Lajmet

Me mbështetjen e UN Women, me 16 dhe 17 tetor në Prishtinë u mbajt takimi i radhës për auditimin paralel “Barazia gjinore dhe fuqizimi i grave nga zonat rurale përmes përfshirjes së tyre në tregun e punës” ndërmjet Zyrës Kombëtare të Auditimit të Kosovës, Kontrollit të Lartë të Shtetit të Shqipërisë dhe Entit Shtetëror të Revizionit të Maqedonisë së Veriut.

Takim pati për qëllim prezantimin dhe diskutimin e gjetjeve preliminare nga secili Institucion Suprem i Auditimit dhe dakordimin për bashkëpunim e mëtutjeshëm deri në finalizimin e raportit të auditimit.

Në Kosovë më 16 tetor u shënua Dita Ndërkombëtare e Gruas Rurale dhe Dita Ndërkombëtare e Ushqimit ku u theksua roli i grave nga zonat rurale në shoqërinë tonë. Auditorët shfrytëzuan këtë mundësi për të vizituar panairin e ushqimit të grave nga zonat rurale të mbështetur nga UN Women.

Auditorja e Përgjithshme e Kosovës znj. Vlora Spanca priti në takim Drejtorin e ri të Zyrës së Demokracisë dhe Qeverisjes në USAID, z. Noel Bauer, shoqëruar nga Specialisti për Qeverisje dhe Administratë Publike nga zyra e njëjtë, z. Jeton Cana. Të pranishëm ishin edhe Zëvendës Auditori i Përgjithshëm z. Bezad Halilaj, Ndihmës Auditorja e Përgjithshme znj. Myrvete Gashi-Morina, Ud. Drejtoresha e Departamentit për Çështje Juridike dhe kundër Mashtrimeve znj. Natyra Kasumaj-Ahmeti dhe Udhëheqësja e Kabinetit znj. Shqipe Cavdarbasha.

Me të falënderuar përfaqësuesit e USAID-it për përkrahjen e vazhdueshme dhënë Zyrës Kombëtare të Auditimit që nga viti 2018, znj. Spanca iu referua vizionit të institucionit që ajo drejton, të rikonfirmuar nga Barometri i Ballkanit si dhe nga Rishikimi Kolegial i ZKA-së, bazuar në pritshmëritë e Kornizës së Praktikave Profesionale të INTOSAI-t dhe praktikës së mirë evropiane, kryer nga SIGMA, në vazhdimësi si institucion të besueshëm të auditimit që përmirëson qeverisjen në sektorin publik, duke fuqizuar llogaridhënien në administratë publike për përdorim efektiv, efikas dhe ekonomik të burimeve kombëtare.

Të pranishmit në takim diskutuan edhe bashkëpunimin e mëtutjeshëm, prioritetet dhe sfidat që has ZKA-ja. “Ne vazhdojmë të synojmë ngritjen e bashkëpunimit me institucionet e tjera përkatëse dhe fuqizimin e institucionit tonë, duke ngritur kapacitetet tona jo vetëm sa i përket mekanizmave kundër mashtrimit dhe korrupsionit, por edhe fuqizimit të departamentit ligjor përmes shtimit të stafit të kualifikuar” tha znj. Spanca, duke pranuar afirmimin e të pranishmëve për nevojën për ngritjen e bashkëpunimit dhe gjetjes së modaliteteve të mëtejme përgjatë muajve të ardhshëm.

Përfaqësuesit e Zyrës Kombëtare të Auditimit të Kosovës, Ariana Gjonbalaj, Fatlinda Ramosaj dhe Samir Zymberi ndoqën trajnimin e organizuar nga Zyra Kombëtare e Auditimit të Suedisë, mbi fuqizimin e fasilitimit nga 2-5 tetor në Stokholm të Suedisë.

Auditorët nga Institucionet Supreme të Auditimit të Suedisë dhe Kosovës diskutuan sfidat që mund të paraqiten si dhe praktikat e mira për tejkalimin e tyre me qëllimin e ngritjen së njohurive dhe ndarjes së përvojave të fasilitimit si mjet fuqizimi.

