ZKA

27/02/2017

Ngritja e kapaciteteve të zyrave të auditorit të brendshëm për monitorim, vlerësim dhe këshillim

Me datë 23 shkurt 2017, Auditori i Përgjithshëm, Besnik Osmani, mori pjesë në punëtorinë "Ngritja e kapaciteteve të zyrave të auditorit të brendshëm për monitorim, vlerësim dhe këshillim", organizuar nga Instituti Kosovar për Qeverisje Lokale. Me këtë rast, z. Osmani, ka përshëndetur organizatorët dhe ka vlerësuar se punëtori të tilla janë të një rëndësie të veçantë. Ai ka folur për rëndësinë e auditimit të brendshëm në menaxhimin e financave publike dhe ka theksuar në mënyrë të veçantë specifikat për ngritjen e kapaciteteve në këtë fushë. Auditori i brendshëm mund të ndihmojë që të merren vendime më të mira dhe janë instrument kyç që ndihmon që punët të kryhet në mënyrë efektive dhe profesionale, tha z. Osmani. Ndër të tjera ai ka theksuar edhe sfidat me të cilat përballen auditorët e brendshëm si dhe rëndësinë e bashkëpunimit në mes të auditimit të brendshëm dhe të jashtëm me qëllim të rritjes së efikasitetit dhe zvogëlimit të kostove në sektorin publik. Ardiana Sahiti, Drejtore e Njësisë së Auditimit të Brendshëm në Zyrën Kombëtare të Auditimit, gjithashtu ka prezantuar mbi Standardet Ndërkombëtare për Praktikën Profesionale të Auditimit të Brendshëm (Standardet). Znj. Sahiti duke bërë një krahasim mes Kornizës së vjetër Ndërkombëtare të Praktikës Profesionale me atë të renë, tregojë se sa ka ndryshuar dhe se si është përmirësuar korniza e re e cila i kishte paraprirë edhe azhurnimit të Standardeve. Ajo i njoftoi të pranishmit lidhur me karakteristikat dhe rolin e Standardeve në aktivitetet e auditimit të brendshëm si dhe ndryshimet të cilat kanë hyrë në fuqi nga Janari 2017.

Lexo më shumë

15/02/2017

Fondi Zhvillimor

Zyra e Kombëtare e Auditimit ka publikuar raportin e auditimit të pajtueshmërisë dhe performancës për "Fondin Zhvillimor".

