Lajmet

Për herë të parë Auditori i Përgjithshëm i Kosovës ftohet nga ky rrjet. Auditori i Përgjithshëm, Lage Olofsson dhe Zëvendës Auditori i Përgjithshëm, Artan Venhari, do të marrin pjesë në “Konferencën për marrëdhëniet midis Institucioneve Supreme të Auditimit dhe Parlamentet”, e cila zhvillohet më 18-19 nëntor 2013, në Pržno, të Malit të Zi.

Kjo konferencë organizohet nën patronazhin e Rrjetit. SIGMA, program i financuar nga Komisioni Evropian dhe menaxhuar nga OECD e ndihmon këtë konferencë.

ISA-të dhe Parlamentet luajnë rol të rëndësishëm në sistemin e llogaridhënies financiare publike dhe qeverisjes së mirë. Në njohjen e rëndësisë së bashkëpunimit efektiv midis ISA-së dhe Parlamentit në kontekst të negociatave të anëtarësimit, objektivi i konferencës është shkëmbimi i përvojave për ndërtimin e marrëdhënieve konstruktive midis ISA-së dhe Parlamentit: për të diskutuar faktorët që ndikojnë në marrëdhëniet e tilla; dhe të fillohet me zhvillimin e “veglave” të cilat mund të përdoren nga ISA-të individuale dhe parlamentet në forcimin e bashkëpunimit të tyre i cili është reciprokisht i dobishëm.

Në këtë konferencë marrin pjesë edhe anëtarët e Kuvendit të Kosovës/Komisioni për Mbikëqyrjen e Financave Publike, Ali Sadriu dhe Ramiz Lladrovci si dhe Fatime Qorri, Koordinatore e Komisionit. 

Në seancën plenare, më 14 nëntor të vitit 2013, Z. Lage Olofsson, Auditori i Përgjithshëm, ka prezantuar Raportin e tij Vjetor të Auditimit për vitin 2012 para deputetëve të Kuvendit. 

Në fjalimin e tij drejtuar deputetëve, Auditori i Përgjithshëm theksoi se raporti bazohet në 90 auditime statutore (të rregullisë) dhe rreth 25 auditime jo statutore (të performancës, menaxheriale) realizuar dhe analizuar në nivel të përgjithshëm.

Cilësia e informacionit në Buxhetin e Kosovës, si dhe në Pasqyrat Vjetore Financiare (PVF) është përmirësuar gjatë viteve. Megjithatë, tani përballemi me pritjet dhe kërkesat më të larta sa i përket saktësisë dhe vlefshmërisë së informacionit dhe statistikave në lidhje me ambiciet euro- atlantike të Kosovës dhe ne mund të jemi krenarë për atë që Kosova ka arritur deri më tani, por sfidat e reja janë para nesh, tha ai.

Opinioni i përgjithshëm i auditimit për cilësinë e informacionit në BK / PVF ishte:

“Pasqyrat Vjetore Financiare të Buxhetit të Republikës së Kosovës në të gjitha aspektet materiale, paraqesin një pamje të vërtetë dhe të drejtë të financave dhe situatën financiare për vitin fiskal 2012”.

Në të njëjtën kohë, informacionet në PVF themelore të OB-ve individuale dhe BK/PVF janë nënvlerësuar nga rreth 2,850,000,000€ në krahasim me PVF-të individuale. pasuritë e prezantuara në PVF-të themelor nuk janë të sakta në shumë raste që ka rezultuar me 42 Theksime të çështjes në OB-të individuale. (ISSAI 400: Opinion i pakualifikuar i auditimit me theksim të çështjes).

Më tej, ai theksoi se sa i përket Menaxhimit të Financave Publike është bërë progres në kornizën legjislative dhe atë institucionale, por zbatimi i kornizës ligjore është ende në nivel të pamjaftueshëm. Ai identifikoi sfidat specifike në sektor dhe fusha të ndryshme në administratën publike, siç janë Autoritetet Qendrore; Institucionet e Pavarura, Komunat dhe Ndërmarrjet Publike.

Auditori i Përgjithshëm përfundoi fjalimin e tij duke thënë se të gjitha këto, në një mënyrë apo tjetër, ndërlidhen drejtpërdrejt me vlerat dhe qasjet e strategjisë së integrimit në BE. Raporti parashtron sfidat kryesore që të gjithë ne duhet t'i adresojmë nga linja e veçantë e përgjegjësisë me qëllim që përmirësimet në sektorin publik të shtyhen përpara.

