Lajmet

Zyra Kombëtare e Auditimit (ZKA) bëri publik raportin e performancës “Korniza Afatmesme e Shpenzimeve 2018–2020 në sektorin e arsimit dhe të infrastrukturës”. Raporti konstaton se Korniza Afatmesme e Shpenzimeve (KASH) nuk trajtohet mjaftueshëm për të siguruar planifikime buxhetore në përputhje me prioritetet strategjike. Auditimi vë në pah se planifikimi, zbatimi dhe monitorimi i realizimit të objektivave strategjike nuk është në nivelin e duhur. Kjo ka bërë që të zbehet rëndësia dhe qëllimi që ka Korniza Afatmesme e Shpenzimeve (KASH) në planifikim afatgjatë të objektivave dhe buxhetit. Për rrjedhojë, Korniza Afatmesme e Shpenzimeve nuk është plotësisht në funksion të një planifikimi të qëndrueshëm. Sipas të gjeturave të auditimit, Zyra për Planifikim Strategjik në kuadër të Zyrës së Kryeministrit nuk ka arritur të bëjë bashkërendim të aktiviteteve të saj, monitorim dhe raportim të vazhdueshëm të implementimit të objektivave strategjike në mënyrë që të hartojë një deklaratë të duhur të prioriteteve. Kurse, Ministria e Financave (MF) ka bërë hartimin e Kornizës Afatmesme të Shpenzimeve në mënyrë të përgjithësuar nëpër sektorë por jo edhe sipas organizatave buxhetore, kjo e bënë të vështirë ndërlidhjen, vlerësimin dhe mbikëqyrjen e aktiviteteve për organizata. Ndërsa, Ministria e Infrastrukturës dhe Transportit (MIT) si dhe Ministria e Arsimit Shkencës dhe Teknologjisë (MAShT), nuk kanë arritur të bëjnë planifikim të duhur financiar të projekteve/aktiviteteve dhe realizim të buxhetit për projekte të caktuara duke rrezikuar realizimin e objektivave strategjike qeveritare. Për më shumë, këto dy ministri kishin planifikuar dhe realizuar projekte jashtë objektivave strategjike. Zyra Kombëtare e Auditimit i rekomandon autoritetet përgjegjëse që të sigurojnë hartim dhe miratim të duhur të Kornizës Afatmesme të Shpenzimeve, e cila duhet të shërbej si dokument kyç për planifikimin e aktiviteteve strategjike dhe atyre vjetore. Objektivë e këtij auditimi është vlerësimi nëse procesi i përgatitjes dhe zbatimit të Kornizës Afatmesme të Shpenzimeve (KASH) ka adresuar objektivat strategjike të përcaktuara, për planifikim të mirëfilltë dhe financim të politikave prioritare në vend. Auditimi përfshin periudhën për Kornizën Afatmesme të Shpenzimeve 2018 – 2020 me fokus vitin 2018 ndërsa, për nevoja krahasimore mbulon edhe periudhën e Kornizës Afatmesme të Shpenzimeve 2017–2019. Raportin e plotë mund ta lexoni në këtë vegëz

Auditori i Përgjithshëm i Republikës së Kosovës, Besnik Osmani, sot priti në takim përshendetës drejtorin e projektit të USAID TEAM, Komunat Transparente, Efektive dhe Llogaridhënëse, Stephen Carpenter. Me këtë rast, Auditori i Përgjithshëm, Besnik Osmani, falenderoi z. Carpenter për bashkëpunimin me Zyrën Kombëtare të Auditimit (ZKA) si dhe për kontributin e dhënë gjatë misionit të tij në shtetin e Kosovës. Të dyja palët konsideruan se ky bashkëpunim është i rëndësishëm, ndërsa u theksua se ZKA-ja do të vazhdojë të përfitojë edhe mëtutje nga ky projekt. Takim është realizuar me kërkesë të Stephen Carpenter me rastin e përfundimit të misionit të tij në Kosovë në kuadër të projektit USAID TEAM dhe me qëllim që të njoftohet Auditori i Përgjithshëm me personat përgjegjës që do të pasojnë punën e z. Carpenter dhe do të vazhdojnë zbatimin e projektit.

