Lajmet

Auditori i Përgjithshëm, z. Besnik Osmani, ka pritur sot në takim përfaqësuesit e Byrosë së Përgjithshme të Auditimit të Arabisë Saudite, Z. Othman Alyahya, Zëvendës-President për çështjet e degëve, Z. Mohammed Albargan, Drejtor i Përgjithshëm, dega e Assir dhe Z. Khalid Almezher, Drejtor i Përgjithshëm, dega e Najranit. Gjatë takimit bilateral është biseduar për forcimin e mëtutjeshëm të bashkëpunimit ndërmjet dy institucioneve supreme të auditimit, shkëmbimin e përvojave në ngritjen e kapaciteteve institucionale në avancimin e metodologjisë dhe procedurave të auditimit të jashtëm. Delegacioni i Byrosë së Përgjithshme të Auditimit të Arabisë Saudite, po qëndrojnë në Prishtinë  për të marrë pjesë në aktivitetet për shënimin e 15-të Vjetorit të themelimit të Zyrës Kombëtare të Auditimit të Republikës së Kosovës.

Zyra Kombëtare e Auditimit, më 05 tetor 2018 (e premte) nga ora 13:30-15:30 do ta bëjë prezantimin e raportit të auditimit të performancës “Efektiviteti i programeve të veçanta të banimit”. Auditimi ka nxjerr në pah se shumica e atyre që kanë nevojë për banim social nuk kanë arritur të përfitojnë, dhe shumë pak është bërë për ta përmirësuar dukshëm këtë situatë. Si pasojë e mos përfitimit nga ky program i banimit, shumë qytetarë do të vazhdojnë të jetojnë në objekte ku rrezikohen ose të papërshtatshme për banim. Ky prezantimi do të mbahet në amfiteatrin e Bibliotekës Kombëtare “Pjetër Bogdani” dhe është në kuadër të aktiviteteve për shënimin e 15 vjetorit të Zyrës Kombëtare të Auditimit. Në këtë prezantim të ftuar janë deputetë të Kuvendit të Kosovës nga Komisioni për Mbikëqyrje të Financave Publike, përfaqësues të Ministrisë së Mjedisit dhe Planifikimit Hapësinor, përfaqësues nga komunat e Kosovës, shoqëria civile, mediat, organizatat ndërkombëtare, dhe është i hapur për publikun.

Raporti i fundit i auditimit të performancës, i publikuar sot tregon se Programi i Veçantë i Banimit nuk performon mirë. Shumica e atyre që kanë nevojë për banim social nuk kanë arritur të përfitojnë, dhe shumë pak është bërë për ta përmirësuar dukshëm këtë situatë. Si pasojë e mos përfitimit nga ky program i banimit, shumë qytetarë do të vazhdojnë të jetojnë në objekte të rrezikshme ose të papërshtatshme për banim. Programi nuk financohet mjaftueshëm dhe resurset në dispozicion nuk janë alokuar në mënyrë efektive. Komunat  kanë vështirësi që të gjenerojnë fonde të mjaftueshme për t’i përmbushur të gjitha kërkesat e banimit. Për më shumë, burimet në dispozicion nuk ndahen në vazhdimësi tek qytetarët që kanë më shumë nevojë, dhe ka raste që të përfitojnë njerëz të cilët nuk e gëzojnë këtë të drejtë. Performanca dhe praktikat mes komunave janë dukshëm të ndryshme, dhe në anën tjetër kriteret e komplikuara shtetërore nuk aplikohen në mënyrë konsistente, duke rezultuar në parregullsi të shpeshta dhe në rezultate të padëshiruara. Ka mangësi sa i përket sistemit të informimit, monitorimit dhe inspektimit. Qeveria dhe komunat nuk kanë zhvilluar një sistem për të identifikuar nevojat për banim social dhe për pasojë nuk ka të dhëna të sakta në lidhje me numrin e atyre që kanë nevojë për këtë program. Besnik Osmani, Auditori i Përgjithshëm i Zyrës Kombëtare të Auditimit të Kosovës ka thënë: “Qeveria nuk ka arritur të krijojë mekanizma të qëndrueshëm që do të ndihmonin në zbatim, koordinim dhe monitorim të Programeve të Veçanta për Banim, dhe si rezultat Programi i Veçantë për Banim nuk funksionon si duhet.” Zyra Kombëtare e Auditimit, ka dhënë rekomandimet e veta, të cilat kanë për qëllim të sigurojnë se autoritetet përgjegjëse, respektivisht Ministria e Mjedisit dhe Planifikimit Hapësinor të rishikoj dhe përmirësoj programin aktual dhe mënyrën e zbatimit të tij. Zhvilloj objektiva relevante dhe të matshme, thjeshtësoj kriteret, përcaktoj ndarjen e përgjegjësisë ndërmjet autoriteteve qendrore dhe lokale dhe të vendosin masa për të siguruar që programet e veçanta të banimit operojnë në mënyrë efektive, konsistente dhe efikase. Ndërsa, Komunat të krijojnë një mënyre për t’i identifikuar qytetarët me prioritet të lartë të nevojës për banim social dhe të përpiqen të gjejnë zgjidhje të përballueshme dhe të menjëhershme për ta.   Komunikata për Media dhe raporti janë në dispozicion nga data e publikimit në: http://www.zka-rks.org,

