Lajmet

Auditori i Përgjithshëm i Belgjikës, Philippe Roland; Auditori i Përgjithshëm i Maltës, Charles Deguara; Auditori i Përgjithshëm i Andorës, Francesc d’Assis Pons Tomas si dhe Auditori i Përgjithshëm i Zambisë, Dr Dick Chellah Sichembe kanë dërguar letra urimi për Auditoren e Përgjithshme të Republikës së Kosovës, Vlora Spanca me rastin e marrjes së detyrës së re. Në letrat e veçanta dërguar znj. Spanca, homologët kanë përgëzuar atë për ardhjen në krye të Zyrës Kombëtare të Auditimit të Kosovës, duke shprehur besimin se gjatë mandatit të saj ZKA-ja do të shënoj ngritje dhe suksese. Po ashtu krerët e Institucioneve Supreme të Auditimit të Belgjikës, Maltës, Andorës dhe Zambisë kanë shprehur gatishmërinë për të vazhduar bashkëpunimi në mes të Institucioneve Supreme të Auditimit. Ata kanë vlerësuar se përvoja e Auditores së Përgjithshme, Vlora Spanca, në fushën e auditimit do të sigurojë një vlerë të shtuar jo vetëm brenda ZKA-në por edhe në nivelin ndërkombëtarë veçanërisht brenda INTOSAI-t dhe EUROSAI-t.

Drejtori i Përgjithshëm i Iniciativës për Zhvillim e INTOSAI-t (IDI), Einar J. Gørrissen, ka uruar Auditoren e Përgjithshme të Kosovës, Vlora Spanca, duke i dëshiruar mandat të suksesshëm në krye të Zyrës Kombëtare e Auditimit.  Në letrën dërguar znj. Spanca, Gørrissen ka shkruar se mezi pret të punojë së bashku dhe të vazhdojë marrëdhënien bashkëpunuese mes  Iniciativës për Zhvillim e INTOSAI-t dhe Zyrës Kombëtare të Auditimit të Republikës së Kosovës. ?Kemi pasur fatin që kemi bashkëpunim me ISA-in e Kosovës, në përpjekjet tona të përbashkëta për të mbështetur ISA-at për të përforcuar performancën dhe kapacitete e tyre. Mbështetja e Kosovës në ofrimin e resurseve për programet e IDI-it, ka ndihmuar në zhvillimin e kapaciteteve të ISA-ve tjera. Me kënaqësi dëshirojmë të theksojmë se gjatë bashkëpunimeve tona të mëhershme, ISA e Kosovës ka vazhduar që të pasuroj me pjesëmarrës mes tjerash programet tona, atë të  ISA Liderëve të Rinjë të ISA-ve dhe Programin Profesional PESA-P, është thënë në urimin e Drejtorit të Përgjithshëm të Iniciativës për Zhvillim të  INTOSAI-t, Einar J. Gørrissen. Aktualisht, ZKA-ja është pjesë e Iniciativës për Zhvillim e INTOSAI-t (IDI), në kuadër të Programit për Edukim Profesional për Auditorët e ISA-ve (PESA). Po ashtu në kuadër të partneritetit me Iniciativën për Zhvillim e INTOSAI-t ZKA-ja më herët ka qenë pjesë e Programit “Liderët e rinj”.

Auditorja e Përgjithshme e Republikës së Kosovës, Vlora Spanca, ka pranuar letër urimi edhe nga Auditori i Përgjithshëm i Çekisë, njëherësh Presidenti i EUROSAI-t, Miloslav Kala. Duke i dëshiruar suksese gjatë ushtrimit të mandatit, Kala ka shprehur përkushtimin për të vazhduar bashkëpunimin e mirë në mes të dy institucioneve, si dhe brenda EUROSAI-t. “Shpresoj që marrëdhënia e mirë dhe bashkëpunimi i ndërsjellë midis Zyrave tona do të vazhdojnë në të ardhmen,  si dhe marrëdhëniet reciproke profesionale,  si në nivel bilateral ashtu edhe në kuadër të EUROSAI -t, do të jenë po aq të mira dhe të frytshme siç kanë qenë deri me tani. Mezi pres të takohem personalisht me Ju në të ardhmen e afërt”, është thënë në letrën e urimit të Auditorit të Përgjithshëm të Çekisë njëherësh president i EUROSAI-t.