Pjesëmarrësit vlerësuan se procesi i fasilitimit luan rol kyç brenda Institucioneve Supreme të Auditimit pasi që rritë efektivitetin e procesit të auditimit dhe kontribuon në suksesin e përgjithshëm të institucionit, në komunikim dhe bashkëpunim më të qartë dhe më të lehtë në mes ekipeve të auditimit, institucioneve nën auditim dhe palëve të tjera të interesit.

Gjatë qëndrimit në Stokholm, auditorët nga Departamenti i Performancës  në ZKA u pritën në takime nga kolegët e Zyrës Kombëtare të Auditimit të Suedisë me ç’rast shkëmbyen njohuritë dhe përvojat në organizimin e kontrollit të cilësisë dhe procesin e auditimit të performancës.

Auditorja e Përgjithshme e Republikës së Kosovës, Vlora Spanca, priti në takime të veçanta Presidentin e  Gjykatës Portugeze të Auditimit, Jose F.F Tavares, Presidentin e Gjykatës së Llogarive Turke, Metin Yener, Auditoren e Përgjithshme të Suedisë, Helena Lindberg, si dhe Zëvendës Auditoren e Përgjithshme të Kroacisë, Nediljka Rogosic.

Auditorja e Përgjithshme falënderoi mysafirët për pjesëmarrjen në aktivitetet e shënimit të 20-vjetorit të Zyrës Kombëtare të Auditimit si dhe për bashkëpunimin e deritanishëm.

Znj. Spanca shprehu përkushtimin për të forcuar më tutje bashkëpunimin me institucionet simotra me qëllim që të shkëmbehen praktikat më të mira të cilat mundësojnë avancimin e njohurive dhe rritjen e rezultateve në punën audituese.

Ajo tha se qëllimi i çdo Institucioni Suprem të Auditimit është që të ndikoj në  përmirësimin e menaxhimit të parasë publike duke ndikuar kështu në rritjen e transparencës dhe llogaridhënies në sektorin publik.

Mysafirët falënderuan znj. Spanca për mikpritjen si dhe përgëzuan për shënimin e 20-vjetorit të ZKA-së dhe arritjet institucionale.

Drejtuesit e Institucioneve Supreme të Auditimit të Portugalisë, Turqisë, Suedisë dhe Kroacisë thanë se ZKA-ja duhet ta ruaj imazhin e krijuar si dhe të  vazhdoi të punoi për të mirën e përgjithshme në vend dhe po ashtu të jap kontributin e saj në forume dhe iniciativa të ndryshme rajonale e botërore.

Në kuadër të këtyre takimeve u diskutua edhe për sfidat dhe adresimin e tyre si dhe për bashkëpunimin në kuadër të EUROSAI-t dhe INTOSAI-t.

Këto takime u realizuan në kuadër të shënimit të 20-vjetorit të Zyrës Kombëtare të Auditimit të Republikës së Kosovës.

Në vazhdën e aktiviteteve për shënimin e 20-vjetorit, Zyra Kombëtare e Auditimit e Republikës së Kosovës, të enjten mbajti Konferencën Tematike Ndërkombëtare “Roli i Institucioneve Supreme të Auditimit në të mirë të qytetarëve”. Pjesëmarrës në Konferencë ishin përfaqësues të lartë nga Institucionet Supreme të Auditimit nga Suedia, Portugalia, Turqia, Shqipëria, Maqedonia e Veriut, Mali i Zi, Italia, Kroacia dhe Çekia. Po ashtu pjesëmarrës ishin edhe ish Auditorët e Përgjithshëm të Kosovës, përfaqësuesit e  institucioneve publike të Kosovës, përfaqësues nga organizatave ndërkombëtare dhe donatorë.

Auditorja e Përgjithshme, Vlora Spanca, hapi punimet e konferencës, duke falënderuar të pranishmit për pjesëmarrjen në këtë aktivitet të rëndësishëm dhe bashkëpunimin e deritanishëm.

Ajo tha se përmes këtyre bashkëpunimeve, sigurohet konsistenca dhe krahasueshmëria e praktikave të auditimit dhe rritet cilësia e auditimeve.