Auditori i Përgjithshëm, z. Besnik Osmani ka pritur sot në takim znj. Helena Lindberg, Auditore e Përgjithshme e Suedisë. Gjatë takimit bilateral është biseduar për forcimin e mëtutjeshëm të bashkëpunimit ndërmjet dy institucioneve supreme të auditimit dhe për procesin e zbatimit të marrëveshjes bilaterale. Zyra Kombëtare e Auditimit të Kosovës dhe Zyra Kombëtare e Auditimit të Suedisë kanë marrëveshje trevjeçare me qëllim shkëmbimin e përvojave institucionale dhe përkrahjen suedeze për Zyrën Kombëtare të Auditimit (ZKA) për forcimin e mëtejshëm të kapaciteteve institucionale dhe zbatimin e standardeve ndërkombëtare për institucionet supreme të auditimit. Marrëveshja parasheh zhvillimin e aktiviteteve specifike në fushat si: Auditime të Performancës, Auditime të Rregullsisë (financiare dhe të pajtueshmërisë), Lidership, Menaxhim të Burimeve Njerëzore, Komunikim dhe Planifikim Strategjik.

Në datat 1-3 tetor 2018, në margjinat e shënimit të 15-të Vjetorit të Zyrës Kombëtare të Auditimit, në Prishtinë po mbahet trajnimi “Auditimet e Performancës”. Ky trajnim është bashkë organizim i ZKA-së me Institucionin Suprem të Auditimit të SHBA-ve (GAO)  dhe Agjencin e Shteteve të BAshkuara të Amerikës për Zhvillim Ndërkombëtar (USAID). Richard Stana, trajner me përvojë në Qendrën e Ekselencës për Auditim të Institucionit Suprem të Auditimit të SHBA-ve, do të ndajë me pjesëmarrësit praktikat më të mira nga përvoja amerikane në auditimet e performancës. Në këtë trajnim bashkë me auditorët e ZKA-së po marrin pjesë auditorë të performancës nga vendet e rajonit si Bosnja dhe Herzegovina, Mali i Zi, Maqedonia,  Shqipëria. Ky është një rast i mirë për pjesëamrrësit që përveç të njihen për së afërmi me qasjen dhe metodologjinë e auditimit në Shtetet e Bashkuara, të shkëmbejnë përvojat mes vete dhe të krijojnë lidhje bashkëpunimi për të ardhmen. Në përfundim të trajnimit, Auditori I Përgjithshëm , Besnik Osmani, së bashku me u.d. së zv. Drejtorit të misionit të USAID-it në Kosovë, znj. Kristina Dejvis, do të ndajnë certifikatat për pjesëmarrësit.

Sot, në ambientet e Zyrës Kombëtare të Auditimit, Auditori i Përgjithshëm së bashku me personelin e Zyrës, dhuruan gjak në mënyrë vullnetare. Ky organizim është bërë me iniciativën e grupit të punonjësve të ZKA-së dhurues të rregullt vullnetar dhe me mbështetjen e Sindikatës së ZKA-së. Aksioni për dhurimin e gjakut tashmë është bërë traditë dhe ky është viti i pestë me radhë që ky institucion organizon këtë aktivitet. Si edhe vitet e mëparshme, numri i dhuruesve ishte 15 për të shënuar simbolikisht 15 vjetorin e institucionit.

