta marrë vendin e saj në mesin e Institucioneve Supreme të Auditimit të Evropës. Prezantime do të bëjnë Auditori i Përgjithshëm - Lage Olofsson, Melvin Asin – Zëvendes Shef i Operacioneve të Zyrë së BE-së, Ali Sadriu – Kryesues i Komisionit për Mbikqyrjen e Financave Publike  dhe Udhëheqësi i Projektit - – David Goldsworthy nga Zyra Nacionale e Auditimit, Britani e Madhe. Kjo ngjarje do të përmblidhet nga Zëvendës Auditori i Përgjithshëm, Artan Venhari. 

Vendi dhe detajet tjera të ngjarjes do të publikohen në javën e ardhshme. 

Dita e parë e vizitës, 22 tetor 2012 

Zyra Kombëtare e Auditimit të Suedisë (ZKAS) ’Riksrevisionen’ ishte mikpritëse e delegacionit të Zyrës sonë. Delegacioni i përbërë nga pesë anëtarë është udhëhequr nga Auditori i Përgjithshëm, z. Lage Olofsson. Anëtarët e delegacionit ishin: Artan Venhari, Zëvendës Auditori i Përgjithshëm; Ilire Daija-Buza, Shefe e Kabinetit të AP/MP; Neslihane Mati, Auditore e Performancës dhe Safet Berisha, Auditor i Performancës. 

Takimet e punës kryesisht ishin të fokusuara në paraqitjen e praktikave më të mira nëpër fusha të ndryshme të punës së ZKAS. Të hënën, më 22 tetor, delegacioni i diskutoi çështjet aktuale të ZKAS, përfshirë edhe pikëpamjet e kryetares së sindikatës znj. Nina Gustafsson Åberg. Sidoqoftë, marrëdhënia midis ZKAS dhe parlamentit u theksua. Mëtutje, delegacioni gjithashtu ia bëri një vizitë Ambasadës së Kosovës në Suedi. Delegacioni u prit nga ambasadori Kosovar z. Lulzim Peci dhe këshilltari i tij z. Sadat Burrniku. Së bashku ne patëm mundësinë t’i diskutojmë sfidat e krijimit të një MFP-je të mirë për ambasadat që ndodhen jashtë Kosovës. 

Nga ana e majtë: Lulzim Peci dhe Lage Olofsson 

Nga e majta: Safet Berisha, Artan Venhari, Neslihane Mati, Lulzim Peci, Ilire Daija-Buza, Lage Olofsson 

Dita e dytë e vizitës, 23 tetor 2012 

Të martën me 23 tetor u mbajt një takim i Komitetit Drejtues. Takimi u kryesua nga z. Magnus Lindell, Zëvendës Auditori i Përgjithshëm i ZKAS. Auditori i Përgjithshëm z. Lage Olofsson prezantoi situatën aktuale të ZAP-it në aspekte të ndryshme. Raporti i Progresit të projektit  prej shtatorit të vitit 2011 deri në shtatorin e vitit 2012 u prezantua nga z. Fredrik Friberg, Koordinator i Projektit. Bashkëpunimi i mëtejshëm për vitet 2013-2015 (bashkëpunim trevjeçar) është diskutuar, përfshirë vizitat e ardhshme të projektit. Të dyja palët veçuan rëndësinë e zhvillimit të auditimit të performancës, ndërsa Z. Olofsson theksoi rëndësinë e bashkëpunimit të mëtutjeshëm, në mënyrë të posaçme në këtë fushë. 

Më vonë gjatë ditës grupi i ZAP-it ishte ndarë dhe mbajtën takime me sektorë të ndryshëm, përkatës me rolin e tyre. 

Nga e majta: Artan Venhari, Neslihane Mati, Magnus Lindell, Ilire Daija-Buza, Fredrik Friberg, Lage Olofsson dhe Safet Berisha 

Grupi që përbëhej nga Zëvendës Auditori i Përgjithshëm dhe dy auditorë të Performancës gjithashtu u takuan me Kristina Persdotter, këshilltare politike e një partie opozitare, për ta perceptuar se si vlerësimi dhe analiza nga akterët e ndryshëm, përfshirë auditimet e performancës, përdoret në hartimin dhe analizimin e politikë-bërjes. 

