Lajmet

Auditori i Përgjithshëm, Lage Olofsson, ka dërguar në Kuvend Raportin Vjetor të Auditimit për vitin financiar 2013. Ky raport mbulon zbatimin që Qeveria i ka bërë buxhetit dhe Pasqyrave Financiare të Buxhetit të Kosovës për atë periudhë.

Opinioni i Auditimit dhënë për pasqyrat e konsoliduara financiare për vitin 2013, Opinion i Pamodifikuar 1) me Theksim të Çështjes nxjerr si përfundim se:

“Pasqyrat Vjetore Financiare të Buxhetit të Republikës së Kosovës prezantojnë, në të gjitha aspektet materiale, një pamje të drejtë dhe të vërtetë të gjendjes financiare për vitin e përfunduar më 31 dhjetor 2013.”

Bazë për Theksim të Çështjes janë proceset joefektive për identifikimin e vlerave të pasurive në secilën Organizatë Buxhetore dhe proceset jo të plota të konsolidimit të pasurive në kuadër të Ministrisë së Financave në lidhje me Buxhetin e Kosovës ka rezultuar me mos përfshirjen e vlerave materiale të pasurive në Buxhetin e Kosovës.

Informacioni për pasuritë kapitale të shpalosura në Pasqyrat Vjetore Financiare të Buxhetit të Kosovës dhe në Pasqyrat Vjetore Financiare individuale të Organizatave Buxhetore nuk janë konsistente. Në disa raste, Organizatat Buxhetore kishin shpalosur gabimisht vlerën bruto e jo vlerën neto të pasurisë. Në disa komuna për shkak të kontesteve dhe paqartësisë së pronësisë, prona publike nuk ishte regjistruar në SIMFK duke pamundësuar shpalosjen e tyre në Pasqyrat Vjetore Financiare të Buxhetit të Kosovës. Në Pasqyrat Vjetore Financiare të Buxhetit të Kosovës ekziston një nënvlerësim i pasurisë me 135,192,229€.

Në të njëjtën kohë, Auditori i Përgjithshëm tërheqë vëmendjen që bazuar në gjashtë parimet bazë: llogaridhënia, çiltërsia, vlera për para, ligjshmëria, drejtësia dhe integriteti të cilat janë relevante për auditimin e jashtëm dhe për mbikëqyrjen e mënyrës se si po përdoren fondet publike, entitetet publike të jenë të afta që nga brenda t’i demonstrojnë Qeverisë dhe publikut se pyetjeve të mëposhtme mund t’u jepen përgjigje pozitive:

• A janë duke i shpenzuar ata paratë publike me kujdes e në pajtim me pritshmëritë?
• A janë duke menaxhuar si duhet procesin për shpenzimin e tij? Dhe
• A janë duke bërë ata gjënë e duhur?

Ky raport paraqet sfidat kyçe që duhet të adresohen, të cilat në disa fusha reflektojnë sfida të rëndësishme. Diskutimet dhe përgjigjet lidhur me çështjet e ngritura në raport janë të domosdoshme.

Komunikata për Media dhe raporti janë në dispozicion nga data e publikimit në:

http://www.oag-rks.org,     Facebook

__________________________________________________________________________________________

1) Termi ‘Opinion i pamodifikuar’ është ekuivalent me termin ‘Opinion i pakualifikuar’ i përdorur në versionin paraprak të Raportit Vjetor të Auditimit. Terminologjia e re është në pajtim me standardet e reja të INTOSAI-t (ISSAI 200).

Zyra e Auditorit të Përgjithshëm ka publikuar raportin e auditimit të performancës “Menaxhimi i shfrytëzimit të automjeteve zyrtare” i cili adreson në mënyrë specifike menaxhimin e shfrytëzimit të automjeteve zyrtare në pesë organizata buxhetore të përzgjedhura.

Ky auditim është përqendruar nëse shpërndarja e automjeteve zyrtare është bërë sipas nevojave të departamenteve e jo individëve; shfrytëzimin e tyre në përputhshmëri me UA 03/2008; procesi i raportimit lidhur me shfrytëzimin e automjeteve zyrtare; dhe, se si ministritë e caktuara kanë reaguar në bazë të rekomandimeve të dhëna për to më herët nga burimet e tjera. 