Marrëveshja e Brukselit për Mbledhjen e të hyrave Doganore ka paraparë themelimin e Fondit Zhvillimor. Sipas marrëveshjes, ky Fond, ka për qëllim promovimin e zhvillimit social - ekonomik dhe përfitimin e popullatës vendore në Komunat: Mitrovicë e Veriut, Zveçan, Zubin Potok dhe Leposaviq. Termet e Referencës kishin paraparë që përmes Fondit të financohen projektet e ndërlidhura me ndërtimin dhe mirëmbajtjen e infrastrukturës publike (rrugë, shkolla, spitale etj.), mbështetje të bizneseve, fermerëve dhe shoqërisë civile, promovimin e të drejtave, edukimin, qasja në kujdesin shëndetësor dhe transport. Ky auditim ka përfshirë periudhën që nga themelimi i Fondit në vitin 2013 deri në shtator 2016. Qëllimi i auditimit ishte që palëve të interesit të ju ofrojmë një vlerësim lidhur me menaxhimin e projekteve të financuara me mjetet e Fondit dhe nëse është arritur qëllimi i synuar me marrëveshje. Auditimi ynë ka identifikuar, që komunat përfituese të Fondit kanë kryer aktivitetet e tyre pjesërisht në pajtim me legjislacionin në fuqi. Realizimi i ulët i buxhetit rreth 14% ?sht? tregues se komunat përfituese nuk ishin efikase n? realizimin e projekteve. Deri në fund të shtatorit të vitit 2016 vetëm 2 nga 21 projekte janë realizuar dhe kanë arritur qëllimin e synuar me këtë fond. M? tutje, mos vendosja e projekteve n? ligjin e buxhetit, tejkalimi i dhënies s? avanseve dhe zotimi i buxhetit pas lidhjes s? kontratave jan? tregues q? kontrollet n? menaxhimin financiar duhet t? përmirësohen. Raporti përmban informata mjaft të rëndësishme për të cilat duhet diskutuar, dhe Zyra Kombëtare e Auditimit ka nxjerrë këtë konkluzion të përgjithshëm: Dogana e Kosov?s ka instaluar nj? sistem funksional p?r mbledhjen e t? hyrave. Megjithatë, mos vendosja e agjentëve doganor në dy pikat e kalimit kufitar dhe plotësimi i dokumentacionit nga oficeri doganor ka rezultuar me konflikt interesi pasi që i njëjti institucion plotëson dhe vlerëson dokumentacionin e zhdoganimit të mallrave. Bordi Menaxhues i Fondit ka kryer funksionin e tij, n? pajtim me marrëveshjen dhe termet e referencës. Megjithat?, zgjedhjet vendore dhe vakumi institucional kishin ndikuar q? shqyrtimi i projekteve t? b?het me vones?. Po ashtu ende nuk është instaluar procesi i raportimit nga Komunat dhe monitorimi i projekteve. Ministria e Financave ka arritur q? t? siguroj parakushte p?r komunat p?r t? lejuar procedimin e pagesave përmes SIMFK, në përjashtim të Komunës së Leposaviqit. Megjithatë, alokimi i buxhetit tek Komuna dhe lejimi i procedimit të pagesave për 14 projekte të cilat nuk ishin pjesë e Ligjit të Buxhetit mbetet shqetësimi kryesor. Më tutje, ndarja buxhetore e Fondit ishte b?r? vet?m n? kategorinë p?r investime kapitale përderisa projektet e aprovuara nga Bordi ishin edhe të natyrës së mallrave dhe shërbimeve dhe subvencioneve. Me qëllim të promovimit të transparencës dhe rritjes së llogaridhënies tek autoritetet përgjegjëse lidhur me menaxhimin e Fondit dhe të përmbushjes së synimeve t? parapara me marrëveshje ne kemi dhënë rekomandimet tona për Fondin Zhvillimor të cilat i gjeni në faqe 23-24 të raportit. Raportin e plotë mund ta lexoni në uebfaqen tonë: www.zka-rks.org

Lexo më shumë

15/02/2017

Administrimi i Programit për Trajtim të Pacientëve Jashtë Institucioneve Shëndetësore Publike

Zyra Kombëtare e Auditimit ka publikuar raportin e auditimit të performancës me titull "Administrimi i Programit për Trajtim të Pacientëve Jashtë Institucioneve Shëndetësore Publike". Për të ndihmuar pacientët në nevojë, të cilëve nuk mund tu ofrohet shërim brenda Institucioneve Shëndetësore Publike, Ministria e Shëndetësisë ka krijuar Programin për Trajtimin e Pacientëve Jashtë Institucioneve Shëndetësore Publike, përmes të cilit subvencionon trajtimin mjekësor brenda dhe jashtë vendit. Për të rregulluar këtë çështje Ministria e Shëndetësisë ka nxjerrë udhëzimin administrativ UA 15/2013. Përmes këtij programi dhe bazuar në UA, sipas mundësive financiare me kompensim nga Buxheti i Republikës së Kosovës, MSH subvencionon trajtimin mjekësor të qytetarëve të Kosovës, të diagnostikuar me sëmundje të cilat nuk mund të trajtohen në Institucionet Publike Shëndetësore. Programi parasheh që qytetarëve tu ofrohet trajtim mjekësor në institucione shëndetësore private në vend dhe në institucione shëndetësore publike dhe private jashtë vendit. Për këtë qëllim, për vitin 2015 ishin alokuar 7.8 mln.€ dhe për vitin 2014 ishin alokuar 7.9 mln.€. Objektivë e jona gjatë auditimit ishte të vlerësohet nëse akterët përgjegjës brenda Ministrisë së Shëndetësisë janë duke e administruar programin në mënyrën e duhur dhe nëse Ministria po përmbush qëllimin për të cilin është krijuar ky program. Gjatë procesit auditues ne kemi konstatuar se: nuk ekziston një bazë e sigurt e të dhënave e cila do të shmangte ndërhyrjet në radhën e aplikimit; Bordi Ekzekutiv nuk evidenton nëse aplikacionet shqyrtohen sipas prioriteteve; nuk ka mënyrë të definuar për të monitoruar rrjedhën e shpenzimit të mjeteve financiare të alokuara për trajtim të pacientëve. Një gjendje e tillë mund të shpie deri te krijimi i borxheve, mjeteve të mbetura në këto klinika si dhe eventualisht shfrytëzimin e mjeteve për qëllime tjera e jo sipas destinimit. Bazuar në të gjeturat e auditimit, ne kemi përfunduar se ka hapësirë dhe mundësi për të përmirësuar mënyrën aktuale të menaxhimit të këtij programi. Ne kemi rekomanduar Ministrinë e Shëndetësisë që në bashkëpunim me akterët tjerë përgjegjës të sigurojë:

Vendosjen e një aplikacioni softverik për regjistrimin, menaxhimin dhe përpunimin e të dhënave të aplikuesve;
Komisioni për Vlerësim Mjekësor pas shqyrtimit të aplikacioneve, të përpiloj dhe zyrtarizoj një listë me emra sipas datës së aplikimit/ shqyrtimit;
Përpilimi i një liste të institucioneve Shëndetësore ku pacientët e kryejnë trajtimin. Lidhur me këtë MSH duhet të vendos një linjë komunikimi me të gjitha këto institucione shëndetësore, ofruese të shërbimeve dhe të zhvillojë forma për të monitoruar rrjedhën e shpenzimit të mjeteve financiare.

Raportin e plotë mund ta lexoni në uebfaqen tonë: www.zka-rks.org

Lexo më shumë

06/02/2017

Zyra Kombëtare e Auditimit të Kosovës merr pjesë në programin e EUROSAI - Takim i auditimit të përbashkët "Cilësia e Ajrit"

Në datat 26 dhe 27 janar 2017, në Krakov të Polonisë, përfaqësues të Zyrës Kombëtare të Auditimit morën pjesë në takimin e parë të programit të auditimit të përbashkët "Cilësia e Ajrit". Ky auditim është paraparë të kryhet në kuadër të aktiviteteve të programit të Organizatës Evropiane të Institucioneve Supreme të Auditimit (EUROSAI) e cila aktualisht përbëhet nga 50 anëtarë. Nikoqir i këtij takimi ishte Institucioni Suprem i Auditimit të Polonisë , ndërsa bashkë me Gjykatën Holandeze të Auditimit janë koordinatorë të këtij auditimi të përbashkët. Në këtë takim u prezantuan auditime të cilësisë së ajrit me përvoja të vendeve të ndryshme si Polonia, Izraeli dhe Spanja. Agjencia Evropiane e Mjedisit gjithashtu prezantoi një raport përmbledhës mbi cilësinë e ajrit në Evropë. Gjykata Evropiane e Auditorëve dhanë kontributin e tyre mbi përcaktimin e kritereve dhe pyetjeve të auditimit. Auditorët e performancës Drilon Shala dhe Labinot Sadiku do të jenë pjesë e këtij auditimi të përbashkët, i cili pritet të finalizohet në tre mujorin e parë të vitit 2018. Për këtë qëllim gjatë takimit u diskutuan edhe afatet kohore të realizimit të auditimeve individuale si dhe kontributi i secilit shtet pjesëmarrës në raportin e përbashkët që pritet të përpilohet në fund të këtij auditimi. Përveç Kosovës, pjesëmarrës ishin përfaqësuesit e Institucioneve Supreme të Auditimit të Shqipërisë, Spanjës, Gjeorgjisë, Bullgarisë, Estonisë, Hungarisë, Izraelit, Maqedonisë, Moldavisë, Rumanisë, Sllovakisë dhe Zvicrës. Tjerë përfaqësues ishin edhe Gjykata Evropiane e Auditorëve dhe Agjencia Evropiane e Mjedisit. Fakti që Zyra Kombëtare e Auditimit të Kosovës merr pjesë në një auditim të përbashkët të organizuar në nivel Evropian është një hap i suksesshëm drejt zhvillimit të mëtutjeshëm të zyrës dhe stafit të saj si dhe krijon mundësinë e krijimit të kontakteve të cilat do të shërbejnë për bashkëpunim të mëtutjeshme.