Raporti Vjetor i Auditimit për vitin 2012 është mbështetur nga të gjitha partitë politike dhe rekomandimet e dhëna janë konsideruar si shumë të rëndësishme për ambiciet që raportimi i  jashtëm dhe menaxhimi financiar dhe kontrolli të përmirësohen më tej. 

Auditori i Përgjithshëm Lage Olofsson së bashku me Kryeshefen Ekzekutive të SHKÇAK-ut zonjën Ardiana Bunjaku, do ta vizitojnë Kinën gjatë javës, duke ia filluar me 14 tetor.

Ata do të marrin pjesë në një Komitet Drejtues të MOSAIC (1), ku do të paraqiten dhe diskutohen përvojat e fituara nga dizajnimi dhe paraqitja e një programi të çertifikimit për auditorët e rregullsisë të sektorit publik.

Programi është përshtatur me standardet e reja profesionale dhe me udhëzimet e praktikave më të mira për auditorët e sektorit publik (SNISA), zyrtarisht të autorizuara dhe të miratuara nga Organizata Ndërkombëtare e Institucioneve Supreme të Auditimit (INTOSAI). Asistencë është dhënë nga partnerët bilateral dhe të Binjakëzimit të ZAP-it.

Përfitimet dhe vlerat e përdorimit të SNISA-ve janë të shumta dhe të llojllojshme, por përfshijnë cilësi të rritur dhe uniforme të auditimit, rritje të besueshmërisë dhe profesionalizmit. Në vitet e ardhshme shumë përpjekje dhe sasi të konsiderueshme të kohës do t’i kushtohen ngritjes së vetëdijesimit në komunitetin e INTOSAI-t në lidhje me SNISA-t dhe inkurajimit të Institucioneve Supreme të Auditimit që ta implementojnë kornizën e SNISA-s. 

____________________________________

1) MOSAIC është një Memorandum historik i Mirëkuptimit i cili përcakton bazat për përmirësimin e bashkërendimit dhe bashkëpunimit midis Federatës Ndërkombëtare të Kontabilistëve (FNK) dhe komunitetit ndërkombëtar për zhvillim. MOSAIC siguron bazat për ngritjen e kapacitetit të Organizatave Profesionale të Kontabilitetit (OPK) dhe ka për qëllim përmirësimin e cilësisë së sistemeve për menaxhim financiar të ekonomive në zhvillim. Ky memorandum gjithashtu ka për qëllim që të kontribuojë në Partneritetin e Ri Global për Bashkëpunim Efektiv Zhvillimor. 

Banka Botërore po financon një program që synon rritjen e zbatimit më të mirë të Prokurimit Publik në Kosovë. Zyra e Auditorit të Përgjithshëm mbështetet me një grant për një projekt 20 muajsh, i cili fokuset drejt zhvillimit të aftësive profesionale në auditimin e sistemeve të prokurimit dhe në marrjen e vendimeve të duhura afariste në prokurim. Sean Sweeney është kontraktuar për trajnim dhe mentorim në Zyrë. Kjo gjithashtu përfshin një udhëzues të ri të bazuar mbi praktikat më të mira ndërkombëtare dhe ofrimin e trajnimit.

Auditori i Përgjithshëm, Lage Olofsson dhe Sean Sweeney, Drejtori Ekzekutiv i Korporatës KOSI, duke nënshkruar kontratën, më 9 Tetor. 

Nën organizimin e programit TAIEX të Komisionit Evropian dhe në bashkëpunim me Institucionin Suprem të Auditimit të Shqipërisë, me 3 shtator, në Tiranë u mbajt punëtoria “Auditimi i Performancës, mundësitë rajonale për bashkëpunim”. Qëllimi i këtij organizimi ishte vazhdimi i bashkëpunimit të filluar këtë vit midis Institucioneve Supreme të Auditimit (ISA) të rajonit dhe të BE-së në fushën e auditimit të performancës, dhe gjetja e mundësive të shkëmbimit të përvojave me ISA-it e rajonit me qëllim të kryerjes së auditimeve të përbashkëta, paralele dhe të koordinuara.