Auditori i Përgjithshëm i Republikës së Kosovës, Besnik Osmani, sot priti në takim përshendetës drejtorin e projektit të USAID TEAM, Komunat Transparente, Efektive dhe Llogaridhënëse, Stephen Carpenter. Me këtë rast, Auditori i Përgjithshëm, Besnik Osmani, falenderoi z. Carpenter për bashkëpunimin me Zyrën Kombëtare të Auditimit (ZKA) si dhe për kontributin e dhënë gjatë misionit të tij në shtetin e Kosovës. Të dyja palët konsideruan se ky bashkëpunim është i rëndësishëm, ndërsa u theksua se ZKA-ja do të vazhdojë të përfitojë edhe mëtutje nga ky projekt. Takim është realizuar me kërkesë të Stephen Carpenter me rastin e përfundimit të misionit të tij në Kosovë në kuadër të projektit USAID TEAM dhe me qëllim që të njoftohet Auditori i Përgjithshëm me personat përgjegjës që do të pasojnë punën e z. Carpenter dhe do të vazhdojnë zbatimin e projektit.

Zyra Kombëtare e Auditimit (ZKA) sot bëri prezantimin publik të raportit të performancës “Siguria e Ushqimit, rast studimi: produktet e mishit dhe të grurit”, ku morën pjesë përfaqësues nga Agjencia e Ushqimit dhe Veterinarisë, Komuna e Gjilanit, shoqëria civile dhe mediat. Me këtë rast Zëvendës-Auditori i Përgjithshëm, Ilir Salihu, tha se qëllimi i këtij auditimi ka qenë  identifikimi i sfidave në sistemin e sigurisë në tërë zinxhirin ushqimor, si dhe dhënia e rekomandimeve për të përmirësuar sigurinë në ushqim. Salihu tha se mungesa e koordinimit adekuat në mes të institucioneve qendrore dhe lokale po krijon vështirësi në kryerjen e punëve si duhet. Sipas Salihut, një problem tjetër vazhdon të mbetet edhe mostransferimi i inspektorëve nga komunat te Agjencia e Ushqimit dhe Veterinarisë. Ndihmës-Auditori i Përgjithshëm, Vlora Spanca, prezantoi konkluzionet kryesore të këtij raporti, me ç’rast tha se auditimi ka nxjerrë në pah se Agjencia e Ushqimit dhe Veterinarisë (AUV) ende nuk e ka plotësisht funksional sistemin e sigurisë në tërë zinxhirin ushqimor.  Ajo theksoi se po ashtu AUV-i ende nuk ka një regjistër të plotë të kompanive që merren me tregun e produkteve me prejardhje bimore e shtazore dhe kjo e rritë rrezikun që Agjencia të mos ketë shtrirje të kontrollit të saj në tërë tregun për produkte bimore dhe shtazore. “Agjencia e Ushqimit dhe Veterinarisë si organ përgjegjës për të ofruar siguri në ushqim ka hartuar rregullore dhe procedura standarde të operimit dhe listat kontrolluese, të cilat i shfrytëzon për sigurinë e ushqimit. Megjithatë, auditimi ka nxjerrë në pah se këto procedura nuk mbulojnë tërë procesin e sigurisë së ushqimit në treg dhe ato nuk janë duke u zbatuar mjaftueshëm për të siguruar se ushqimi është i kontrolluar si duhet dhe ka siguri për konsumatorin. Listat kontrolluese, të cilat i përdor AUV-i nuk adresojnë të gjitha kërkesat për ushqim si dhe parimet Analizës se Rrezikut dhe Pikave të Kontrollit Kritik i njohur si HACCP”, u shpreh Spanca. Më tutje, Spanca deklaroi se inspektorët komunalë nuk janë transferuar në AUV, si dhe nuk ka koordinim të mirë të kontrolleve në mes nivelit qendror dhe atij lokal. Ndërkohë, Udhëheqësi i Departamentit të Auditimit të Performancës dhe Teknologjisë Informative, Samir Zymberi, tregoi se auditimi ka mbuluar periudhën e vitit 2018 dhe gjashtëmujorin e parë të viti 2019. Zymberi tha se objektivë e këtij auditimi ka qenë që të vlerësohet nëse në institucionet përgjegjëse është vendosur një sistem adekuat për të ofruar siguri në ushqim. “Rezultatet e auditimit tregojnë se përkundër përpjekjeve të Agjencisë së Ushqimit dhe Veterinarisë siguria në ushqim mbetet ende një sfidë e cila kërkon veprime të mëtutjeshme përmirësuese në këtë proces”, theksoi Zymberi.  Ai tregoi se me qëllim të përmirësimit dhe rritjes së sigurisë së ushqimit Zyra Kombëtare e Auditimit ka dhënë 15 rekomandime për Agjencinë e Ushqimit dhe Veterinarisë. Kurse, Udhëheqësja e ekipit, Fexhrie Thaqi, prezantoi para të pranishmëve në detaje të gjeturat e raportit “Siguria e Ushqimit, rast studimi: produktet e mishit dhe të grurit”. Përfaqësuesit e Agjencisë së Ushqimit dhe Veterinarisë, si dhe të Komunës së Gjilanit janë pajtuar me të gjeturat e raportit të auditimit të performancës “Siguria e Ushqimit, rast studimi: produktet e mishit dhe të grurit” si dhe kanë shprehur gatishmërinë për t’i zbatuar rekomandimet e dhëna nga Zyra Kombëtare e Auditimit.