Lexo më shumë

02/02/2017

Komisioni për Mbikëqyrje të Financave Publike zhvilloi një vizitë pune në Zyrën Kombëtare të Auditimit

Komisioni për Mbikëqyrje të Financave Publike i Kuvendit të Republikës së Kosovës, ka zhvilluar një vizitë pune në Zyrën Kombëtare të Auditimit (ZKA) me qëllim të njohjes më për së afërmi me ambientin e punës së auditorëve të jashtëm si dhe kapacitetet dhe burimet që Zyra Kombëtare e Auditimit ka në dispozicion për të përmbushur detyrat dhe mandatin e vet kushtetues. Auditori i Përgjithshëm, Besnik Osmani, ka informuar anëtarët e Komisionit për aktivitetet audituese në kuadër të realizimit të planit vjetor të auditimit, objektivat strategjike të ZKA-së, zhvillimin e kapaciteteve audituese të ZKA-së si dhe përgatitjet për anëtarësim në organizatat ndërkombëtare të institucioneve supreme të auditimit si ONISA dhe EUROSAI. Z. Osmani ka theksuar edhe një herë që Zyra Kombëtare e Auditimit, përmes auditimeve profesionale, do t'i ofrojë Kuvendit informata të sakta dhe të qarta lidhur me përdorimin e parasë publike nga administrata e shtetit dhe do të ndihmojë Qeverinë në përmirësimin e efikasitetit të ofrimit të shërbimeve publike në nivel kombëtar dhe lokal. Anëtarët e Komisionit për Mbikëqyrje të Financave Publike kanë vlerësuar lartë punën e Zyres Kombëtare të Auditimit dhe kanë përgëzuar auditorët e jashtëm për profesionalizimin që kanë treguar në vazhdimësi. Ata kanë theksuar se puna e Zyrës Kombëtare të Auditimit i ndihmon Kuvendit për të marrë vendime të drejta dhe për të mbajtur Qeverinë llogaridhënëse. Anëtarët e Komisionit kanë shprehur interesimin që të kenë takime më të shpeshta me ZKA-në gjatë këtij viti në mënyrë që të rritet cilësia e punës së Komisionit në rishikimin e raporteve të auditimit dhe në këtë mënyrë të rritet llogaridhënia dhe përgjegjësia në administratën publike. Gjatë takimit u zhvillua diskutim i hapur në mes të anëtarëve të Komisionit dhe menaxhmentit të ZKA-së, me qëllim të intensifikimit të bashkëpunimit, koordinimit të dorëzimit të raporteve të auditimit në Kuvend dhe shqyrtimin e tyre me kohë nga Komisioni.

Lexo më shumë

26/01/2017

Fillojnë trajnimet profesionale të auditorëve në Zyrën Kombëtare të Auditimit

Në kuadër të investimit në edukimin e vazhdueshëm të auditorëve në ZKA kanë filluar trajnimet profesionale, nga data 24 janar deri me 15 shkurt 2017, auditorët e Zyrës Kombëtare të Auditimit do të ndjekin trajnimet profesionale, sipas planit vjetor të trajnimeve. Qëllimi i trajnimeve është freskimi dhe azhurnimi i njohurive dhe zhvillimi i shkathtësive teknike dhe shkathtësive të buta dhe menaxheriale. Përveç tjerash në fokus të trajnimeve do të jetë trajtimi i temave për njohjen e entitetit dhe vlerësimi i rrezikut të vetvetishëm, ndryshimet në bazën ligjore dhe rregullative, kontabiliteti akrual dhe qasja e auditimit të ndërmarrjeve publike si dhe auditimi i pajtueshmërisë dhe materialiteti. Zyra Kombëtare e Auditimit, për nevoja të veta dhe mirëmbajtje të zhvillimit të vazhdueshëm profesional, zhvillon planin vjetor të trajnimeve. Trajnimet realizohen në dy faza, e para gjatë muajve janar - shkurt dhe e dyta korrik - shtator të çdo viti. Përveç trajnerëve vendor, trajnimet mbahen edhe nga ekspertë të Zyrës Kombëtare të Auditimit të Suedisë.