Auditori i Përgjithshëm, z. Besnik Osmani, në një takim të veçantë i ka dorëzuar z. Driton Selmanaj, Kryetar i Komisionit për Mbikëqyrje të Financave Publike, Planin Strategjik të Zyrës Kombëtare të Auditimit 2018 - 2021 dhe Planin Vjetor të Auditimit për Sezonin Auditues 2018/2019. Plani përfshinë të gjitha aktivitetet audituese për sezonin auditues 2018/19, në hartimin e të cilit janë marrë në konsideratë: Plani strategjik i ZKA-së (2018-2021), përmbushja e obligimeve kushtetuese e ligjore për auditime të rregullsisë, mbulueshmëria sa më e gjerë me auditime të performancës bazuar në vlerësimin mbi rëndësinë, nivelin e rrezikut dhe aktualitetin e temave (çështjeve) të caktuara, përfshirja e një numri më të madh të ndërmarrjeve publike si dhe adresimi i kërkesave specifike të Kuvendit dhe të palëve të tjera të interesit, etj. Planifikimi i këtyre auditimeve është bërë duke pasur parasysh edhe burimet njerëzore dhe financiare që ka në disponim ZKA. Auditimet do të realizohen në pajtueshmëri me standardet ndërkombëtare të institucioneve supreme të auditimit (“SNISA”) duke u bazuar në vlerat univerzale të ISA-ve dhe të ZKA-së si, pavarësia, profesionalizmi, integriteti dhe transparenca. Të gjitha raportet e ZKA-së janë të qasshme për publikun dhe publikohen në faqen e internetit të ZKA-së.  

https://www.youtube.com/watch?v=zPwSvqAiS9U&feature=youtu.be Zyra Kombëtare e Auditimit këtë javë shënon 15-të Vjetorin e themelimit si Institucion Suprem i Auditimit në Republikën e Kosovës. Me këtë rast do të zhvillohen këto aktivitete:

1 tetor 2018	Takim me Driton Selmanaj, Kryetar i Komisionit për Mbikëqyrje të Financave Publike, Kuvendi i Kosovës Dorëzimi i Planit Vjetor të Auditimit për sezonin e auditimit 2018/19 dhe Planit Strategjik të ZKA-së 2018 – 202. Kuvendi i Kosovës, ora 13:00
1 – 3 tetor 2018	Trajnimi i Auditimit të Performancës, organizim i përbashkët i ZKA, USAID  dhe Qendrës së Ekselencës për Auditim të Institucionit Suprem të  Auditimit të SHBA-ve Trajnimi mbahet në Hotel Sirius dhe fillon nga ora 11:00 Ndarja e Certifikateve, bëhet nga Auditori i Përgjithshëm, z. Besnik Osmani dhe Christina Davis, Zëvendës Drejtore e Misionit të USAID në Kosovë me datë 3 tetor 2018, ora 16:00, Hotel Sirius, salla Andromeda, kati II, (e hapur për media) (agjenda)
2 tetor 2018	Sindikata e punëtorëve të ZKA, organizon aktivitetin për dhurimin e gjakut Zyra Kombëtare e Auditimit, ora 09:00 Auditori i Përgjithshëm, z. Osmani, pret në takim gjeneratën e parë të të punësuarve në ZKA Zyra Kombëtare e Auditimit, ora 13:30 Auditori i Përgjithshëm, z. Besnik Osmani, pret në takim grupin e punonjësve që për 10 vite kanë dhënë kontributin e tyre në ZKA Zyra Kombëtare e Auditimit, ora 14:00
3 tetor 2018	Auditori i Përgjithshëm, z. Besnik Osmani, pret në takim Auditoren e Përgjithshme të Suedisë, znj. Helena Lindberg Zyra Kombëtare e Auditimit, ora 14:00 Takimi i komitetit drejtues për zbatimin e Projektit tre vjeçar të Zyrës kombëtare të Auditimit me Zyrën Kombëtare të Auditimit të Suedisë. Pritja e mirëseardhjes për delegacionet e Institucioneve Supreme të Auditimit Kuvendi i Republikës së Kosovës, ora 19:00, hyrja për deputetë (e hapur për media)
4 tetor 2018	Konferenca Tematike “ Roli dhe ndikimi i Institucioneve Supreme të Auditimit në rikthimin e besimit të publikut në sektorin publik” Hotel Emerald, salla Betoven, ora 09:00 - 13:30 (e hapur për media) Vizitë në qytetin antik të Ulpianës Nisja nga Hotel Emerald, ora 16:30 (e hapur për media) Darka Gala – Shënimi i 15-të Vjetorit të ZKA Hotel Emerald, salla Betoven, ora 20:00 – 22:00 ( e hapur për media) Programi i konferencës Lista e pjesëmarrësve
5 tetor 2018	Prezantimi i raportit të performancës “Programet e veçanta të banimit” Amfitetatri i Bibliotekës Kombëtare, ora 13:30 (e hapur për media)