Auditori i Përgjithshëm i Autoritetit të Auditimit të Maqedonisë së Veriut për auditimin e fondeve IPA, Adem Curi, ka përgëzuar Auditoren e Përgjithshme të Republikës së Kosovës, Vlora Spanca për marrjen e detyrës. Me këtë rast ai ka shprehur gatishmërinë për të forcuar më tej komunikimin dhe bashkëpunimin profesional mes institucioneve. “Duke pasur parasysh kapacitetin dhe njohuritë tona profesionale në auditimin e fondeve të BE -së, ne kemi krijuar një Rrjet Rajonal të Autoriteteve të Auditimit IPA, ku diskutojmë qasjen dhe sfidat tona të auditimit me kolegët nga Komisioni Evropian, Gjykata Evropiane e Auditorëve dhe autoritet e tjera të Auditimit. Në fund, edhe një herë dua t'ju përgëzoj për rolin e ri si Auditor i Përgjithshëm i Zyrës Kombëtare në Republikën e Kosovës dhe ju uroj suksese në vitet e ardhshme”, është thënë në letrën e urimit të Auditorit të Përgjithshëm të Autoritetit të Auditimit të Maqedonisë së Veriut për auditimin e fondeve IPA. Zyra Kombëtare e Auditimit të Republikës së Kosovës dhe Autoriteti i Auditimit të Maqedonisë së Veriut për auditimin e fondeve IPA kanë marrëveshje bashkëpunimi për forcimin e mëtejshëm të kapaciteteve institucionale për auditim efektiv dhe efikas në fushën e auditimit të fondeve nga IPA.

Në rrjedhën e urimeve për marrjen e detyrës së re, Auditorja e Përgjithshme e Republikës së Kosovës, Vlora Spanca, ka pranuar letër urimi edhe nga Auditori  Përgjithshëm i Arabisë Saudite, Dr. Hussam Alangari. Në letrën dërguar homologes nga Kosova, Alangari ka vlerësuar se nën drejtimin e znj. Spanca, Zyra Kombëtare e Auditimit të Kosovës do të vazhdojë prosperitetin dhe suksesin. “Pres me padurim mundësitë për tu takuar dhe për të krijuar një koordinim dhe bashkëpunim në mes të zyrave tona. Ju uroj juve dhe zyrës tuaj më të mirat gjatë mandatit tuaj”, është thënë ndër të tjera në urimin e  Auditorit  të Përgjithshëm të Arabisë Saudite, Dr. Hussam Alangari. Me këtë rast Auditori i Përgjithshëm i Arabisë Saudite, Dr. Hussam Alangari ka falënderuar edhe ish Auditorin e Përgjithshëm Besnik Osmani duke vlerësuar lartë bashkëpunimin e shkëlqyer në mes të dy institucioneve gjatë mandatit të kaluar.

Auditorja e Përgjithshme e Republikës së Kosovës, Vlora Spanca, ka pranuar letër urimi nga presidenti i Institucionit Shtetëror të Auditimit të Emirateve të Bashkuara Arabe, Dr. Harib Saeed Al Amimi. Më këtë rast ai ka shprehur përkushtimin e tij për kultivimin e marrëdhënieve të mira në mes të dy institucioneve si dhe ngritjen e bashkëpunimit bilateral. "Ne jemi të etur për të avancuar nivelin e bashkëpunimit bilateral, për të rritur vlerat e auditimit si në mes të Institucioneve Supreme të Auditimit ashtu edhe për të përmirësuar qeverisjen dhe luftimin e korrupsionit në nivelin global”, është theksuar në urimin e presidentit të Institucionit Shtetëror të Auditimit të Emirateve të Bashkuara Arabe, Dr. Harib Saeed Al Amimi.