“Auditimi është një proces sfidues, por pavarësisht vështirësive, ai sjell vlerë thelbësore që fondet publike të administrohen në dobi të qytetarëve e me këtë edhe rrit besimin e publikut në ata që i administrojnë fondet e besuara”, deklaroi znj. Spanca.

Për të siguruar që auditimet i shërbejnë interesave më të mira të qytetarëve, kemi ndërtuar një mekanizëm efektiv të dialogut si me komisionet parlamentare, shoqërinë civile dhe qytetarët.

Komunikimi dhe Bashkëpunimi i vazhdueshëm me palët e ndryshme të interesit konfirmojnë përkushtimin tonë të palëkundur për të rritur llogaridhënien dhe për të nxitur transparencën në Kosovës.

“Derisa festojmë këtë moment historik dhe mendojmë për rolin e Institucioneve Supreme të Auditimit kujtojmë se detyra jonë shtrihet përtej shqyrtimit të thjeshtë financiar. Ne jemi gardianët e llogaridhënies,  transparencës dhe mbrojtësit e fondeve publike. Puna jonë ka një ndikim të thellë në jetët e miliona njerëzve dhe ne duhet të vazhdojmë të mbajmë standardet më të larta”, deklaroi Auditorja e Përgjithshme, Vlora Spanca.

Auditorja e Përgjithshme e Suedisë, Helena Lindberg, tha se është e nderuar dhe krenare të jetë në shënimin e 20-vjetorit të Zyrës Kombëtare të Auditimit të Kosovës. Ajo tha se prej që ka marr mandatin e Auditorës së Përgjithshme në vitin 2016 ka pasur mundësinë të ndjek zhvillimin e vazhdueshëm të ZKA-së drejt një institucioni të besueshëm i cili kryen auditime të cilësisë së lartë dhe kontribuon në transparencën dhe llogaridhënien në shoqërinë e Kosovës.

Presidenti i Gjykatës Portugeze të Auditimit, Jose F.F Tavares, tha se ky përvjetor është shumë i rëndësishëm dhe Zyra Kombëtare e Auditimit të Kosovës ka një të ardhme të madhe. Ai tha se ZKA-ja është një institucion i fortë dhe i besueshëm. Tavares, përgëzojë ZKA-në për punën e deritanishme dhe 20-vjetorin e themelimit.

Anëtari i Senatit të Institucionit Shtetëror të Auditimit të Malit të Zi, Milan Dabović, uroj ZKA-në për shënimin e këtij përvjetori jubilar duke thënë se puna e suksesshme duhet të vazhdoj edhe në të ardhmen.

Edhe Auditor i Përgjithshëm i Shteteve të Bashkuara të Amerikës, Gene L Dodaro, përmes një video-mesazhi e uroi ZKA-në dhe Kosovën për këtë përvjetor dhe arritjet e deritanishme.  Dodaro tha se edhe në të ardhmen  bashkëpunimi me ZKA-në nuk do të mungojë.

Po ashtu edhe Drejtori i Përgjithshëm i Iniciativës për Zhvillim  Einar Gorrissen përmes një video mesazhi uroi ZKA-në për 20-vjetorin e themelimit dhe vlerësoj se angazhimi i ZKA-së në iniciativat ndërkombëtare tregon për maturinë e arritur të institucionit.

Konferenca tematike “Roli i Institucioneve Supreme të Auditimit në të mirë të qytetarëve” zhvilloi punimet në dy panele.

Në panelin e parë u diskutua për temën “Ndikimi i auditimit në përmirësimin e menaxhimit të financave publike” nga panelistët: Bezad Halilaj – Zëvendës Auditor i Përgjithshëm i Kosovës, Jose F.F Tavares – President i Gjykatës Portugeze të Auditimit, Daniel Reisigle – Anëtari i Bordit, Zyra e Lartë e Auditimit e Republikës Çeke,  Eşref Edip Çiçekli – Udhëheqësi i Departamentit për Marrëdhënie Ndërkombëtare në Gjykatën Turke të Llogarive, dhe Qeram Cibaku – Drejtor Departamenti në Kontrollin e Lartë të Shtetit të Shqipërisë dhe u moderua nga Alastair Swarbrick – Këshilltar i Lartë për Politika dhe ish Auditor i Përgjithshëm në Ishujt Kajman.