Auditori i Përgjithshëm i Kosovës, z. Besnik Osmani, është i nderuar që me këtë rast të pres përfaqësues të lartë të Institucioneve Supreme të Auditimit nga: Shtetet e Bashkuara të Amerikës, Gjykata Evropiane e Auditorëve, Shqipëria, Suedia, Turqia, Arabia, Saudite, Uellsi, Çekia, Polonia, Finlanda, Kroacia, Mali i Zi, Bullgaria, Maqedonia dhe SIGMA dhe zyrtarë të lartë të Institucioneve vendore, personalitete të rëndësishme nga arti dhe kultura dhe përfaqësues të misioneve diplomatike në Kosovë. Zyra e Auditorit t? Përgjithshëm (tani Zyra Kombëtare e Auditimit), si Institucion Suprem i Auditimit në Kosovë është themeluar nga Administrata e Kombeve t? Bashkuara, në vitin 2002, ndërsa Auditorja e parë e Përgjithshme e Kosovës, znj. Inga Brit Ahlenius, është emëruar në vitin 2003 kur edhe është funksionalizuar institucioni. Auditor i Përgjithshëm i Republikës së Kosovës është z. Besnik Osmani, i emëruar nga Kuvendi i Republikës së Kosovës në mars të vitit 2016, për një mandat pesë vjeçar. Zyra Kombëtare e Auditimit të Kosovës (ZKA) përmbush mandatin dhe obligimin e vet kushtetues dhe ligjor dhe çdo vit harton dhe dorëzon në Kuvend dhe tek subjektet e audituara, mbi 100 raporte të auditimit të rregullsisë dhe të performancës; mbi 1000 rekomandime të auditimit, përkrahje profesionale dhe këshillim për të gjitha subjektet e audituara për zbatimin e rekomandimeve; të gjitha raportet e auditimit bëhen publike. Aktualisht, ZKA ka të punësuar 160 punonjës, 130 prej të cilëve janë personel auditues. Për çdo informatë shtesë ju mund të na kontaktoni në: email: qendresa.mulaj@oagks.org tel. 038 606004 ext 1011

Auditori i Përgjithshëm, ka dhënë Opinion të pamodifikuar me theksim të çështjes për Raportin Financiar Vjetor të Qeverisë. Ky raport i është dorëzuar Kuvendit të Republikës së Kosovës dhe prezanton gjendjen reale në lidhje me zbatimin e Ligjit për Buxhetin e Republikës së Kosovës për vitin 2017 nga ana e Qeverisë dhe ofron informata se si organizatat buxhetore kanë menaxhuar me fondet publike. Nga rezultatet e auditimit është vërejtur se përgjithësisht, Qeveria ka bërë progres në përmirësimin e sistemit menaxhues të financave publike, por që vazhdon të jetë i pamjaftushëm për një menaxhim cilësor. Ekziston nevoja për përmirësime në konsolidimin e të dhënave në mes të pasqyrave financiare individuale të organizatave buxhetore dhe atyre të Qeverisë për sa i përket: llogarive të arkëtueshme, detyrimeve të papaguara dhe detyrimeve kontigjente. Gjatë auditimit janë identifikuar raste të mos regjistrimit të pasurive, prezantimit jo të plotë të pasurive si dhe gabimeve në vlerat e tyre financiare. Raportet individuale të auditimit, që i kanë paraprirë raportit vjetor, kanë identifikuar dobësi në sistemet e qeverisjes, veçanërisht të sistemeve financiare. Në këto raporte janë dhënë rekomandime konkrete, zbatimi i të cilave u shërben entiteteve të audituara si një mekanizëm për sanimin e këtyre dobësive dhe bërjen e sistemeve më efikase dhe efektive në arritjen e objektivave. Analizat në këtë fushë kanë rezultuar se niveli aktual i zbatimit të rekomandimeve të auditimit nuk është i kënaqshëm. Me dorëzimin e raportit vjetor të auditimit tek Kuvendi i Kosovës, Zyra Kombëtare e Auditimit ka përmbyllur me sukses sezonin e auditimit 2017/18, ndërkohë që po bëhen përgatitjet e fundit për fillimin e sezonit të ri auditues 2018/19 në të cilën janë paraparë 135 auditime. Për detajet e përmbajtjes së Raportit Vjetor të Auditimit vizitoni uebfaqen e Zyres Kombëtare të Auditimit: http://www.zka-rks.org/wp-content/uploads/2018/09/RVA-2017_Shqip.pdf .  