Debati i radhës për gjetjet dhe rekomandimet e Zyrës Kombëtare të Auditimit është mbajtur të martën në Komunën e Vushtrrisë. Pjesëmarrës të këtij debati kanë qenë kryetari i Komunës së Vushtrrisë, Xhafer Tahiri, Udhëheqësi i Auditimit nga Zyra Kombëtare e Auditimit (ZKA), Zukë Zuka, Visar Prebreza nga BIRN si dhe këshilltarët e Kuvendit Komunal. Udhëheqësi i Auditimit nga Zyra Kombëtare e Auditimit (ZKA), Zukë Zuka, ka thënë se për vitin 2020 Komuna e Vushtrrisë ka marrë opinion të pamodifikuar me theksim të çështjes. Ai ka bërë më dije se çështjet e theksuara nuk e kanë ndikuar opinionin e auditimit, sepse çështje të tilla nuk janë identifikuar vetëm të Vushtrri por edhe në komuna të tjera. Sipas Zukës, këto çështje do të adresohen në nivel të përgjithshëm përmes Raportit Vjetor të Auditimit (RVA). Zuka ka deklaruar se gjatë auditimit janë identifikuar dobësi tek të Hyrat, Mallrat dhe shërbimet dhe komunalitë, Subvencionet dhe transferet, Investimet kapitale, Pasuritë kapitale dhe jokapitale, llogari të arketueshme  si dhe te  auditimit të brendshëm. Ndërsa kryetari i Komunës së Vushtrrisë, Xhafer Tahiri, ka thënë se për vitin 2020 kjo komunë ka pranuar më pak rekomandime, ndërkohë që ka shënuar rritje të numri të rekomandimeve të zbatuara. Megjithatë Tahiri ka treguar se janë disa rekomandime të cilat praktikisht është e pamundur të zbatohen, sidomos ajo që  ka të bëjë me zbatimin e kontratës kolektive në arsim. Ai ka thënë se rekomandimet janë të bazuara dhe të pranuara nga Komuna si dhe është përgatitur plani i veprimit për t’i adresuar ato. Sipas Tahirit, rekomandimet e Auditorit të Përgjithshëm dhe atij të brendshëm janë mundësi për përmirësim të proceseve të punës brenda komunës. Po ashtu ai ka vlerësuar se raportet e auditimit shërbejnë për të avancuar më tutje transparencën, llogaridhënien dhe shpenzimin e drejtë të buxhetit. Kurse  Visar Prebreza nga BIRN-i ka thënë se sipas analizës së realizuar Komuna e Vushtrrisë është ndër komunat që ka pranuar më së shumti rekomandime. Megjithatë kjo komunë nga viti në vit ka pranuar më pak rekomandime sesa komunat e tjera. Nga 19 rekomandime sa i ka pasur për vitin 2019, për 2020-n ka marrë 14. Sipas Prebrezes, Vushtrria ka pranuar opinion të pamodifikuar por me theksim të çështjes dhe theksimi i çështjes është për shkak të pagesave që janë bërë nga kategoria në kategori.  Ai ka deklaruar se serish janë evidentuar dobësi në prokurim, menaxhim të kontratave, vonesat të projekteve, dhe borxhe. Ky debat është organizuar nga BIRN Kosova në  kuadër të Projektit me USAID TEAM i cili ju ka ndihmuar komunave që t’i zbatojnë rekomandimet e auditorit. Debati ka për qellim ngritjen e vetëdijes për rëndësinë e raporteve të auditimit dhe zbatimin e rekomandimeve.