Prej ditës së 3-5 të vizitës, 24-26 tetor 

Grupi i udhëhequr nga Zëvendës Auditori i Përgjithshëm, z. Artan Venhari dhe dy auditorë tjerë të performancës vazhduan me trajnim në ZKAS, duke synuar që të kuptojnë aktivitete të ndryshme që kanë të bëjnë me Auditimin e Performancës. 

Grupi i pari u takua me 2 anëtarë të ZKAS, të cilët për së afërmi kanë qenë të përfshirë në punën e Komiteteve Hetimore të Qeverisë, të cilët ofruan informata për punën, përbërjen dhe mandatet e komiteteve të tilla, me shembuj të raporteve që nxirren nga komitetet e tilla dhe se si nga Qeveria bëhet përcjellja e punës së agjencive të saj dhe përshtatshmërinë e politikave të miratuara dhe të implementuara. Më pas, u mbajt një takim me auditorët e performancës në ZKAS, për ta shtjelluar më tej se si strategjitë sektoriale të auditimit planifikohen dhe implementohen dhe si rast studimor është marrë Strategjia e Auditimit të Performancës të ZKAS e vitit 2008-2011 dhe 9 raportet e nxjerra për këtë qëllim. 

Pasdite grupi u takua me z. Gunnar Andren, anëtarët e Komitetit të Taksave dhe znj. Irene Oskarsson dhe z. Jan-Olof Larsson, kryetare dhe zëvendës-kryetar i Komitetit për Mjedis dhe Bujqësi, për t’i diskutuar marrëdhëniet në mes të komisioneve parlamentare dhe ZKAS dhe se si puna e ZKAS përcillet në punën e Parlamentit. Diskutimet gjithashtu përfshinë edhe mënyrën e funksionimit të komiteteve parlamentare, se si Parlamenti i Suedisë (Sveriges Riksdag) i bën vlerësimet dhe hetimet, si dhe mënyrën se si ata i kryejnë analizat e indikatorëve me rastin e diskutimit të ekzekutimit të buxhetit të shtetit, si dhe përcjelljen e buxhetit vjetor. 

Prej majtas: Gunnar Andren, Artan Venhari, Neslihane Mati dhe Safet Berisha 

Grupi gjithashtu u takua me z. Ragnar Olofsson, nga Departamenti i Buxhetit të Ministrisë së Financave për t’u njohur me procesin buxhetor dhe menaxhimin e performancës në Suedi. Fokusi i prezantimit ishte cikli buxhetor dhe korniza buxhetore në Suedi, roli i Ministrisë së Financave si gardiani i fundit i politikës fiskale; strukturës së Qeverisë dhe marrëdhënieve midis Parlamentit, Qeverisë dhe Agjencive Qeveritare. Një fokus i madh gjithashtu ka qenë në mënyrën se si Qeveria e monitoron dhe e vlerëson performancën e agjencive dhe efektet e një monitorimi dhe vlerësimi të tillë. 

Me rastin e mbylljes së vizitës studimore, në një takim të rregullt të stafit, gjithashtu edhe Zëvendës Auditori i Përgjithshëm iu drejtua stafit të ZKAS, për t’i informuar në lidhje me vizitën e ZAP-it në ZKAS dhe për të ofruar disa informata mbi situatën aktuale në ZAP dhe bashkëpunimin e ardhshëm midis këtyre të dyjave. 

Salloni i së Martës, 30 tetor 2012, u hap nga Auditori i Përgjithshëm, Lage Olofsson. Tema e diskutimit “Cilat janë pesë problemet që i kthehen Kosovës vazhdimisht në auditimet e saj” u diskutuar me të pranishmit që vinin nga mediat, shoqëria civile, ekspertë të ndryshëm. 

Auditori i Përgjithshëm, z. Olofsson ndër të tjera u shpreh se: “Përveç vështirësive më të cilat Kosova akoma përballet, gjatë 2-3 viteve të fundit është treguar progres në përmirësimin e cilësisë së informatave në pasqyra financiare. Por kur jemi tek praktika ekzistojnë ende mjaft mangësi të cilat edhe janë paraqitur në Raportin Vjetor të Auditimit 2011. Ne duhet të krijojmë një ambient më të mirë ku secili akter në shoqëri duhet të marrë mbi vete përgjegjësinë dhe të luaj rolin e vet në ndërtimin e demokracisë. Ne duhet të zgjedhim instrumentet e duhura që na qojnë drejt rezultateve, progresit dhe na ndihmojnë të ofrojmë më shumë vlerë për qytetarët.” tha Auditori i Përgjitshëm. 