Përfaqësuesit e Zyrës së Auditorit të Përgjithshëm në mesin e pjesëmarrësve të tjerë

Të pranishëm në këtë punëtori ishin përfaqësuesit nga Zyra e Auditorit të Përgjithshëm të Kosovës, Artan Venhari, ZV. Auditor i Përgjitshëm, Mirlinda Kadriu, Drejtore e Dep. të Auditimit të Performancës, Bezad Halilaj, Drejtor në Dep. e Auditimit të Prokurimeve dhe Myrvete Gashi, Drejtore e Dep. të Auditimit të PPP. Ndërsa kishte përfaqësues edhe nga Institucione Supreme të Auditimit të vendeve të rajonit si: Shqipërisë si nikoqire, Kroacisë, Sllovenisë, Serbisë, Malit të Zi, Bosnja dhe Hercegovina, Maqedonia dhe vendeve të BE-së si Suedia, Rumania dhe Norvegjia.  

Pjesëmarrësit u pajtuan që të rritet bashkëpunimi rajonal dhe të shkëmbehen ide dhe informata sa i përket auditimeve të performancës. 

Gjatë qëndrimit në Tiranë, përfaqësues nga ZAP patën një takim të ndarë edhe me Z. Bujar Leskaj, Kryetar i Kontrollit të Lartë të Shtetit. Në këtë takim u theksua se marrëveshja e bashkëpunimit nënshkruar nga të dyja institucionet po përmbushet dhe të dyja palët u pajtuan që të vazhdohet tutje dhe të caktohen objektivat e para sa i përket bashkëpunimit në auditimet e performancës, si dhe të shikohen edhe fusha të reja për bashkëpunimi më të ngushtë në auditime paralele si dhe në fushën e ngritjeve të kapaciteteve të të dy institucioneve. 

Auditori i Përgjithshëm, Lage Olofsson, ka përgatitur Raportin e tij Vjetor të Auditimit (RVA) për Vitin Financiar 2012, i cili i është dorëzuar Kuvendit.

Ky raport mbulon zbatimin që Qeveria i ka bërë buxhetit për vitin 2012 dhe Pasqyrave Vjetore Financiare (PVF) të Buxhetit të Kosovës (BK) për atë periudhë.

Opinioni gjithëpërfshirës i auditimit si përmbledhje nxjerr si përfundim se: “Pasqyrat Vjetore Financiare të buxhetit të Republikës së Kosovës, në të gjitha aspektet materiale, paraqesin një prezantim të vërtetë dhe të drejtë të financave dhe gjendjes financiare për vitin fiskal 2012”.

Në të njëjtën kohë tërheq Auditori i Përgjithshëm tërheqë vëmendjen në lidhje me prezantimin e pasurive. Pasuritë publike në PVF-të e BK-së janë nënvlerësuar me rreth 2,850,000,000€ në krahasim me PVF themelore individuale. Po ashtu, pasuritë e prezantuara në PVF themelore nuk janë të sakta në shumë raste duke rezultuar me 42 Theksime të Çështjes për OB individuale. (SNISA 400: Opinioni i Pakualifikuar i Auditimit me theksim të çështjes)

Qeveria ka shënuar progres në përcaktimin dhe qartësimin e kornizës legjislative dhe institucionale për Menaxhim të Financave Publike. Megjithatë, OB-të nuk janë duke e zbatuar plotësisht këtë kornizë. Menaxherët e OB-ve ende nuk i kanë krijuar elementet e nevojshme për ta krijuar një ambient të përshtatshëm të kontrollit të brendshëm; ai ka nevojë të zhvillohet edhe më shumë. Kjo përfshin aktivitetet monitoruese që ndërmerren nga menaxhmenti i lartë dhe kontrollet operacionale të nivelit të ulët. Një mjedis më i mirë i kontrollit do ta mbështeste përmirësimin e performancës operacionale, cilësinë e shërbimit dhe vlerën për para. Për më tepër, institucionet kryesore me përgjegjësi qendrore duhet t’i zhvillojnë më tutje parakushtet e mira, qasjet dhe mjetet për ta mbështetur implementimin efektiv të kornizës ligjore.

Në të njëjtën kohë, Kosova tani përballet me pritshmëri dhe kërkesa më të mëdha mbi informata dhe statistika të sakta dhe të vlefshme në lidhje me ambiciet Euro Atlantike të Kosovës. Ne mund të ndjehemi krenar me atë çka ka arritur Kosova në këtë fushë, por ende dalin sfida të reja.

Është shpresë e imja se ky raport do të shërbejë për identifikimin e fushave, në të cilat ne të gjithë mund të punojmë së bashku, për t’ju shërbyer më mirë qytetarëve të Kosovës. 