Zyra Kombëtare e Auditimit (ZKA) sot bëri prezantimin publik të raportit të performancës “Siguria e Ushqimit, rast studimi: produktet e mishit dhe të grurit”, ku morën pjesë përfaqësues nga Agjencia e Ushqimit dhe Veterinarisë, Komuna e Gjilanit, shoqëria civile dhe mediat. Me këtë rast Zëvendës-Auditori i Përgjithshëm, Ilir Salihu, tha se qëllimi i këtij auditimi ka qenë  identifikimi i sfidave në sistemin e sigurisë në tërë zinxhirin ushqimor, si dhe dhënia e rekomandimeve për të përmirësuar sigurinë në ushqim. Salihu tha se mungesa e koordinimit adekuat në mes të institucioneve qendrore dhe lokale po krijon vështirësi në kryerjen e punëve si duhet. Sipas Salihut, një problem tjetër vazhdon të mbetet edhe mostransferimi i inspektorëve nga komunat te Agjencia e Ushqimit dhe Veterinarisë. Ndihmës-Auditori i Përgjithshëm, Vlora Spanca, prezantoi konkluzionet kryesore të këtij raporti, me ç’rast tha se auditimi ka nxjerrë në pah se Agjencia e Ushqimit dhe Veterinarisë (AUV) ende nuk e ka plotësisht funksional sistemin e sigurisë në tërë zinxhirin ushqimor.  Ajo theksoi se po ashtu AUV-i ende nuk ka një regjistër të plotë të kompanive që merren me tregun e produkteve me prejardhje bimore e shtazore dhe kjo e rritë rrezikun që Agjencia të mos ketë shtrirje të kontrollit të saj në tërë tregun për produkte bimore dhe shtazore. “Agjencia e Ushqimit dhe Veterinarisë si organ përgjegjës për të ofruar siguri në ushqim ka hartuar rregullore dhe procedura standarde të operimit dhe listat kontrolluese, të cilat i shfrytëzon për sigurinë e ushqimit. Megjithatë, auditimi ka nxjerrë në pah se këto procedura nuk mbulojnë tërë procesin e sigurisë së ushqimit në treg dhe ato nuk janë duke u zbatuar mjaftueshëm për të siguruar se ushqimi është i kontrolluar si duhet dhe ka siguri për konsumatorin. Listat kontrolluese, të cilat i përdor AUV-i nuk adresojnë të gjitha kërkesat për ushqim si dhe parimet Analizës se Rrezikut dhe Pikave të Kontrollit Kritik i njohur si HACCP”, u shpreh Spanca. Më tutje, Spanca deklaroi se inspektorët komunalë nuk janë transferuar në AUV, si dhe nuk ka koordinim të mirë të kontrolleve në mes nivelit qendror dhe atij lokal. Ndërkohë, Udhëheqësi i Departamentit të Auditimit të Performancës dhe Teknologjisë Informative, Samir Zymberi, tregoi se auditimi ka mbuluar periudhën e vitit 2018 dhe gjashtëmujorin e parë të viti 2019. Zymberi tha se objektivë e këtij auditimi ka qenë që të vlerësohet nëse në institucionet përgjegjëse është vendosur një sistem adekuat për të ofruar siguri në ushqim. “Rezultatet e auditimit tregojnë se përkundër përpjekjeve të Agjencisë së Ushqimit dhe Veterinarisë siguria në ushqim mbetet ende një sfidë e cila kërkon veprime të mëtutjeshme përmirësuese në këtë proces”, theksoi Zymberi.  Ai tregoi se me qëllim të përmirësimit dhe rritjes së sigurisë së ushqimit Zyra Kombëtare e Auditimit ka dhënë 15 rekomandime për Agjencinë e Ushqimit dhe Veterinarisë. Kurse, Udhëheqësja e ekipit, Fexhrie Thaqi, prezantoi para të pranishmëve në detaje të gjeturat e raportit “Siguria e Ushqimit, rast studimi: produktet e mishit dhe të grurit”. Përfaqësuesit e Agjencisë së Ushqimit dhe Veterinarisë, si dhe të Komunës së Gjilanit janë pajtuar me të gjeturat e raportit të auditimit të performancës “Siguria e Ushqimit, rast studimi: produktet e mishit dhe të grurit” si dhe kanë shprehur gatishmërinë për t’i zbatuar rekomandimet e dhëna nga Zyra Kombëtare e Auditimit.