Lexo më shumë

18/01/2017

Banka Botërore jep mbështetje për Zyrën Kombëtare të Auditimit

Banka Botërore ka ndarë grant në shumë prej 198,000 USD, për projektin “Forcimi i kapaciteteve të Zyrës Kombëtare të Auditimit në auditimet e prokurimit”.
Ky projekt do të ofrojë mbështetje financiare në forcimin e kapaciteteve të Zyrës në auditimet për vlerën për paranë dhe auditimet e pajtueshmërisë me fokus në fushën e prokurimit.
Projekti fokus kryesor do të ketë: rishikimin dhe analizimin e dokumenteve kyçe si dhe ligje e rregullore me ndikim në menaxhimin e procesit të prokurimit publik dhe ndikimin e auditimeve të pajtueshmërisë: mentorime në fushën e auditimeve për vlerën për paranë; trajnime dhe mentorim në menaxhimin e cilësisë në auditim dhe një punëtori rajonale në shkëmbimin e njohurive ndërmjet Institucioneve Supreme të Auditimit dhe hisedarëve tjerë për dizajnimin dhe zbatimin e reformave në Menaxhimin e Financave Publike.
Projekti do të zbatohet brenda vitit 2018 sipas një plani të aprovuar nga të dyja palët.

Lexo më shumë

13/01/2017

Ministria e Financave dhe Zyra Kombëtare e Auditimit nënshkruajnë Marrëveshje për bashkëpunim

Ministri i Financave Avdullah Hoti dhe Auditor i Përgjithshëm Besnik Osmani kanë nënshkruar sot Marrëveshjen për bashkëpunim ndërmjet Ministrisë së Financave dhe Zyrës Kombëtare të Auditimit, e cila ka për qëllim të lehtësoj bashkëpunimin dhe bashkërendimin e aktiviteteve të palëve sipas fushë-veprimtarisë së caktuar me qëllim të ofrimit të të dhënave për interesa të përbashkëta. Kjo marrëveshje konfirmon edhe një herë angazhimin e Ministrisë së Financave dhe Zyrës Kombëtare të Auditimit, për thellimin e bashkëpunimit ndër institucional që synon shkëmbimin e të dhënave zyrtare, Zhvillimin e një sistemi modern, funksional dhe efektiv të menaxhimit të financave publike, si dhe rritjen e llogaridhënies së menaxhmentit të organizatave buxhetore përmes rritjes së efikasitetit dhe efektivitetit të aktiviteteve audituese. Përmes kësaj marrëveshje do të krijohet një kuadër i cili do të shtoj vlerën, ndikimin dhe përfitimet e auditimeve të kryera duke u siguruar në të njëjtën kohë që auditimi i brendshëm dhe auditimi i jashtëm të kryhen me përgjegjësi dhe të arrijnë rolet përkatëse. Zyra Kombëtare e Auditimit dhe strukturat përkatëse të Ministrisë së Financave, përmes kësaj marrëveshje marrin përsipër të informojnë reciprokisht njëri-tjetrin mbi rezultatet e arritura në përfundim të misioneve audituese të iniciuara mbi bazën e të dhënave të marruar nga pala tjetër.