Raporti tashmë është publikuar në faqen e internetit të ZAP-it: http://oag-rks.org/repository/docs/RVA_2012_Shqip_944597.pdf , dhe është i hapur për komentet tuaja. 

Auditorët e Zyrës së Auditorit të Përgjithshëm (ZAP) kanë përfunduar me sukses trajnimin “Qeverisja e mirë, rreziqet dhe kontrolli në sektorin publik” të mbajtur nga Instituti i njohur me statut të Britanisë së Madhe për Financa Publike dhe Kontabilitet (CIPFA) për çka edhe do të certifikohen. 

Ky trajnim është financuar nga Ambasada e Britanisë së Madhe në Kosovë. Qëllimi i projektit të financuar ka qenë krijimi i një numri të trajnerëve profesional për skemën e re të certifikimit për auditim të sektorit publik (1). Ky trajnim është vijuar nga 20 pjesëmarrës dhe prej tyre më së shumti anëtarë të stafit të ZAP, disa anëtarë të SHKÇAK dhe disa nga Kontrolli i Lartë i Shtetit të Shqipërisë.  

Kjo ngjarje do të zhvillohet të martën, 23 korrik 2013, ora 14:00, në Zyrën e Auditorit të Përgjithshëm dhe ambasadori i Britanisë së Madhe në Kosovë z. Ian Cliff do të shpërndajë certifikatat. Në të njëjtën kohë në këtë ngjarje do të marrin pjesë edhe përfaqësues nga CIPFA. 

Auditori i Përgjithshëm i Kosovës Z. Lage Olofsson do t’u drejtohet të pranishmëve me një fjalë rasti. 

1) Marrëveshja mes ZAP dhe SHKÇAK e nënshkruar më 09 Korrik 2013 për zhvillimin e profesionit të kontabilitetit dhe auditimit të sektorit publik në Kosovë e bazuar në Standardet Ndërkombëtare të Institucioneve Supreme të Auditimit (ISSAI) të vendosura nga Organizata Ndërkombëtare e Institucioneve Supreme të Auditimit (INTOSAI). 

Me qëllim të avancimit në sferën profesionale, më 9 korrik 2013, Zyra e Auditorit të Përgjithshëm (ZAP) ka nënshkruar marrëveshje bashkëpunimi me Shoqatën e Kontabilistëve të Certifikuar dhe Auditorëve të Kosovës (SHKCAK). 

Kjo marrëveshje ka për qëllim bashkëpunimin institucional ndërmjet palëve të lartpërmendura, në zhvillimin e profesionit të kontabilitetit dhe auditimit të sektorit publik në Kosovë.

Sipas marrëveshjes është krijuar një skemë e re e certifikimit të auditimit për auditorët në sektorin publik e cila është e bazuar në Standardet Ndërkombëtare të Institucioneve Supreme të Auditimit (ISSAI) të vendosura nga Organizata Ndërkombëtare e institucioneve Supreme të Auditimit (INTOSAI). 

Bazuar në këtë marrëveshje  ne do të jemi vendi i parë në rajon dhe më gjerë që ka zhvilluar programin e certifikimit të auditorëve të sektorit publik. Sipas skemës së re të certifikimit të sektorit publik, për të fituar thirrjen Auditor i Certifikuar i Sektorit Publik (AC/SP), auditorët e Zyrës së Auditorit të Përgjithshëm duhet kaluar tri nivele të certifikimit të cilat janë të ndara në tri vite. Pas fazës së certifikimit, të gjithë anëtarët, do t’i nënshtrohen obligimeve për edukim të vazhdueshëm profesional në lëmin e sektorit publik, që nënkupton azhurnimin e tyre me të gjitha ndryshimet në ISSAI, IPSAS, legjislacionin vendor përkatës, etj.

Si i tillë, ky certifikim do ta ngritë nivelin e cilësisë dhe profesionalizmit të auditorëve të ZAP-së të cilët shërbejnë si auditor të jashtëm për të gjitha institucionet e financuara nga buxheti dhe atyre në pronësi publike. 

Me qëllim të ngritjes së mëtutjeshme të cilësisë edhe të auditimit të performancës, ZAP në partneritet me Zyrën Kombëtare të Auditimit të Suedisë, dhe disa Institucione Supreme të Auditimit në rajon, është në proces të zhvillimit të një skeme të zhvillimit profesional dhe certifikimit edhe për auditorët e performancës.