Zyra Kombëtare e Auditimit (ZKA) sot bëri prezantimin publik të raportit të performancës “Siguria në trafikun rrugor” ku morën pjesë përfaqësues nga Ministria e Infrastrukturës dhe Transportit, Policia e Kosovës, Komuna e Prishtinës, nga shoqëria civile si dhe profesorë e ekspertë të fushës. Me këtë rast Auditori i Përgjithshëm, Besnik Osmani, tha se realizimi i këtij raporti nga Zyra Kombëtare e Auditimit është në dobi të qytetarëve sepse trajton një prej problemeve kryesore të shoqërisë sonë. Osmani theksoi se raporti “Siguria në trafikun rrugor” synon t’i ndihmojë institucionet që janë përgjegjëse për të përmirësuar situatën në trafik. “Ajo që ka qenë shqetësuese nga të gjeturat e raportit është se kemi koordinimi të pamjaftueshëm të akterëve të cilët do të mundësonin një qasje të mirë organizuar dhe të orientuar në rezultate. Raporti përmban rekomandimet se çka është e rëndësishme të përmirësohet në mënyrë që të minimizohet numri i jetëve të humbura që shkaktohen nga situata kaotike në trafik”, tha Osmani. Ndërkohë, Ndihmës-Auditori i Përgjithshëm, Vlora Spanca, duke prezantuar konkluzionet kryesore të këtij raporti tha se auditimi ka nxjerrë në pah se institucionet përgjegjëse nuk janë efektive dhe nuk po bëjnë sa duhet për të rritur sigurinë në trafik. “Gjetjet e raportit tregojnë se kontrollet policore në trafikun rrugor në rajonin e Prishtinës kanë qenë të mangëta. Nuk ka orientim të kontrolleve policore sipas nevojave dhe rreziqeve, si dhe Sistemi Informativ i Policisë së Kosovës karakterizohet me të dhëna jo të plota dhe jo të sakta. Këto kanë bërë që policia të mos jetë efektive sa i përket rritjes së sigurisë në trafik”, u shpreh Spanca. Po ashtu, Spanca tha se edhe Ministria e Infrastrukturës dhe Transportit nuk ka arritur të implementojë kriteret e rëndësishme të sigurisë rrugore dhe të funksionalizojë Këshillin për Sigurinë në Trafikun Rrugor deri në fund të vitit 2018. Spanca shtoi se edhe Komuna e Prishtinës nuk ka arritur që të sigurojë mirëmbajtje të duhur dhe permanente për të gjitha rrugët, për të cilat është përgjegjëse përfshirë edhe sinjalizimin. Udhëheqësi i Departamentit të Auditimit të Performancës dhe Teknologjisë Informative, Samir Zymberi, tregoi se periudha e auditimit ka përfshirë vitin 2016, 2017 dhe 2018. Zymberi tha se objektivë e këtij auditimit ka qenë që institucionet përgjegjëse, Ministria e Infrastrukturës, Policia e Kosovës dhe Komuna e Prishtinës të bëjnë përpjekjet e duhura për të ofruar siguri në trafikun rrugor. “Rezultatet e auditimit tregojnë se siguria në trafikun rrugor mbetet ende një sfidë për institucionet relevante dhe kërkon veprime të menjëhershme. Bazuar në këtë, ZKA-ja ka dhënë 24 rekomandime për institucionet e audituara me qëllim të rritjes së sigurisë në trafik. Tetë prej këtyre rekomandimeve janë për Policinë e Kosovës, 10 janë për Ministrinë e Infrastrukturës dhe Transportit dhe gjashtë rekomandime janë për Komunën e Prishtinës”, u shpreh Zymberi. Ndërkaq, Udhëheqësi i ekipit, Labinot Sadiku, prezantoi para të pranishmëve në detaje të gjeturat e raportit të performancës “Siguria në trafikun rrugo”. Përfaqësuesit e institucioneve të audituara u pajtuan me të gjeturat e raportit të auditimit të performancës “Siguria në trafikun rrugor”, si dhe kanë shprehur gatishmërinë për t’i zbatuar rekomandimet e dhëna nga Zyra Kombëtare e Auditimit.