Zyra Kombëtare e Auditimit nga data 01 gusht 2018 ndërron lokacionin dhe tani na gjeni në adresën: Rruga 'Ahmet Krasniqi', lagja Arbëria (ish objekti i ICO-së) Për çdo gjë na kontaktoni në: 045 109 000

Zyra Kombëtare e Auditimit në datat 3 dhe 4 korrik 2018, ka prezantuar dhe shqyrtuar Projekt Planin Strategjik 2018-2021 me të gjithë stafin e ZKA-së. Këto takime përmbyllin ciklin e konsultimeve të mbajtura edhe me partnerët kyç të jashtëm, si Kuvendi i Republikës së Kosovës, Organizatat e Shoqërisë Civile dhe Mediat si dhe organizatat donatore që veprojnë në Kosovë. Pas këtyre konsultimeve, ekipi për planifikim strategjik I themeluar nga Auditori I Përgjithshëm,  për hartimin e Planit Strategjik, është duke shqyrtuar sygjerimet dhe këshillat e pranuara si nga partnerët e jashtëm ashtu edhe nga stafi I ZKA-së, dhe pas finalizimit të dokumentit, do t’i propozojë Auditorit të Përgjithshëm për miratim Planin Strategjik tre vjeçar për Zyrën kombëtare të Auditimit. Procesi i planifikimit strategjik është mbështetur nga ekspertë të Zyrës Kombëtare të Auditimit të Suedisë.

Në një punëtori dy ditore të mbajtuar më 26 dhe 27 qershor 2018, Zyra Kombëtare e Auditimit (ZKA) ka prezantuar para deputetëve të Kuvendit të Kosovës draft-Planin strategjik tre-vjeçar të saj. N? këtë punëtori, që u organizua më mbështetjen e GIZ-t gjerman, mor?n pjes? Auditori i P?rgjithsh?m i Kosov?s, Auditori i P?rgjithsh?m (u.d) i Republik?s s? Maqedonis?, kryetari dhe an?tar?t e dy komisioneve parlamentare: Komisionit p?r Buxhet dhe Financa dhe Komisionit p?r Mbik?qyrje t? Financave Publike, si dhe p?rfaq?sues t? GIZ-it gjerman. Deputetët e të dy komisioneve parlamentare e kanë vlerësuar Planin strategjik të ZKA-së (2018-2021) dhe i kanë mbështetje Auditorit të Përgjithshëm për zbatimin e tij. N? k?t? takim ?sht? diskutuar edhe p?r intensifikimin e komunikimit n? mes t? Zyr?s Komb?tare t? Auditimit dhe të komisioneve parlamentare për të bashkërenduar aktivitetet e tyre, me qëllim të rritjes së llogaridhënies në sektorin publik përmes zbatimit të rekomandimeve të dhëna në raportet e auditimit. Pjesëmarrësit kan? shqyrtuar edhe p?rvojat rajonale t? bashk?punimit ndër-institucional dhe k?rkesat e Standardeve Nd?rkomb?tare p?r Institucionet Supreme t? Auditimit. Me këtë rast z. Naser Ademi, Auditor i P?rgjithsh?m (u.d) i Republik?s s? Maqedonis? ka prezantuar praktikat e këtij bashkëpunimi në vendin e tij.