Në panelin e dytë u diskutua për temën “Përfitimet e dixhitalizimit dhe Auditimi i Teknologjisë së Informacionit” nga panelistët: Helena Lindberg –  Auditorja e Përgjithshme e Suedisë, Inguna Sudraba – Eksperte e SIGMA-s dhe ish Auditore e Përgjithshme e Republikës së Letonisë, Nysret Koca – U.D Drejtori i Thesarit, Vlora Nushi – Udhëheqëse e Zyrës së UN Women në Kosovë, Erald Kojku –  Auditori Senior në Kontrollin e Lartë të Shtetit të Shqipërisë, si dhe Myrvete Gashi-Morina – Ndihmës Auditore  e Përgjithshme e Kosovës i moderuar nga Valon Canhasi – Udhëheqësi i Agjencisë së Rrjeteve Sociale “Hallakate”.

Të mërkurën në Prishtinë u mbajt seminari për auditimet e pajtueshmërisë i organizuar nga Zyra Kombëtare e Auditimit të Kosovës me mbështetjen e SIGMA-s në kuadër të Rrjetit të vendeve kandidate dhe kandidate të mundshme për anëtarësim në Bashkimin Evropian. Seminari u mbajt në kuadër të shënimit të 20-vjetorit të ZKA-së.

Seminari mblodhi përfaqësues të Institucioneve Supreme të Auditimit nga vendet anëtare të Rrjetit, si: Shqipëria, Maqedonia e Veriut, Mali i Zi, Bosnja dhe Hercegovina, si dhe përfaqësues të SIGMA-së dhe të Zyrës Kombëtare të Auditimit të Suedisë dhe asaj të Kosovës.

Hapjen e seminarit e bëri Auditorja e Përgjithshme e Kosovës, Vlora Spanca, e cila falënderojë të pranishmit për pjesëmarrje duke thënë se mbajtja e këtij seminari është me interes të veçantë për vendet tona dhe ka për qëllim shkëmbimin e përvojave të Institucioneve Supreme të Auditimit dhe avancimin e metodologjisë në fushën e auditimit të pajtueshmërisë. Gjithashtu seminar do të ndikojë në rritjen e cilësisë së punës audituese.

Znj. Spanca rikujtojë se në takimin e Rrjetit të Institucioneve Supreme të Auditimit të vendeve kandidate dhe kandidate të mundshme për anëtarësim në Bashkimin Evropian të mbajtur në Paris vitin e kaluar ka theksuar nevojën për bashkëpunim në nivel rajonal dhe ndërkombëtarë, si dhe prioritetet strategjike të ISA-ve, në mënyrë që të sigurohet që Rrjeti të vazhdojë t’u shtojë vlerë anëtarëve të tij dhe të lehtësojë forcimin e mëtejshëm në respektimin e standardeve ndërkombëtare.

Auditorja e Përgjithshme, Vlora Spanca, tha se përderisa auditimi financiar është zhvilluar mire dhe i përkrahur nga standarde dhe udhëzime të hollësishme, nevoja për zhvillimin e mëtutjeshëm dhe për të adresuar sfidat në auditimin e pajtueshmërisë është më së i nevojshëm.

Zëvendës Auditori i Përgjithshëm, Bezad Halilaj, tha se auditimet e pajtueshmërisë shtojnë vlerë në qeverisjen në përgjithësi, dhe ndikojnë drejtpërdrejt në mbrojtjen e burimeve publike dhe në këtë mënyrë rrisin besimin e publikut. “Përmes këtyre auditimeve kemi arritur të ndikojmë që të rritet niveli i besueshmërisë së përdoruesve të synuar të pasqyrave financiare, realizimi i projekteve në kohën e duhur dhe me standardet e kërkuara me kornizën rregullative si dhe përdorimin e fondeve publike në pajtueshmëri me autoritetet”, tha Halilaj.