Lexo më shumë

15/12/2016

Performanca Financiare në ofrimin e shërbimeve dhe llogaridhënies në nivel lokal

Zyra Kombëtare e Auditimit të Kosovës bashkë me Misionin e Organizatës për Siguri dhe Bashkëpunim në Evropë (OSBE) në Kosovë, sot kanë organizuar punëtorinë për vlerësimin e performancës financiare në ofrimin e shërbimeve dhe llogaridhënies në nivel lokal. Auditori i Përgjithshëm, z. Besnik Osmani, në fjalën e tij në hapje të kësaj punëtorie, foli për procesin e auditimit dhe rëndësinë e diskutimit dhe adresimit të rekomandimeve të dhëna në raportet e auditimit. Ndihmës Auditori i Përgjithshëm, z. Qerkin Morina, në mënyrë të detalizuar ka prezantuar sfidat kryesore të raportimit financiar, sfidat buxhetore dhe sfidat e prokurimit publik me të cilat janë përballur komunat gjatë vitit 2015. Pjesë e trajtimit ishin edhe opinionet e auditimit dhe niveli i zbatimit të rekomandimeve në vitet paraprake. Përveç kësaj, në mënyrë analitike janë prezantuar edhe treguesit kyç të performancës financiare nga tetë fushat kryesore: Investimet kapitale, Të hyrat vetjake, Shpenzimet e reprezentacionit, telefonisë dhe derivateve, Donacionet e jashtme, Kontratat për shërbime të veçanta, Detyrimet e pa paguara dhe Llogaritë e arkëtueshme, Lejet ndërtimore dhe Subvencionimi i studentëve. Krahas gjetjeve të auditimit për vitin 2015, janë dhënë edhe rekomandimet adekuate për masa përmirësuese në vitet e ardhme Kjo punëtori ka për qëllim diskutimin e çështjeve që ndërlidhen me funksionimin e institucioneve komunale, performancën e tyre financiare dhe llogaridhënien ndaj qytetarëve, me fokus të veçantë zbatimin e rekomandimeve që dalin nga raportet e auditimit për komunat. Në këtë punëtori, përfaqësues të pushtetit lokal dhe atij qendror si dhe të Asociacionit të Komunave dhe Ministrisë së Administrimit të Pushtetit Lokal, patën rastin të diskutojnë për përparimin e shënuar dhe sfidat me të cilat ballafaqohen Komunat.

Lexo më shumë

14/12/2016

Auditori i Përgjithshëm i Kosovës priti sot në takim Ambasadorin e Norvegjisë në Kosovë

Auditori i Përgjithshëm i Kosovës, z. Besnik Osmani, ka pritur në takim njoftues, Shkëlqesinë e tij z. Per Strand Sjaastad, Ambasador i Norvegjisë në Kosovë.

Auditori i Përgjithshëm e ka informuar ambasadorin Sjaastad, me aktivitetet audituese si dhe objektivat e tij strategjike, të Zyrës Kombëtare të Auditimit, në funksion të përmirësimit të vazhdueshëm të qeverisjes dhe llogaridhënies në institucionet publike të Kosovës. . Po ashtu, z. Osmani e ka uruar Ambasadorin për detyrën e marrë dhe i ka shprehur vullnetin dhe dëshirën për të vazhduar bashkëpunimin.

Ambasadori Sjaastad, ka shprehur gatishmërinë e tij dhe vendit të tij, për të përkrahur Auditorin e Përgjithshëm dhe Zyrën Kombëtare të Auditimit. Ai ka theksuar përkushtimin që Qeveria e Norvegjisë ka në mbështetjen e Kosovës në sigurimin e qeverisjes së mirë dhe forcimin e mëtutjeshëm të menaxhimit të mirë dhe kontrollit të financave publike.

Lexo më shumë

11/12/2016

Përfundon punimet Kongresi i 22-të i ONISA-s në të cilin për herë të parë mori pjesë edhe Zyra Kombëtare e Auditimit e Kosovës

Dr. Harib Saeed Al Amimi dhe Z. Besnik Osmani

Auditori i Përgjithshëm i Kosovës, Besnik Osmani, me bashkëpunëtorë, mori pjesë në punimet e Kongresit të 22-të të Organizatës Ndërkombëtare të Institucioneve Supreme të Auditimit (ONISA). Kongresi i 22-të i ONISA-s u mbajt në Abu Dhabi të Emirateve të Bashkuara Arabe nga data 7-11 dhjetor 2016. Tema kryesore e këtij Kongresi ishte: "Si Organizata Ndërkombëtare e Institucioneve Supreme të Auditimit mund të kontribuojë në agjendën e OKB-së 2030 për zhvillim të qëndrueshëm, qeverisje të mirë dhe forcimin e luftës kundër korrupsionit?".

Kongresi mori një sërë vendimesh, miratoi plotësim-ndryshimin e një numri standardesh të auditimit, zgjodhi kryetarin dhe anëtarët e Bordit drejtues si dhe miratoi Deklaratën e Abu Dhabit.