Secili sallon përcillet me një editorial i cili publikohet në gazetën ‘Zëri’  të martën pasuese. Këtë radhë editoriali do të shkruhet nga Avni Zogiani, Drejtor Ekzekutiv në lëvizjen “Çohu”. 

Auditori i Përgjithshëm, Lage Olofsson, është ftuar të jetë folësi kryesor sonte, e martë 30 tetor, në formatin “Salloni i së Martës” në Dit’e Nat’. Tema e diskutimit do të jetë:  “Cilat janë pesë problemet që i kthehen Kosovës vazhdimisht në auditimet e saj?”, ekspertë, analistë, politikanë, publicist, akademikë dhe aktivistë të ndryshëm do të shkëmbejnë ide dhe do të sjellin pikëpamjet e tyre lidhur me temën. 

Paneli i Anti-Korrupsionit: Valbona Zeneli, Profesoreshë e Studimeve të Sigurisë në Qendrën Evropiane të Studimeve të Sigurisë George C Marshall nga Gjermania, Vjosa Dobruna Ambasadore e Kosovës, Anëtare e Bordit Këshillues, Rrjeti i Grupeve të Grave në Kosovë, Lage Olofsson Auditor i Përgjithshëm i Kosovës nga Suedia, Clarice Alpha Jah, Senatore e Senatit të Liberisë dhe Sasha Rashiq Zv Ministër i Ministrisë së Punëve të Brendshme dhe Koordinator Nacional Kundër Trafikimit të Qenieve Njerëzore, Kundër Narkotikëve dhe menaxhimit të Kufirit, Kosovë.
Auditori i Përgjithshëm i Kosovës z. Lage Olofsson mori pjesë në Samitin Ndërkombëtar të Gruas -Partneriteti për Ndryshim: Fuqizimi i Grave. Kjo ndodhi, ku mikpritësja ishte Presidentja e Kosovës, u mbajt në Prishtinë me datën 4-6 tetor 2012. Z. Olofsson ishte pjesë e Panelit të Anti-Korrupsionit dhe mbajti një fjalim në lidhje me këtë temë.
Me më shumë se 30 vite përvojë të llojllojshme në Auditimin e Jashtëm dhe në Menaxhimin e Jashtëm dhe Kontroll në sektorin publik, mendimi i tij për këtë panel u vlerësua si i frytshëm.

Auditori i Përgjithshëm Lage Olofsson ka dorëzuar Raportin e tij Vjetor të Auditimit (RVA) për Vitin Financiar 2011 në Kuvendin e Kosovës.
Ky Raport Vjetor i Auditimit është gjithëpërfshirës dhe një përmbledhje analitike e të gjeturave dhe rekomandimeve për Vitin Financiar (VF) 2011. Ky raport mbulon implementimin e buxhetit të Qeverisë të vitit 2011 dhe pasqyrave Vjetore Financiare të Buxhetit të Kosovës për atë periudhë.
ky raport i ndihmon Kuvendit që ta mban Qeverinë përgjegjëse për mënyrën se si BK gjatë kësaj periudhe. Gjithashtu, ndihmon në adresimin e mangësive në sistemet e Menaxhimit Financiar dhe Kontrollit në nivele të ndryshme të administratës publike.
“Pasqyrat Vjetore Financiare të Buxhetit të Republikës së Kosovës prezantojnë, në të gjitha aspektet materiale, një pamje të drejtë dhe të vërtetë të financave dhe gjendjes financiare për vitin fiskal 2011”. Në bazë të standardeve të njohura ndërkombëtarisht ky është një Opinion i Pakualifikuar i Auditimit në pajtim me SNISA 400.
Qeveria ka treguar progres në përmirësimin e sistemit të Menaxhimit të Financave Publike. Korniza ligjore e MFP-së është azhurnuar dhe bërë më e qartë. Zbatimi i kornizës ligjore ende le hapësirë për përmirësim. Fushat që kanë nevojë për zhvillim të mëtejshëm janë planifikimi operativ, raportimi i brendshëm menaxherial, raportimi i jashtëm për performancë,  kontrolli i brendshëm financiar, prokurimi dhe menaxhimi i investimeve kapitale.
Ky raport thekson se forcimi i mjedisit të përgjithshëm të kontrollit është i rëndësishëm, për të siguruar se paratë e tatimpaguesve përdorën në mënyrë më ekonomike dhe më me kujdes. Pavarësisht progresit të vërejtur në një numër organizatash, efikasiteti dhe aplikimi i qëndrueshëm i menaxhimit financiar ende mbetet një sfidë. Rekomandimet jepen në mënyrë sistematike duke i adresuar shkaqet dhe zgjidhjen e tyre.   
Auditori i Përgjithshëm deklaron se “Ky raport i paraqet sfidat kryesore të cilat ne të gjithë duhet t’i adresojmë në mënyrë që t’i shtyjmë përpara përmirësimet në sektorin publik. Është shpresë e imja se ju do ta gjeni raportin të dobishëm për identifikimin e fushave ku ne mund të punojmë së bashku në mënyrë që t’u shërbejmë më mirë qytetarëve të Kosovës”.
Ky raport tani, sikurse raportet individuale më herët, i publikuar në faqen e internetit të ZAP-it www.oag-rks.org, është i hapur për komentet tuaja.