Të nderuar përfaqësues të mediave,   Ju ftojmë të ndiqni tryezën e organizuar nga Zyra Kombëtare e Auditimit për prezantimin e raportit të auditimit të performancës “Siguria e Ushqimit, rast studimi: produktet e mishit dhe të grurit” Tryeza do të mbahet:

Të enjten me datën 26 dhjetor 2019 në ora 10:00,

në ambientet e Zyrës Kombëtare të Auditimit,

Lagjja Arbëria, Rr. Ahmet Krasniqi, 210

Prishtinë

  Në tryezë janë të ftuar përfaqësues nga Agjencia e Ushqimit dhe Veterinarisë, Komuna e Vushtrrisë dhe Gjilanit, shoqëria civile, mediat e organizatat ndërkombëtare. Tryeza është e hapur për publikun dhe ka karakter informues lidhur me përmbajtjen, gjetjet dhe rekomandimet e auditimit. Debati do të jetë i hapur për të gjithë pjesëmarrësit. Duke vlerësuar rolin tuaj në këtë tryezë, pjesëmarrja juaj është e mirëpritur.

Ju ftojmë të ndiqni tryezën e organizuar nga Zyra Kombëtare e Auditimit për prezantimin e raportit të auditimit të performancës “Siguria në trafikun rrugor”.   Tryeza do të mbahet:

Të martën me datën 24 dhjetor 2019 në ora 10:00,

në ambientet e Zyrës Kombëtare të Auditimit,

Lagjja Arbëria, Rr.Ahmet Krasniqi, 210

Prishtinë

  Në tryezë janë të ftuar përfaqësues nga Ministria e Infrastrukturës dhe Transportit (MIT), Policia e Kosovës, Komuna e Prishtinës, shoqëria civile, mediat e organizatat ndërkombëtare. Tryeza është e hapur për publikun dhe ka karakter informues lidhur me përmbajtjen, gjetjet dhe rekomandimet e auditimit. Debati do të jetë i hapur për të gjithë pjesëmarrësit. Duke vlerësuar rolin tuaj në këtë tryezë, pjesëmarrja juaj është e mirëpritur.