Për redaktorët:

Nga ky auditim është arritur në konkluzion se menaxhimi i shfrytëzimit të automjeteve zyrtare në entitet e audituara po manifestohet me dobësi të shumta që mund të shpien drejt një shfrytëzimi jo efikas të automjeteve, duke rezultuar kështu edhe në shpenzime të panevojshme që i shkaktohen buxhetit. Të gjeturat kryesore i gjeni në faqet 7-12, ndërsa ne rekomandojmë Qeverinë (ministritë përgjegjëse) që:

• Të shqyrtohen kufizimet në sistemin aktual për autorizimin e shfrytëzimit të Automjeteve Zyrtare dhe të implementohen kontrolle efektive të monitorimit për tu siguruar që baza e shfrytëzimit të Automjeteve Zyrtare është e mbështetur nga procesi formal i vendim marrjes që demonstron shpërndarjen në bazë të nevojave të departamenteve e jo individëve, gjithmonë nëse një shpërndarje e tillë nënkupton se Automjetet Zyrtare do të jenë në dispozicion të një numri më të madh të stafit.
• Të implementohen dispozita të raportimit efikas dhe në kohë për shfrytëzimin e Automjeteve Zyrtare. Çështjet e identifikuara dhe veprimet e kërkuara duhet të diskutohen nga menaxhmenti i lartë dhe planet e veprimit duhet të zhvillohen në mënyrë që të caktohen zyrtarët përgjegjës që kanë për qëllim të sigurohen se veprime e tilla të kërkuara do të ndërmerren.
• Të sigurohen se menaxhmenti i ministrive të caktuara i adreson kufizimet e identifikuara si nga raportimi i brendshëm ashtu edhe nga raportet e Zyrës së Auditorit të Përgjithshëm.

Komunikata për Media dhe raporti janë në dispozicion nga data e publikimit në:

http://www.oag-rks.org   â–ª   Facebook

Zyra e Auditorit të Përgjithshëm ka publikuar raportin e auditimit të performancës "Programet Studimore për Administratë Publike" i cili adreson në mënyrë specifike përpjekjet që ka bërë Qeveria për ngritjen e kapaciteteve profesionale të administratës publike me anë të financimit të programeve studimore. Ne mendojmë se Qeveria është përgjegjëse për të siguruar një proces transparent në mënyrë që mjetet e dedikuara për zhvillim profesional në Administratë Publike, të arrijnë qëllimin e synuar dhe kjo duhet të arrihet përmes krijimit të procedurave që duhet të ndiqen nga çdo institucion përgjegjës për zbatimin e këtyre programeve.

Në këtë raport, ne identifikojmë mangësitë në menaxhimin e këtyre programeve dhe japim rekomandime për të përmirësuar ndikimin e tyre.

Për redaktorët:

Të gjeturat e këtij raporti bazohen në dëshmitë e ofruara nga intervistat e kryera me zyrtarët përgjegjës për këto programe, intervistat me përfituesit, analiza e kontratave dhe dokumentet tjera relevante.  Raporti përmban informata mjaft të rëndësishme për të cilat duhet diskutuar dhe Zyra e Auditorit të Përgjithshëm ka nxjerrë këtë konkluzion;

Në tri vitet e fundit (2010 - 2012) mbi 5.2 milion euro janë alokuar për financimin e programeve studimore për shërbyesit civil. Departamenti për Administratë Publike, i themeluar nga Qeveria e Kosovës, që funksionon në kuadër të Ministrisë së Administratës Publike ka për detyrë të bëjë koordinimin dhe monitorimin e këtyre programeve.

Përmes këtij auditimi është shikuar mënyra e menaxhimit të programeve studimore dhe përfitimet e Qeverisë nga ato, të cilat dedikohen për ngritjen e kapaciteteve në administratën publike që njëkohësisht paraqet edhe objektiven e dhjetë të strategjisë zhvillimore për reform në administratë publike.    

Komunikata për Media dhe raporti janë në dispozicion nga data e publikimit në:    

http://www.oag-rks.org     ?    Facebook

Auditori i Përgjithshëm ka dorëzuar shtatë raporte të auditimit të rregullsisë dhe dy raporte të auditimit të performancës tek entitetet e audituara dhe Kuvendi i Kosovës. Këto raporte janë publikuar sot në faqen e internetit të ZAP-it.