Më tutje pjesëmarrësit prezantuan praktikat e vendeve të tyre sa i përket auditimeve të pajtueshmërisë. Përvojën e Letonisë e prezantoi Inguna Sudraba – Eksperte, ish deputete në Parlamentin e Republikës së Letonisë  dhe ish Auditore e Përgjithshme në Republikën e Letonisë. Drejtori i auditimit Andres Herjevik përmes platformës online prezantojë përvojën e Zyrës Kombëtare të Auditimit të Suedisë. Ndërsa Aldo Kume prezantojë përvojën e Shqipërisë, Miro Galić atë të Bosnje dhe Hercegovinës, të Malit të Zi Mirko Korać, të Maqedonisë së Veriut Albane Çupi si dhe atë të Kosovës Muhamet Balaj.

Edhe pjesëmarrësit e tjerë u angazhuan në diskutime duke e vlerësuar mjaftë të rëndësishme mbajtjen e këtij seminari si dhe kërkuan që ngjarje të tilla të organizohen më shpesh.

Përfaqësuesit e SIGMA-së Bianca Brétéché dhe Alastair Swarbrick falënderuan të pranishmit për pjesëmarrje dhe diskutimin e frytshëm duke thënë se do të vazhdojnë t’i mbështesin Institucioneve Supreme të Auditimit që janë anëtare të rrjetit në rritjen e cilësisë së punës së tyre përmes aktiviteteve të ngjashme.

Të nderuar përfaqësues të mediave,

Kemi kënaqësinë t’ju ftojmë që të ndiqni Konferencën Tematike Ndërkombëtare “Roli i Institucioneve Supreme të Auditimit në të mirë të qytetarëve” e organizuar nga Zyra Kombëtare e Auditimit e Republikës së Kosovës në kuadër të shënimit të 20-të vjetorit të themelimit të saj.

Konferenca  do të mbahet:

                                                                     Të enjten, me datë  12 tetor 2023, në ora 09:30-13:30,

                                                                     në Sallën Artana në Swiss Daimod Hotel, Prishtinë

 Të pranishëm në këtë konferencë do të jenë udhëheqës të lartë të institucioneve publike të Kosovës, si dhe përfaqësues të lartë nga Institucionet Supreme të Auditimit nga Shqipëria, Maqedonia e Veriut, Mali i Zi, Suedia, Turqia, Portugalia, Italia dhe Çekia. Po ashtu, pjesëmarrës në konferencë do të jenë edhe përfaqësues të lartë të institucioneve vendore, si dhe përfaqësues të organizatave ndërkombëtare dhe donatorë në vend.

Konferenca tematike “Roli i Institucioneve Supreme të Auditimit në të mirë të qytetarëve” do të  zhvillohet në dy panele.

Paneli I: “Ndikimi i auditimit në përmirësimin e menaxhimit të financave publike”.

Paneli II: “Përfitimet e dixhitalizimit dhe Auditimi i Teknologjisë së Informacionit”.

Ju mirëpresim!

Sot në një tryezë pune u bë prezantimi publik i raportit të SIGMA-s për rishikimin dhe vlerësimin e performancës së Zyrës Kombëtare të Auditimit të Kosovës. Ky prezantim u bë në prani të deputetëve të Kuvendit të Republikës së Kosovës, përkatësisht anëtarë të Komisionit për Mbikëqyrjen e Financave Publik dhe Komisionit për Buxhet, Punë dhe Transfere;  përfaqësues nga Zyra e Bashkimit Evropian në Kosovë si dhe menaxhmentit të lartë të ZKA-së dhe përfaqësues të SIGMA-s.

Rezultatet dhe rekomandimet e këtij raporti u prezantuan nga ekipi që ka kryer raportin Bianca Brétéché – Zëvendës Udhëheqëse e Programit, SIGMA, Alastair Swarbrick – Këshilltar i Lartë për Politika dhe ish Auditor i Përgjithshëm në Ishujt Kajman si dhe  Inguna Sudraba – Eksperte, ish deputete në Parlamentin e Republikës së Letonisë  dhe ish Auditore e Përgjithshme në Republikën e Letonisë.