Zyra Kombëtare e Auditimit bëri publik raportin e auditimit të performancës “Projektet e financuara nga grantet e DEMOS-it”. Në raport është konkluduar se të gjitha projektet e audituara në të cilat është investuar nga granti i performancës, kanë arritur të funksionalizohen dhe të lëshohen në përdorim për qytetarët brenda kohës së dakorduar me donatorin. Më tutje, në raport theksohet se të gjitha komunat e audituara (Graçanicë, Mamushë, Pejë, Podujevë dhe Prizren) i kanë përfshirë projektet në planin e prokurimit. Pos kësaj, procesi i emërimit të menaxherëve është zhvilluar sipas kërkesave ligjore në fuqi, si dhe fondet e ndara janë shpenzuar vetëm për projektet kapitale dhe vetëm për qëllimin e kontraktuar. Megjithatë, zhvillimi i procedurave të prokurimit kërkon vëmendje në disa faza për të gjitha komunat që ishin pjesë e këtij auditimi. Përkundër realizimit të projekteve për qëllimet e përcaktuara, auditimi ka nxjerrë në pah disa të meta që duhen të eliminohen në mënyrë që procesi të përmirësohet. Dobësitë e identifikuara nga ky auditim janë: vonesa në dërgimin e mallit, mungesa e vëmendjes në mbikëqyrjen e projekteve nga menaxherët e kontratave, si dhe mospërdorimi i duhur i fjalorit të përbashkët të prokurimit gjatë vlerësimit të tenderëve. Pos kësaj, në raport theksohet se mangësi e përbashkët e identifikuar në të gjitha komunat e audituara është fakti se komunat nuk kanë arritur të dokumentojnë mënyrën e prioritizimit të investimeve në projektet përkatëse. Auditori i Përgjithshëm, Besnik Osmani, lidhur me këtë raport deklaroi se  komunat e audituara duhet të shtojnë vëmendjen në fuqizimin e më tejmë të procedurave të prokurimit. “Projektet në të cilat është investuar nga grantet e DEMOS-it janë funksionalizuar dhe janë vëne në shërbim të qytetarëve, mirëpo komunat e audituara duhet të shtojnë vëmendjen në fuqizimin e mëtejmë të procedurave të prokurimit dhe përfshirjes së kërkesave të qytetarëve në vendimmarrje”, tha ai. Pasur për bazë faktin se projektet kanë për qëllim përmirësimin e shërbimeve publike të qytetarëve, Zyra Kombëtare e Auditimit i rekomandon komunave që të përfshijnë qytetarët në vendimmarrje në këto procese dhe t`i dokumentojnë rezultatet nga këto takime. Auditim është realizuar në bazë të marrëveshjes në mes Zyrës Kombëtare të Auditimit dhe Agjencisë Zvicerane për Zhvillim dhe Bashkëpuni, (përmes Decentralizimit dhe Përkrahjes Komunale). Ky auditim kishte për qëllim që të vlerësojë nëse procedurat e prokurimit janë kryer në pajtim me Ligjin e Prokurimit Publik dhe nëse investimet janë realizuar dhe funksionalizuar me kohë për përdorim nga qytetarët. Raporti përfshinë grantin e dhënë për vitin 2018. Raportin e plotë mund ta gjeni në këtë vegëz.