Presidenti i Gjykatës Turke të Llogarive (TCA), Metin Yener, i ka dërguar letër urimi Auditores së Përgjithshme të Republikës së Kosovës, Vlora Spanca për marrjen e detyrës se re, duke i dëshiruar suksese në realizimin e detyrave. “Unë jam shumë i bindur se ju do të vazhdoni t'i shërbeni vendit dhe institucionit tuaj në mënyrë të jashtëzakonshme. Duke përfituar nga kjo mundësi, do të doja të përcillja urimet e mia më të mira për shëndetin dhe lumturinë tuaj personale, si dhe për suksesin dhe prosperitetin e Zyrës Kombëtare të Auditimit të Kosovës”, është thënë në urimin e presidentit Yener. Gjithashtu presidenti i Gjykatës Turke të Llogarive (TCA), Metin Yener, ka falënderuar edhe ish Auditorin e Përgjithshëm, Besnik Osmani për kontributin e dhënë në fushën e auditimit. Institucionet Supreme të Auditimit të Kosovës dhe Turqisë, kanë marrëveshje bashkëpunimi që nga viti 2018. Përmes kësaj marrëveshje është paraparë bashkëpunimi dhe shkëmbimi i përvojave në fushat e auditimit publik, trajnimet profesionale dhe përmirësimi i standardeve profesionale, auditimet paralale si dhe mbajtja e seminareve konferencave etj.  

Auditori i Përgjithshëm i Kroacisë, Ivan Klesic, ka përgëzuar Auditoren e Përgjithshme të Kosovës, Vlora Spanca, për marrjen e pozitës së re si dhe ka shprehur gatishmërinë për vazhdimin e bashkëpunimit mes institucioneve. Në letrën e urimit dërguar homologes nga Kosova, Auditori i Përgjithshëm i Kroacisë, Ivan Klesic, ka shprehur gatishmërinë për vazhdimin e bashkëpunimit mes institucioneve. “Jam i bindur se ne do të vazhdojmë të zhvillojmë tutje bashkëpunimin e mirë dhe të frytshëm, si dhe marrëdhënien profesionale dhe miqësore midis institucioneve tona, të krijuara dhe të ndërtuara me sukses gjatë mandatit të paraardhësve tuaj të vlerësuar“ është thënë në letrën e urimit të Auditorit të Përgjithshëm të Kroacisë. Po ashtu Auditori i Përgjithshëm i Kroacisë, Ivan Klesic, përmes një letre të veçantë ka falënderuar edhe ish Auditorin e Përgjithshëm, Besnik Osmani për bashkëpunimin dhe punën profesionale e të suksesshme në komunitetin e auditimit gjatë viteve të fundit.

Në Komunën e Suharekës të premten është mbajtur debati i parë për zbatimin e rekomandimeve të Zyrës Kombëtare të Auditimit. Të pranishëm në debat kanë qenë kryetari i Komunës së Suharekës, Bali Muharremaj, Udhëheqësi i Auditimit nga Zyra Kombëtare të Auditimit (ZKA), Shkëlqim Xhema, Visar Prebreza nga BIRN si dhe këshilltarët e Kuvendit Komunal. Me këtë rast Udhëheqësi i Auditimit nga Zyra Kombëtare të Auditimit (ZKA), Shkëlqim Xhema,  ka thënë se raportet e auditimit kanë për qëllim identifikimin e dobësive në sistemet qeverisëse ndërsa zbatimi i rekomandimeve shërben si mekanizëm për t’i sanuar këto dobësi. Xhema ka bërë me dije se opinioni i pasqyrave financiare të Komunës së Suharekës për vitin 2020 është i pakualifikuar që do të thotë se pasqyrat prezantojnë një pamje të drejtë dhe të vërtetë në të gjitha aspektet materiale. Megjithatë ai ka thënë se janë vërejtur dobësi tek të hyrat, llogaritë e arketueshme, subvencionet, mallrat, investimet kapitale si dhe menaxhimi i pasurisë. Kurse sa i përket rekomandimeve, Xhema ka deklaruar se  Komuna e Suharekës është zotuar  për zbatimin e tyre. Ndërkohë kryetari i Komunës së Suharekës, Bali Muharremaj, ka thënë se opinioni i auditimit është i pakualifikuar dhe ka një trend të uljes së rekomandimeve ndër vite. Ai ka theksuar se për vitin 2020 janë gjashtë rekomandime dhe se tashmë është hartuar plani për zbatimin e tyre. Muharremaj ka deklaruar se gjatë realizimit të punëve mund të ketë pasur edhe dobësi sidomos gjatë vitit të kaluar i cili është karakterizuar me sfida të mëdha për shkak të pandemisë. Ndërsa Visar Prebreza nga BIRN-i ka thënë se Komuna e Suharekës ka shënuar një progres sa i përket uljes së rekomandimeve dhe zbatimit të tyre. Sidoqoftë Prebreza ka vlerësuar se zbatimi i gjashtë rekomandimeve të fundit është i vështirë meqë kanë të bëjnë me menaxhimin e kontratave; regjistrimin e pronës, borxhet; subvencionet etj. Prebreza ka vlerësuar se në përgjithësi niveli i zbatimit të rekomandimeve në nivel komunal është i vogël. Ky debat është organizuar nga BIRN Kosova në  kuadër të Projektit me USAID TEAM i cili ju ka ndihmuar komunave që t’i zbatojnë rekomandimet e auditorit. Debati ka për qellim ngritjen e vetëdijes për rëndësinë e raporteve të auditimit dhe zbatimin e rekomandimeve.