Përfaqësuesit e SIGMA-s, fillimisht kanë përgëzuar lidershipin e ZKA-së për guximin dhe iniciativën për t’ju nënshtruar një vlerësimi të tillë, që sipas tyre është i rëndësishëm për ecjen përpara të institucionit. Ata thanë se ZKA-ja në aspektin rajonal qëndron shumë mirë, madje i kalon edhe disa vende anëtare të BE-së sa i përket metodologjisë dhe qasjes së auditimit.

Ata theksuan se në bazë të vlerësimit të kryer në përgjithësi Zyra Kombëtare e Auditimit është duke funksionuar në përputhje me standardet ndërkombëtare të auditimit të INTOSA-it. Ndërsa më pas kanë prezantuar para pjesëmarrësve çështje të cilat ZKA-ja duhet t’i përmirësojë.

Auditorja e Përgjithshme, Vlora Spanca, tha se ky rishikim nuk është thjesht një formalitet, por përfaqëson një shtyllë themelore të përkushtimit tonë dhe transparencës maksimale. Duke iu nënshtruar vlerësimit rigoroz të bazuar në standardet ndërkombëtare dhe praktikat më të mira, ZKA-ja riafirmon përkushtimin për t’i shërbyer interesave të qytetarëve dhe për të promovuar qeverisjen e mirë. Ajo shtoi se rishikimet e kolegëve ofrojnë një këndvështrim të jashtëm të pavarur dhe objektiv i cili ndihmon ZKA-në që të identifikojë fushat për përmirësim dhe të mësojë nga përvojat e të tjerëve.

Po ashtu rezultatet e vlerësimit nga SIGMA do t’i shërbejnë qëllimit tonë të përbashkët për avancimin e cilësisë se punës tonë. “Ne nuk duhet të jemi të vetëkënaqur me arritjet tona aktuale, por duhet ta përdorim këtë raport si një udhëzues për të bërë përmirësime të mëtejshme”, theksoi znj. Spanca.

Zëvendës Auditori i Përgjithshëm, Bezad Halilaj, prezantoi planin e veprimit për përmbushjen e rekomandimeve të dhëna në raportin e SIGMA-s për rishikimin dhe vlerësimin e performancës së Zyrës Kombëtare të Auditimit të Kosovës. Ai tha se tashmë disa prej rekomandimeve janë zbatuar dhe të tjerat do të zbatohen sipas afatit kohor të përcaktuar. Madje bëri me dije se disa veprime janë ndërmarrë që nga faza e vetëvlerësimit.

Ndërsa deputetët e Kuvendit të Republikës së Kosovës, Armend Muja, Arta Bajralija, Mirlinda Tishukaj Sadiku dhe Visar Korenica, përgëzuan SIGMA-n për raportin e përgatitur si dhe kërkuan nga ZKA-ja zbatimin e rekomandimeve.

Po ashtu ata vlerësuan punën e deritanishme të ZKA-së e cila ka sjellë rezultate konkrete për vendin dhe qytetarët, me ç’rast u përmenden disa prej auditimeve të performancës të kryera gjatë viteve të fundit.

Megjithatë sipas tyre sfidë vazhdon të mbetet mos zbatimi i rekomandimeve të auditimit. Ata shprehen përkushtimin e tyre për të mbështetur avancimin e Zyrës Kombëtare të Auditimit dhe ruajtjen e  pavarësisë dhe besueshmërinë e saj.

Edhe z. Johannes Stenbaek Madsen – Udhëheqës i Bashkëpunimit në Zyrën e BE-së në Prishtinë, vlerësoi lartë raportin e SIGMA-s dhe punën e ZKA-së.

Zyra Kombëtare e Auditimit (ZKA) këtë javë shënon 20-vjetorin e themelimit si institucioni më i lartë i kontrollit ekonomik e financiar në vendin tonë.

Për të shënuar përvjetorin jubilar ZKA-ja do të mbajë një sërë aktivitetesh si dhe do të mirëpres në Prishtinë drejtuesit më të lartë të Institucioneve Supreme të Auditimit nga vende të ndryshme si nga Portugalia, Turqia, Suedia, Italia, Çekia, Kroacia, Mali i Zi, Maqedonia e Veriut, Shqipëria, zyrtarë të lartë të SIGMA, si dhe të institucioneve vendore e personalitete të tjera të rëndësishme.