Zyra Kombëtare e Auditimit (ZKA) bëri publik raportin e performancës “Siguria e Ushqimit, rast studimi: produktet e mishit dhe të grurit”. Raporti konstaton se institucioni përgjegjës Agjencia e Ushqimit dhe Veterinarisë (AUV) ende nuk e ka plotësisht funksional sistemin e sigurisë në tërë zinxhirin ushqimor dhe për pasojë nuk ka siguri se ushqimi në treg është mjaftueshëm i kontrolluar dhe është i sigurt për konsumatorin. Gjetjet e auditimit nxjerrin në pah mangësitë në procesin e planifikimit të kontrolleve dhe mungesën e analizës së rreziqeve. Në raport thuhet se vlerësimi i sigurisë në ushqim përmes listave të kontrollit nuk i përfshinë të gjitha parimet e Analizës së Rrezikut dhe Pikave të Kontrollit Kritik (HACCP). Për më tepër, as Laboratori i Ushqimit dhe Veterinarisë nuk është i akredituar për të gjitha analizat e nevojshme për siguri në ushqim. Pos kësaj, edhe mënyra e marrjes së mostrave në pikat inspektuese kufitare nuk ofron mjaftueshëm siguri se produktet të cilat hyjnë në treg kontrollohen si duhet dhe sipas procedurave të vendosura. Raporti thekson se Agjencia e Ushqimit dhe Veterinarisë ende nuk i ka kompletuar procedurat dhe standardet e nevojshme për të siguruar se inspektorët sanitarë dhe fitosanitarë janë duke kryer kontrolle zyrtare në pajtim me standardet e sigurisë për ushqim. Auditimi konkludon se inspektorët komunal nuk janë transferuar në Agjencinë e Ushqimit dhe Veterinarisë, si dhe nuk ka koordinim të mirë të kontrolleve mes nivelit qendror dhe lokal. Zyra Kombëtare e Auditimit i rekomandon Agjencisë së Ushqimit dhe Veterinarisë që të kryejë kontrolle cilësore, duke siguruar zbatimin e parimeve të Analizës së Rrezikut dhe Pikave të Kontrollit Kritik (HACCP), të cilat janë bazë për të ofruar siguri në ushqimin për konsumatorë. Ky auditim është realizuar për të vlerësuar nëse Agjencia e Ushqimit dhe Veterinarisë ka vendosur sistem adekuat për të ofruar siguri në ushqim. Raporti përfshinë vitin 2018 dhe gjashtëmujorin e parë të vitit 2019. Raportin e plotë mund ta lexoni në këtë vegëz.    

Zyra Kombëtare e Auditimit (ZKA) bëri publik raportin e performancës “Siguria e Ushqimit, rast studimi: produktet e mishit dhe të grurit”. Raporti konstaton se institucioni përgjegjës Agjencia e Ushqimit dhe Veterinarisë (AUV) ende nuk e ka plotësisht funksional sistemin e sigurisë në tërë zinxhirin ushqimor dhe për pasojë nuk ka siguri se ushqimi në treg është mjaftueshëm i kontrolluar dhe është i sigurt për konsumatorin. Gjetjet e auditimit nxjerrin në pah mangësitë në procesin e planifikimit të kontrolleve dhe mungesën e analizës së rreziqeve. Në raport thuhet se vlerësimi i sigurisë në ushqim përmes listave të kontrollit nuk i përfshinë të gjitha parimet e Analizës së Rrezikut dhe Pikave të Kontrollit Kritik (HACCP). Për më tepër, as Laboratori i Ushqimit dhe Veterinarisë nuk është i akredituar për të gjitha analizat e nevojshme për siguri në ushqim. Pos kësaj, edhe mënyra e marrjes së mostrave në pikat inspektuese kufitare nuk ofron mjaftueshëm siguri se produktet të cilat hyjnë në treg kontrollohen si duhet dhe sipas procedurave të vendosura. Raporti thekson se Agjencia e Ushqimit dhe Veterinarisë ende nuk i ka kompletuar procedurat dhe standardet e nevojshme për të siguruar se inspektorët sanitarë dhe fitosanitarë janë duke kryer kontrolle zyrtare në pajtim me standardet e sigurisë për ushqim. Auditimi konkludon se inspektorët komunal nuk janë transferuar në Agjencinë e Ushqimit dhe Veterinarisë, si dhe nuk ka koordinim të mirë të kontrolleve mes nivelit qendror dhe lokal. Zyra Kombëtare e Auditimit i rekomandon Agjencisë së Ushqimit dhe Veterinarisë që të kryejë kontrolle cilësore, duke siguruar zbatimin e parimeve të Analizës së Rrezikut dhe Pikave të Kontrollit Kritik (HACCP), të cilat janë bazë për të ofruar siguri në ushqimin për konsumatorë. Ky auditim është realizuar për të vlerësuar nëse Agjencia e Ushqimit dhe Veterinarisë ka vendosur sistem adekuat për të ofruar siguri në ushqim. Raporti përfshinë vitin 2018 dhe gjashtëmujorin e parë të vitit 2019. Raportin e plotë mund ta lexoni në këtë vegëz.    