Në muajin maj të këtij viti Komisioni Evropian publikoi një raport duke theksuar se aplikimi i standardeve të kontabilitetit të sektorit publik (të bazuara në parimin akrual) brenda BE-së do të ketë efekt "të madh" në secilin shtet anëtarë, dhe se janë duke u bërë përgatitjet e nevojshme për implementimin e standardeve ndërkombëtare të kontabilitetit të sektorit publik të cilat janë të bazuara në IPSAS. Prandaj, programi i ri i certifikimit i dizajnuar nga ZAP së  bashku me ShKCAK është plotësisht në linjë me zhvillimet e fundit në Evropë dhe më gjerë sa i përket profesionit të kontabilitet dhe auditimit.

Tanimë ka filluar edhe implementimi i kësaj skeme dhe grupi i parë i ZAP ka filluar trajnimet sipas skemës së re. Në të njëjtën kohë ka filluar edhe muaji i trajnimeve që përmban tema të ndryshme të fazës përgatitore dhe atyre të edukimit të vazhdueshëm profesional. 

Në datat 3,4 dhe 5 korrik, në Ohër të Maqedonisë, Zyra e Auditorit të Përgjithshëm mbajti Konferencën e Pestë Vjetore, një ngjarje me rëndësi kjo për të festuar arritjet dhe për të analizuar më thellësisht se si të përmirësohemi tutje.  

Miqtë dhe partnerët tanë nga Kontrolli i Lartë i Shtetit (KLSH), anëtarët e Komisionit për Mbikëqyrjen e Financave Publike (KMFP) nga Kuvendi i Kosovës, përfaqësues nga Zyra Kombëtare e Auditimit të Suedisë dhe Zyra Kombëtare e Auditimit të Britanisë së Madhe si dhe përfaqësues nga Shoqata e Kontabilistëve të Çertifikuar dhe Auditorëve të Kosovës (SHKÇAK), na nderuan me pjesë marrjen dhe kontributin e tyre gjatë punimeve të konferencës. 

Sesione në grupe punuese dhe plenumet e zhvilluara shërbyen si një forum për ndërveprim dhe siguruan një platformë për të gjithë anëtarët e stafit që të prezantojnë pikëpamjet e tyre lidhur me zhvillimin e ZAP në një perspektivë strategjike dhe taktike, mësimet e mësuara nga sezoni që shkoi dhe mundësitë për inovacione. 

Auditori i Përgjithshëm Z. Lage Olofsson në fjalën e tij drejtuar të pranishmëve tha “Shikuar në një përspektivë afatgjate nga tani deri në vitin 2020, për deri kur duhet të jetë edhe strategjia jonë zhvillimore,  kemi një bazë të mirë për të ardhmen dhe ku dëshirojmë të jemi në të ardhmen. Unë po shoh një Institucion Suprem Auditimi që funksionon totalisht në përputhje me Standardet Ndërkombëtare të Auditimit dhe praktikat e mira. Një Institucion Suprem Auditimi që punon për të gjithë qytetarët e Kosovës dhe i kontribuon transparencës dhe qeverisjes së mirë. 

Ne po kontribuojmë në agjendën e Kosovës drejt Bashkimit Evropian  dhe po luajmë një rol aktiv në sferën ndërkombëtare duke qenë më të mirët në regjion. 

Por është me rëndësi të kuptojmë se ne nuk mund të largohemi shumë nga administrata publike, duhet të mbajmë distancën e duhur në mënyrë që t’i ndihmojmë atyre në rrugën e qeverisjes së mirë. Nëse ne duam të kemi sukses, anwtarwt e stafit tonë duhet të jenë të aftë, komunikues, të përkushtuar, kurioz, konkurrues dhe cilësor. ” 

Në ditën e dytë të konferencës Kryetari i KMFP-së, Z. Ali Sadriu shpalosi para të pranishmëve pritshmërinë nga ana e komisionit dhe prezantoi situatën aktuale të shqyrtimit të raporteve të auditimit në komision.  

Kryetari KLSH-së, Z. Bujar Leskaj, në fjalimin e tij paraqiti zhvillimet aktuale në Institucionin Suprem të Auditimit të Shqipërisë dhe punët në proces. 

Bashkëpunimi në mes të ZAP-së dhe SHKÇAK-së dhe si dhe zhvillimi i Skemës së re të Certifikimit, u prezantua nga Znj. Ardiana Bunjaku, drejtore ekzekutive e SHKÇAK-së. 