Gjatë zhvillimit të punimeve të Kongresit, Auditori i Përgjithshëm i Kosovës, z. Osmani ka zhvilluar takime me drejtues të ONISA-s dhe homologë nga vende të ndryshme të botës. Me këtë rast ai takoi kryetarin e ri të Bordit drejtues të ONISA-s Dr. Harib Saeed Al Amimi, i cili është njëkohësisht edhe President i Institucionit Shtetëror të Auditimit të Emirateve të Bashkuara Arabe, Sekretaren e përgjithshme të ONISA-s Dr. Margit Kraker, njëkohësisht edhe Presidente e Gjykatës së Auditorëve të Republikës së Austrisë, anëtarin e Bordit drejtues të ONISA-s, z. Krzysztof Kwiatkowski, njëkohësisht edhe President i Zyrës Supreme të Auditimit të Polonisë, Presidentin e Gjykatës Evropiane të Auditorëve, z. Klaus-Heiner Lehne, ish-Presidentin e Gjykatës Evropiane të Auditorëve dhe Presidentin e Gjykatës së Auditorëve të Portugalisë, z. Vitor Caldeira, Drejtorin e përgjithshëm të Iniciativës për Zhvillim të ONISA-s, z. Einar Gorrissen, Presidentin e Zyrës Shtetërore të Auditimit të Hungarisë z. László Domokos, Kryetarin e Këshillit të Lartë Shtetëror të Shqipërisë, z. Bujar Leskaj, Zëvendës Auditorin e Përgjithshëm të Suedisë, z. Magnus Lindell.

Gjatë këtyre takimeve z. Osmani ka biseduar për mundësitë e bashkëpunimit dhe shkëmbimin e përvojave specifike bilaterale me organizatat simotra si dhe për përfshirjen e Zyres Kombëtare të Auditimit në aktivitetet e ONISA-s, programet e Iniciativës për Zhvillim të ONISA-s, si dhe projektet e Gjykatës Evropiane të Auditorëve. Në këto takime, bashkëbiseduesit e z. Osmani kanë treguar një gatishmëri të plotë për të ndihmuar Zyrën Kombëtare të Auditimit që të integrohet në projekte të rëndësishme ndërkombëtare në fushën e auditimit.

Kjo është hera e parë që Zyra Kombëtare e Auditimit merr pjesë në një Kongres të ONISA-s, anëtare e së cilës aspiron të bëhet në të ardhmen. ONISA është një organizatë autonome, e pavarur dhe jo-politike me status special konsultativ në Këshillin Ekonomik dhe Social të Kombeve të Bashkuara dhe përfaqëson 194 institucione supreme të auditimit nga mbarë bota. Sekretariati i përgjithshëm i ONISA-s ka selinë në Vjenë.

Lexo më shumë

07/12/2016

Qëndrueshmëria e masave kombëtare për mbrojtjen e mjedisit

Zyra e Kombëtare e Auditimit ka publikuar raportin e auditimit të performancës "Qëndrueshmëria e masave kombëtare për mbrojtjen e mjedisit" Ky auditim ka për qëllim rritjen e interesimit publik për rëndësinë e mjedisit jetësor.

Mjedisi i sigurt jetësor dhe mbrojtja e tij, janë çështje vendimtare për shëndetin e qytetarëve dhe zhvillimin e ekonomik të vendit. Subjekt i auditimit tonë është qëndrueshmëria e zbatimit efektiv të masave të vendosura në dokumentin e Planit Kombëtar për Veprim në Mjedis. Ne jemi përqendruar në sfidat e implementimit të masave nga Ministria e Mjedisit dhe Planifikimit Hapësinor, me rolin udhëheqës që ka ajo në raport me objektivat e përcaktuara në Planin Kombëtar për Veprim në Mjedis. Indikacionet tregojnë se mundësitë dhe kapacitetet aktuale që Kosova ka për t'i adresuar sfidat mjedisore janë të kufizuara dhe duhet qasje sistematike institucionale ndaj këtyre çështjeve. Rekomandimi kryesor i dh?n? n? k?t? auditim dhe cili duhet të përmbushet brenda një viti ?sht?: Të rishikohen masat e përcaktuara në Planin Kombëtar për Veprim në Mjedis mbi një analizë reale, duke përcaktuar objektiva reale dhe të arritshme. Me qëllim të përmirësimit të mëtejshëm të kost - efektivitetit të politikave në mbrojtjen e mjedisit, ne kemi dhënë edhe 5 rekomandime tjera për tu adresuar sipas një plani afatmesëm 1-3 vjet (shih kap. 6). Raportin e plotë mund ta lexoni në faqen tonë të internetit: www.zka-rks.org

Lexo më shumë

Lajmet