Zyra Kombëtare e Auditimit (ZKA) e bëri publik raportin e auditimit të performancës “Siguria në trafikun rrugor”. Raporti konkludon se mungesa e zbatimit, organizimit dhe koordinimit të aktiviteteve nga autoritetet përgjegjëse e bënë të pasigurt trafikun rrugor për pjesëmarrësit në trafik. Në këtë raport theksohet se organet përgjegjëse, Policia e Kosovës, e cila duhet të garantojë zbatimin e rregullave nga pjesëmarrësit në trafik dhe Ministria e Infrastrukturës dhe Transportit së  bashku me komunat, të cilat duhet të sigurojnë rrugë dhe infrastrukturë të sigurt për pjesëmarrësit në trafik, nuk janë efektive dhe nuk po bëjnë sa duhet për të rritur sigurinë në trafik. Të gjeturat e auditimit nxjerrin në pah se mbulimi i rrugëve me kontroll policore në trafikun rrugor në rajonin e Prishtinës është i mangët; kontrollet policore nuk orientohen sipas nevojave apo rreziqeve, si dhe kontrollet nuk inspektohen/mbikëqyren rregullisht nga Divizioni i Komunikacionit Rrugor dhe nga Njësia Rajonale e Komunikacionit Rrugor–Prishtinë. Për më tepër, Sistemi Informativ i Policisë së Kosovës karakterizohet me të dhëna jo të plota dhe të pasakta rreth analizimit dhe identifikimit të shkaktarëve e të faktorëve të aksidenteve në trafikun rrugor. Gjithashtu, sipas gjetjeve të auditimit, Ministria e Infrastrukturës dhe Transportit (MIT) nuk ka arritur të implementojë kriteret e rëndësishme të sigurisë rrugore, si dhe nuk ka bërë përpjekje të mjaftueshme për identifikimin dhe menaxhimin e vendeve të rrezikshme në rrugë (pikat e zeza). Pos kësaj, MIT-ja nuk ka krijuar bazë të të dhënave që do të mundësonin identifikimin e vendeve të rrezikshme dhe evidentimin/identifikimin e saktë të shkaktarëve dhe faktorëve të aksidenteve.  Për më shumë, monitorimi ndaj qendrave për kontrolle teknike të automjeteve nga MIT-ja dhe subjekti i autorizuar për mbikëqyrje ishte i mangët. Lidhur me të gjeturat e raportit, Auditori i Përgjithshëm, Besnik Osmani, deklaroi se mangësitë e identifikuara në auditim paraqesin shqetësim për nivelin e zbatimit të masave të duhura për përmirësimin e sigurisë në trafik. “Ministria e Infrastrukturës dhe Transportit, Policia e Kosovës dhe niveli lokal kanë rol kyç në ofrimin e sigurisë në trafikun rrugor për pjesëmarrësit në trafik. Megjithatë, mangësitë e identifikuara në auditim paraqesin shqetësim  për nivelin e zbatimit të masave të duhura për përmirësimin e sigurisë në trafikun rrugor”, theksoi Osmani. Me qëllim të adresimit urgjent të sigurisë në trafikun rrugor në vend, Zyra Kombëtare e Auditimit i rekomandon Qeverisë së Kosovës  dhe autoriteteve përgjegjëse që të ndërmarrin hapa konkret për të ofruar siguri në trafikun rrugor. Raporti i auditimit të performancës “Siguria në trafikun rrugor” përfshin periudhën 2016, 2017 dhe 2018. Auditimi kishte për qëllim vlerësimin nëse institucionet publike kanë ndërmarrë veprimet e duhura për të ofruar dhe promovuar siguri në trafikun rrugor në vend. Raportin e plotë mund ta lexoni në këtë vegëz.