Raportet e publikuara janë:

• Raporti i Auditimit për pasqyrat financiare të Komisionit Rregullativ të Prokurimit Publik për vitin e përfunduar më 31 dhjetor 2013
• Raporti i auditimit për pasqyrat financiare të Organit Shqyrtues të Prokurimit për vitin e përfunduar më 31 dhjetor 2013;
• Raporti i auditimit për pasqyrat financiare të  Zyrës se Rregullatorit për Ujësjellës dhe Kanalizim për vitin e përfunduar më 31 dhjetor 2013;
• Raporti i auditimit për pasqyrat financiare të  Gjykatës Kushtetuese të Kosovës për vitin e përfunduar më 31 dhjetor 2013;
• Raporti i auditimit për pasqyrat financiare të  Këshillit të Pavarur Mbikëqyrës të Shërbimit Civil të Kosovës për vitin e përfunduar më 31 dhjetor 2013;
• Raporti i auditimit për pasqyrat financiare të Autoritetit Rregullativ të Komunikimeve Elektronike dhe Postare për vitin e përfunduar më 31 dhjetor 2013;
• Raporti i Auditimit për pasqyrat financiare të Agjencisë për Ndihmë Juridike Falas për vitin e përfunduar më 31 dhjetor 2013;
• Raport për vlerësimin e procesit buxhetor të skemave pensionale dhe sociale të financuara nga shteti ; dhe    
• Programet studimore për Administratë Publike.

Në bazë të praktikave të mira për Institucionet Supreme të Auditimit, ne nuk do të dorëzojmë dhe publikojmë raporte gjatë fushatës elektorale.  

Ne do të vazhdojmë të dorëzojmë raportet e tjera nga data 9 qershor. Bazuar në planin tonë të auditimit për sezonin 2013/2014, të gjitha raportet do të publikohen përpara fundit të qershorit siç kërkohet nga ligjet aktuale.  

Komunikata për Media dhe raportet janë në dispozicionin tuaj në: www.oag-rks.org  ?   Facebook

Auditori Përgjithshëm, Lage Olofsson, ka publikuar Raportin e tij të Performancës për vitin 2013, i cili është dorëzuar në Kuvendin e Kosovës me 30 prill. Ky raport ofron informacion mbi funksionin dhe operimin e zyrës dhe paraqet pasqyrat e audituara financiare dhe treguesit e performancës për vitin 2013.

Raporti Vjetor i Performancës përqendrohet në mënyrën se si Auditori i Përgjithshëm ka shfrytëzuar burimet që i janë besuar. Përveç kësaj, ai përmbledh rezultatet që zyra ka arritur gjatë vitit 2013 dhe tregon hapat që do të ndërmerren për të adresuar sfidat e hasura.

“Gjatë vitit buxhetor 2013 ne finalizuam sezonin e auditimit 2012/13 në gusht dhe filluam sezonin e auditimit 2013/14 në shtator. Rezultatet e arritura nxjerrin në pah se i kemi përdorur në mënyrë efektive parakushtet që Kuvendi na i ka dhënë dhe mbulimi i auditimit tanimë është më gjithëpërfshirës. Sa i përket cilësisë së auditimit dhe ndikimit të punës sonë treguesit nxjerrin në pah trendin pozitiv me kalimin e viteve.

Kjo është si rrjedhojë e qasjes dhe fokusit të pavarur në punën tonë operative; shumica e stafit tonë është e përkushtuar n]ë zhvillim të vazhdueshëm dhe ndryshim për të përmbushur nevojat, kërkesat, pritjet e reja; dhe partnerët dhe kolegët tanë ndërkombëtar punojnë në kuadër të kontekstit të veçorive dhe nevojave specifike të Kosovës” ka thënë ndër të tjera Auditori i Përgjithshëm në fjalën e tij drejtuar Kuvendit të Kosovës.

Raporti është publikuar në faqen elektronike të ZAP-it, www.oag-rks.org dhe është i hapur për komentet tuaja. 

Në datat 9, 10 dhe 11 prill, 2014  në Kopenhagë të Danimarkës u zhvilluan takimet e Rrjetit të Zyrtarëve Ndërlidhës të Institucioneve Supreme të Auditimit (ISA) të vendeve anëtare të BE-së, kandidate dhe kandidate të mundshme për në BE, me pjesëmarrjen e Gjykatës Evropiane të Llogarive dhe SIGMA-s, si dhe Grupit Punues për aktivitete të përbashkëta në Auditim (JWGAA).

Zyra e Auditorit të Përgjithshëm në këto takime u përfaqësua nga Qëndresa Mulaj në cilësinë e Zyrtares Ndërlidhëse. Takimet ishin organizuar nga Zyra e Auditimit të Danimarkës (Rigsrevisionen) dhe u zhvilluan në ambientet e këtij institucioni. 