Pikëpamjet lidhur me “Vlerësimet e Jashtme; Perceptimet e jashtme dhe të brendshme dhe të priturat nga ZAP”, u prezantua nga Marcus Popellwell ekspert nga Zyra Kombëtare e Auditimit të Britanisë së Madhe. 

Ndërsa David Golsworthy, Udhëheqës i Projektit të Binjakëzimit “Mbështetje e mëtutjeshme për ZAP-në” mbajti prezantimin lidhur me “Zhvillimet nëpër Institucionet Supreme të Auditimit, qasjet dhe sfidat e përbashkëta”.

Diskutimet e zhvilluara do të analizohen duke u konsideruar si një bazë për përpilimin e Strategjisë Zhvillimore Korporative 2013-2020 të Zyrës dhe planifikimit tonë për sezonin e ardhshëm. 

Presidenti i Shqipërisë, Z. Bujar Nishani, do të dekorojë Auditorin e Përgjithshëm me 

“Medaljen e Mirënjohjes”.

Ceremonia e dekorimit do të zhvillohet me 4 qershor, në Presidencën e Shtetit të Shqipërisë ku të pranishëm do të jenë edhe përfaqësues nga institucioni i Kontrollit të Lartë të Shtetit. 

Auditori i Përgjithshëm ka publikuar Raportin e tij Vjetor të Performancës për vitin 2012 i cili është dorëzuar në Kuvendin e Kosovës më 30 Prill. Ky raport përqendrohet në mënyrën se si Auditori i Përgjithshëm ka shfrytëzuar burimet e besuara, mundëson krahasimin me dy vitet e mëparshme buxhetore dhe tregon hapat që do të ndërmerren për të adresuar sfidat e hasura. 

Ky raport nxjerr në pah rezultatet e arritura gjatë vitit 2012 si në cilësi dhe mbulim të auditimit e poashtu edhe në ngritje dhe zhvillim të kapaciteteve. Veç kësaj Auditori i Përgjithshëm paraqet fokusin e ardhshëm që do të qojë drejt krijimit të një institucioni publik të auditimit të jashtëm që zbaton plotësisht dhe në mënyrë të qëndrueshme standardet e auditimit të pranuara ndërkombtarisht për sektorin publik dhe praktikat e mira Evropiane.  

Raporti përmban edhe opinionin e Auditorit të Pavarur për Pasqyrat Vjetore Financiare të ZAP-së për vitin 2012. Auditori i jashtëm ka konsideruar pasqyrat vjetore financiare janë të prezantuara drejtë në të gjitha aspektet materiale.  

Raporti është publikuar në faqen elektronike të ZAP-it www.oag-rks.org dhe është i hapur për komentet tuaja. 

Nën organizimin e Iniciativës për Zhvillim të ONISA (Organizata Ndërkombëtare e Institucioneve Supreme të Auditimit) në Sarajevë ka filluar punimet punëtoria “Programi global i menaxhimit të 3i” në të cilën po merr pjesë edhe Auditori i Përgjithshëm i Kosovës, Lage Olofsson. Kjo iniciativë ka lansuar programin zhvillimi i kapaciteteve krahasuese të quajtur Iniciativa për implementim (programi 3i) që do të mbështesë vendet në zhvillim në implementimin e nivelit 2 dhe 4 të SNISA (ISSAI)

Kjo punëtori është paraparë për Menaxhmentin e lartë të Institucioneve Supreme të Auditimit (ISA) dhe synon: 

• Ngritjen e vetëdijesimit mbi çështjet që lidhen me zbatimin e SNISA;
• Ofrimin e një platforme për shkëmbimin e përvojave në lidhje me zbatimin e SNISA;
• Të kujdeset për diskutimet mbi çështjet strategjike për zbatim si dhe rreziqet dhe sfidat;
• Prezantimin e mjeteve të SNISA-ve për vlerësimin e pajtueshmërisë (MVP); dhe 
• Angazhimin për zbatimin e  MVP-ve në institucionet supreme të auditimit si dhe diskutimin rreth tyre. 

Punimet do të zhvillohen nga sot 11 deri me 13 mars. Pjesëmarrëse do të jenë Kosova, Shqipëria, Armenia, Azerbajxhani, Bjellorusia, Bosnja dhe Hercegovina, Maqedonia, Gjeorgjia, Kazakistani, Moldavia, Mali i Zi, Serbia, Turqia dhe Ukraina.