Zyra e Auditorit të Përgjithshëm ka publikuar Raportin Vjetor të Performancës për vitin 2011.  Ky raport shpalos mënyrën se si Auditori i Përgjithshëm ka shfrytëzuar burimet e besuara dhe është një tregues i rezultateve që ZAP ka arritur gjatë vitit 2011. Në raport vërehet se ZAP po bën një rritje cilësore nga viti në vit. 

Këtë konstatim kanë dhënë edhe anëtarët e Komisionit për Mbikëqyrje të Financave Publike në dy mbledhje të mbajtura kur u shqyrtua Raporti Vjetor i Performancës së ZAP-së për vitin 2011 dhe Raporti i Auditorit të Pavarur për Pasqyrat Vjetore Financiare të ZAP-së, dhe Letra për Menaxhmentin. Auditori i jashtëm i ka konsideruar pasqyrat vjetore financiare si të prezantuara drejtë në të gjitha aspektet materiale. 

Anëtarët e KMFP-së e konsiderojnë ZAP-in një institucion të nivelit të lartë dhe janë të kënaqur me punën që kjo Zyrë po bën dhe informacionin e dhënë në raport. Disa gabime të vogla në ekzekutimin e buxhetit u diskutuan gjithashtu. Ata parashohin që ne të vazhdojmë edhe me tutje me zhvillimet pozimet.  

Raporti është publikuar në faqen elektronike të ZAP-it www.oag-rks.org dhe është i hapur për komentet tuaja. 

Me 10 dhe 11 korrik ZAP mbajti Konferencën e Katërt Vjetore në Pejë. Kjo konferencë tashmë është shndërruar në traditë ku së bashku me partnerët dhe miqtë po përcillen arritjet e zyrës vit pas viti.
Objektiva e kësaj konference ka qenë që së bashku të festojmë sukseset tona, identifikojmë anët e forta dhe dobësitë si dhe të menduarit se si mund të përmirësohemi.

Kësaj ngjarje iu bashkuan edhe mysafirët  nga Kontrolli i Lartë i Shtetit të Shqipërisë kryesuar nga kryetari Bujar Leskaj, anëtarë të Komisionit për Mbikëqyrje të Financave Publike nga Kuvendi i Kosovës, partnerët tanë nga Zyra Kombëtare e Auditimit të Suedisë si dhe përfaqësues nga KIPRED.

Auditori i Përgjithshëm z. Lage Olofsson, në fjalën e tij drejtuar të pranishmëve tha “ZAP ka një staf i cili po rritet, ka entuziazëm për punë dhe po profesionalizohet çdo ditë; partnerë shumë të mirë  me të cilët kemi punuar një kohë të gjatë dhe ata e kuptojnë se ata janë këtu që të na ndihmojnë.  Por jemi ne ata që e drejtojmë reformën, jemi ne ata që duhet ta bëjmë punën, dhe ne duhet të jemi përgjegjës sepse e ardhmja është në duart tona. Progresi është evident dhe nuk ka asnjë arsye që Kosova mos të meritoj standardet dhe praktikat e mira evropiane.  Ne duhet të vazhdojmë rrugën që kemi nisur për t’u bërë një Institucion Suprem i Auditimit që performon mirë. Nuk ka asnjë arsye që të kthehemi prapa dhe marrim një rrugë tjetër. Ajo se çka nevojitet në këtë zyrë për të shkuar tutje janë: Menaxhim korporativ më i fortë; kuriozitet më i madh dhe përkushtimi duhet të jetë më mirë i shpërndarë. Fokusi, Ndryshimi dhe mobilizimi i resurseve janë parakushtet kryesore”.