Në kuadër të takimit të 9 prillit, të Rrjetit të vendeve kandidate dhe kandidate të mundshme për në BE, u diskutua lidhur me zhvillimin e aktiviteteve të ardhshme të Rrjetit të ISA-ve, propozuar në Budva. Një nga aktivitet në të cilin Kosova tashmë është angazhuar është edhe projekti i auditimeve paralele të performancës. Ky projekt aktualisht do të zhvillohet në bazë rajonale me mbështetje nga Zyra Kombëtare e Auditimit të Suedisë. Pjesëmarrës në këtë projekt janë ISA-it nga Kosova, Shqipëria dhe Bosnja e Hercegovina, ndërsa vëzhgues janë ISA-it nga Turqia, Maqedonia, Mali i Zi dhe Serbia. Gjatë implementimit të këtij projekti do  të zhvillohen disa trajnime dhe punëtori dhe njëra prej tyre do të organizohet nga Zyra e Auditorit të Përgjithshëm të Kosovës.

Në datat 10 dhe 11 prill, u zhvillua takimi i Rrjetit të vendeve anëtare të BE-së dhe Kosova në këtë takim ishte në cilësinë e vëzhguesit.

Pjesëmarrja e Zyrës së Auditorit të Përgjithshëm të Kosovës në takimet e ardhshme të Rrjetit do të jetë e rregullt. 

Dje, Auditori i Përgjithshëm mbajti një ligjëratë në Qendrën Informative të BE-së në Prishtinë me qëllimin për të rritur vetëdijesimin e studentëve për Auditimin e Jashtëm Publik. Fokusi i ligjëratës ishte njohja e studentëve me rolin e auditimit të jashtëm, raportet e auditimit/llojet e opinioneve që jepen, ku gjendet sot ZAP-i, qasjen dhe fokusimin në zhvillimin e mëtejshëm të menaxhimit financiar, transparencës dhe llogaridhënies.  

Ai u shpjegoi studentëve gjendjen e përgjithshme në sektorin publik të Kosovës dhe rolin e Institucionit Suprem të Auditimit për të siguruar: përdorimin e duhur dhe efektiv të fondeve publike; zhvillimin e menaxhimit të shëndoshë financiar; kryerjen si duhet të aktiviteteve administrative; dhe komunikimin e informacionit tek autoritete publike dhe publiku i gjerë përmes publikimit të raporteve objektive.  

Auditori Përgjithshëm e përmbylli ligjëratën e tij duke i kërkuar studentëve ti kapërcejnë vështirësitë, të punojnë shumë dhe gjithmonë t’i përmbahen cilësisë, të shikojnë përpara për të ardhmen dhe rezultatet. 

“Ne jemi një vend demokratik dhe në demokraci ke të drejtën të dish nëse paraja publike shpenzohet apo jo në mënyrë të ndershme, efikase dhe efektive. Por, më shumë se një e drejtë, është një obligim i demokracisë që çdo qytetar të kërkojë llogari administrative dhe politike për mënyrën se si trajtohen paratë e taksapaguesve” tha ai. 

Lage Olofsson ZAP, Robert Gielisse KE, Bujar Leskaj KLSH, Ilir Meta Kryetar i Kuvendit, Joop Vrojlik SIGMA, Jacek Jezierski ISAP

Auditor i Përgjithshëm, Lage Olofsson, Ibrahim Gjylderen, Ndihmës AP dhe Qëndresa Mulaj, Zyrtare për Media kanë përfaqësuar Zyrën e Auditorit të Përgjithshëm në Konferencën e Dytë Shkencore të Kontrollit të Lartë të Shtetit si Institucion Suprem i Auditimit të Shqipërisë (KLSH).

Kjo konferencë është organizuar nga KLSH me mbështetjen e SIGMAs dhe u mbajt në Tiranë me 12-13 dhjetor 2013. Të pranishëm tjerë në këtë konferencë ishin përfaqësues nga Komisioni Evropian, Gjykata Evropiane e Auditorëve, si dhe përfaqësues të lartë nga Institucionet Supreme të Auditimit të Turqisë, Suedisë, Polonisë, Maqedonisë, Bosnja dhe Hercegovina, Malit të Zi, si dhe nga sfera akademike dhe organizata të shoqërisë civile.

Gjatë konferencës nga të pranishmit u prezantuan arritjet aktuale nga Institucionet Supreme të Auditimit si dhe studime dhe pune kërkimore. Auditor i Përgjithshëm ka prezantuar punën dhe arritjet e deritanishme të ZAP-it, ndërsa  punimi kërkimor nga Ndihmës AP, Z. Gjylderen, “Procesi i Globalizimit dhe Standardet e Auditimit”, do të publikohet në Revisten Vjetore Shkencore të ALSAI-t. 