Në vazhdën e urimeve për emërimin në pozitën e Auditores së Përgjithshme, Vlora Spanca, ka pranuar letër urimi edhe nga Auditori i Përgjithshëm i Britanisë së Madhe, Gareth Davies. Auditori i Përgjithshëm i Britanisë së Madhe, Gareth Davies, në letrën e urimit dërguar homologes nga Kosova, ka shprehur përkushtimin për vazhdimin e bashkëpunimit në mes të dy Institucioneve Supreme të Auditimit në kuadër të INSTOSAI-t dhe EUROSAI-t me qëllim të përmirësimit të llogaridhënies. “Jam i sigurt se organizatat tona do të vazhdojnë të gjejnë baza të përbashkëta bashkëpunimi brenda INTOSAI-t dhe EUROSAI-t në mënyrë që të përmirësojnë dhe nxisin një kulturë të llogaridhënies. Ju uroj çdo sukses në rolin tuaj të ri dhe mezi pres të takohem me ju në të ardhmen”, është thënë në letrën e urimit të Auditorit të Përgjithshëm të Britanisë së Madhe.

Auditori i Përgjithshëm i Argjentinës, Jesús Rodríguez, ka përgëzuar Auditoren e Përgjithshme të Kosovës, Vlora Spanca, për marrjen e pozitës së re, duke u zotuar për një bashkëpunim edhe më të frytshëm në të ardhmen. Në letrën e urimit dërguar znj. Spanca, Auditori i Përgjithshëm i Argjentinës Jesús Rodríguez, ka shprehur gatishmërinë për vazhdimin e mbështetjes për punën e jashtëzakonshme të kryer nga Zyra Kombëtare e Auditimit të Kosovës në forumet e auditimit kombëtar dhe ndërkombëtar. Po ashtu ai ka rikonfirmuar angazhimin për të forcuar dhe thelluar marrëdhënien dypalëshe midis institucioneve si dhe angazhimin me INTOSAI-n. “Institucioni Suprem i Auditimit të Kosovës dhe Institucioni Suprem i Auditimit të Argjentinës kanë ndërtuar një marrëdhënie të rëndësishme institucionale, dhe ne besojmë se do të vazhdojmë të rrisim kompetencat tona reciproke gjatë rrugës, duke investuar në njerëz, duke zhvilluar kapacitetet e tyre dhe duke ndarë teknologjinë, së bashku në një qëllim të përbashkët. Ju urojmë suksese në përpjekjet tuaja të ardhshme; ne do të vlerësonim mbajtjen e lidhjeve të gjalla dhe ne ripohojmë angazhimin tonë për të forcuar dhe thelluar marrëdhënien tonë dypalëshe si dhe angazhimin me INTOSAI-n. Përveç kësaj, ne përshëndesim edhe ish Auditorin e Përgjithshëm z. Besnik Osmani dhe përgëzojmë për menaxhimin e tij gjatë 5 viteve të fundit”, është theksuar ndër të tjera në urimin e Auditorit të Përgjithshëm të Argjentinës Jesús Rodríguez.