Z. Armend Zemaj, anëtarë i Komisionit për Mbikëqyrje të Financave Publike në Kuvendin e Kosovës, në emër të KMFP shprehi përkrahjen për ZAP por edhe pritshmëritë nga ana e komisionit duke vënë një theks të veçantë tek zhvillimi i auditimeve të performancës dhe përcjellja e rekomandimeve.

Armend Zemaj-KMFP, Fjoralba Kokonozi-Sylaj, Lage Olofsson – ZAP dhe Bujar Leskaj – KLSH 

Në ditën e dytë të konferencës Kryetari i KLSH-së Z. Bujar Leskaj, mbajti një fjalim para të pranishmëve ku paraqiti situatën aktuale dhe zhvillimin e Institucionit Suprem të Auditimit të Shqipërisë si dhe punët në proces.
Zyra Kombëtare e Auditimit të Suedisë e përfaqësuar nga z. Fredrik Friberg shpalosi asistencën që do t’i ipet institucionit tonë gjatë sezonit të ardhshëm të auditimit.
 Në sesionet punuese të organizuara në grupe, ZAP shpalosi të arriturat dhe sfidat gjatë sezonit të auditimit 2011/12 përgaditjet për sezonin e ri, si dhe pritshmëritë në të ardhmen. Kolegët tanë nga Shqipëria u bashkuan me grupet punuese dhe kjo shërbeu edhe për shkëmbimin e pervojave nga të dyja anët. 

Grup punues gjatë konferencës

Katër nga anëtarët e delegacionit nga Shqipëria po vazhdojnë qëndrimin e tyre në Prishtinë për të marrë pjesë edhe në trajnimet e organizuara nga ZAP.

Auditori i Përgjithshëm sot ka emëruar Artan Venharin në pozitën e Zëvendës Auditorit të Përgjithshëm. Z. Venhari do të marrë pozitën që nga 3 shtatori 2012.
Z. Venhari ka një përvojë të gjerë duke punuar në lidhje me qeverisjen e mirë në sektorin publik. Ai aktualisht punon në KIPRED, Institutin Kosovar për Kërkime dhe Zhvillime të Politikave, nxitjen dhe konsolidimin e demokracisë dhe vlerave demokratike në Kosovë dhe rajon përmes kërkimeve të pavarura, zhvillim të kapaciteteve dhe ndërtim të institucioneve.
Z. Venhari, përveç përgjegjësive si Zëvendës, do të ketë një rol të veçantë në zhvillimin tonë të mëtutjeshëm të auditimit të performancës.

Të mërkurën me 16 maj, z. Olofsson qëndroi për vizitë zyrtare në Gjykatën Turke të Llogarive (TCA). Në takimin e mbajtur me z. Recai Akyel, President i Gjykatës Turke të Llogarive u shpalosën përvojat, sfidat dhe objektivat nga të dyja palët. Progresi i arritur nga ZAP viteve të fundit po përcillet me interesim nga Institucionet Ndërkombëtare të Auditimit, që edhe u vlerësua në këtë takim.

Auditori i Përgjithshëm është në fazën e përfundimit të sezonit të auditimit 2011-2012. Ne jemi në proces të finalizimit të rreth 100 raporteve të auditimit: Auditime të rregullsisë së pasqyrave financiare për vitin 2011, Auditime të menaxhimit, dhe Auditime të performancës. 

Deri tani, Raporti i auditimit mbi Programin për Investime Publike (PIP) është dorëzuar në Kuvend dhe publikuar në faqen tonë të internetit. Javën tjetër do të publikojmë raportin për Efikasitetin në menaxhimin dhe monitorimin e kompanive të ujërave. 

Të gjitha auditimet individuale do të publikohen brenda afatit të paraparë me ligj, përpara datës 30 qershor, që është dhe data e fundit. 

Raporti gjithëpërfshirës Vjetor i Auditimit do të publikohet me 31 gusht.