Me 06 dhjetor 2013 Auditori i Përgjithshëm, Lage Olofsson, dhe Mihai Constantinescu, Këshilltarë në TAMAD (Program për Mbështetje Teknike për MBPZHR nga Danida) kanë nënshkruar një kontratë profesionale  e cila angazhon Zyrën e Auditorit të Përgjithshëm për të audituar fondet që do të shfrytëzohen për implementimin e këtij programi në sektorin e bujqësisë. TAMAD është program për mbështetje Kosovës në Bujqësi dhe Zhvillim Rural (2012-2015) nga DANIDA.

Kjo kontratë është shumë vjeçare për vitet 01 shtator 2012 – 31 dhjetor 2015. Për këtë kohë ZAP do të kryejë dy auditime të ndara, i pari do të mbuloj periudhën 16 mujore ndërsa i dyti periudhën 12 mujore. Implementimi i kontratës do të filloj në janar 2014.

Lage Olofsson, Auditor i Përgjithshëm dhe Mihai Constantinescu, Këshilltarë në TAMAD 

Ilire Daija-Buza, u.d Drejtor i Përgjithshëm dhe Nora Rashiti, Auditore, po përfaqësojnë Zyrën e Auditorit të Përgjithshëm në Kongresin e EUROSAI për të rinj (YES) të organizuar nga Gjykata Holandeze e Auditorëve në Roterdam, më 20-22 nëntor 2013.

Kongresi YES i paraprin Kongresit të IX të EUROSAI dhe qëllimi është të përfshihen brezat e ardhshëm, anëtarët e rinj të stafit të Institucioneve Evropiane Supreme të Auditimit për të ndarë pikëpamjet e tyre për risitë.

YES do të informojë Kongresin e IX për pikëpamjet dhe risitë mbajtur nga brezat e rinj dhe liderët e mundshëm të ardhshëm të anëtarëve të EUROSAI. 

Në kuadër të bashkëpunimit të mëtutjeshëm në mes të Zyrës së Auditorit të Përgjithshëm (ZAP) dhe Zyrës Kombëtare të Auditimit të Suedisë (SNAO) është organizuar punëtoria lidhur me zhvillimin e kapaciteteve në Auditimin e Performancës.

ZAP do të jetë nikoqire e kësaj punëtorie ndërsa SNAO ka financuar aktivitetin dhe ka siguruar ekspertë nga fusha e auditimit të performancës.

Tema e punëtorisë do të jetë më shumë e fokusuar në: Metodat e shkrimit të raporteve mirë të strukturuara; Ofrimi dhe pranimi i kritikave konstruktive; Dizajnimi i raporteve të auditimit të performancës.

Përveç Auditorëve nga ZAP, pjesëmarrës në këtë punëtori do të jenë edhe përfaqësues nga Institucionet Supreme të Auditimit si Shqipëria dhe Bosnja e Hercegovina.

Punëtoria po mbahet në Hotel Sirius dhe do të zgjasë nga 19 deri më 22 Nëntor 2013. 

Për herë të parë Auditori i Përgjithshëm i Kosovës ftohet nga ky rrjet. Auditori i Përgjithshëm, Lage Olofsson dhe Zëvendës Auditori i Përgjithshëm, Artan Venhari, do të marrin pjesë në “Konferencën për marrëdhëniet midis Institucioneve Supreme të Auditimit dhe Parlamentet”, e cila zhvillohet më 18-19 nëntor 2013, në Pržno, të Malit të Zi.

Kjo konferencë organizohet nën patronazhin e Rrjetit. SIGMA, program i financuar nga Komisioni Evropian dhe menaxhuar nga OECD e ndihmon këtë konferencë.

ISA-të dhe Parlamentet luajnë rol të rëndësishëm në sistemin e llogaridhënies financiare publike dhe qeverisjes së mirë. Në njohjen e rëndësisë së bashkëpunimit efektiv midis ISA-së dhe Parlamentit në kontekst të negociatave të anëtarësimit, objektivi i konferencës është shkëmbimi i përvojave për ndërtimin e marrëdhënieve konstruktive midis ISA-së dhe Parlamentit: për të diskutuar faktorët që ndikojnë në marrëdhëniet e tilla; dhe të fillohet me zhvillimin e “veglave” të cilat mund të përdoren nga ISA-të individuale dhe parlamentet në forcimin e bashkëpunimit të tyre i cili është reciprokisht i dobishëm.

Në këtë konferencë marrin pjesë edhe anëtarët e Kuvendit të Kosovës/Komisioni për Mbikëqyrjen e Financave Publike, Ali Sadriu dhe Ramiz Lladrovci si dhe Fatime Qorri, Koordinatore e Komisionit.