Në kuadër të shënimit të 20-vjetorit të ZKA-së, Auditorja e Përgjithshme, Vlora Spanca, do të zhvillojë takime bilaterale me homologët e saj.

Me rastin e 20-vjetorit të ZKA-së do të zhvillohen këto aktivitete:

E marte 10.10.2023

Punëtoria “Prezantimi i raportit të SIGMA-s për  rishikimin dhe vlerësimin e performancës së Zyrës Kombëtare të Republikës së Kosovës”

Vendi: Hotel Prishtina, Prishtinë

Ora: 10:00-12:00

E mërkurë 11.10.2023

Seminari “Auditimi i Pajtueshmërisë” i organizuar në kuadër të Rrjetit të Institucioneve Supreme të Auditimit të vendeve kandidate dhe kandidate potenciale për në BE dhe Gjykata Evropiane e Audituesve”.

Vendi: Hotel Prishtina, Prishtinë

Ora: 09:00-16:00

E mërkurë 11.10.2023

Pritja e mirëseardhjes për delegacionet e Institucioneve Supreme të Auditimit

Vendi: Biblioteka Kombëtare e Kosovës

Ora: 20:30

E enjte 12.10.2023

Konferenca Tematike “Roli i institucioneve supreme të auditimit në dobi të qytetarëve”

Vendi: Hotel Swiss

Ora:09:30-13:30 (e hapur për media)

Koncert nga Orkestra Filarmonike e Kosovës

Ora: 19:00- 19:45

Vendi: Hotel Swiss

Darka Gala – Shënimi i 20- vjetorit të ZKA

Vendi: Hotel Swiss

Ora: 20:00 – 22:00

E premte 13.10.2023

Auditorja e Përgjithshme, Vlora Spanca, pret në takim ish Auditorët e Përgjithshëm Inga-Britt Ahlenius dhe Lage Olofsson.

Vendi: Zyra Kombëtare e Auditimit

Ora: 10:00

 Për më shumë informata na kontaktoni në numrin: 038 606004 ext 1188

Drejtorët e departamenteve të auditimit, znj. Blerina Krasniqi-Himaj  dhe z. Shkëlqim Xhema përfaqësuan Zyrën Kombëtare të Auditimit të Kosovës në Forumin “WORKING TOGETHER”, mbajtur më 6 tetor 2023 në Bruksel, dedikuar anëtarëve të Organizatës Evropiane të Institucioneve Supreme të Auditimit (EUROSAI) dhe Konfederatës Evropiane të Instituteve të Auditimit të Brendshëm (ECIIA).

Forumi bashkoi mbi 80 pjesëmarrës nga 17 Institucione Supreme të Auditimit (ISA) dhe anëtarë të ECIIA nga 15 vende evropiane, duke inkurajuar diskutimet për bashkëpunimin midis auditorëve të jashtëm dhe të brendshëm. Pjesëmarrësit theksuan nevojën për mirëkuptim dhe bashkëpunim të ndërsjellë, duke marrë parasysh punën e njëri-tjetrit si dhe duke respektuar pavarësinë.

Konkluzioni i përbashkët ishte se përfitimet e bashkëpunimit ndërmjet njësive të auditimit të brendshëm të sektorit publik dhe Institucioneve Supreme të Auditimit janë të rëndësishme, ndërkohë rreziqet proporcionale janë të njohura, të pranueshme dhe mund të parandalohen apo minimizohen.

Në kuadër të punimeve të Forumit u prezantua edhe raporti i bazuar në konkluzionet e dy pyetësorëve midis anëtarëve të EUROSAI dhe ECIIA  “Marrëdhëniet me palët e interesuara jo-ISA” për të lehtësuar gjuhën e përbashkët dhe mirëkuptimin në mes dy organizatave. Raporti përmban informacione bazuar në reagimet nga 29 ISA dhe 130 njësi të auditimit të brendshëm në 24 vende.

Raporti u realizua në kuadër të projektit të përbashkët EUROSAI – ECII për praktikat e bashkëpunimit ndërmjet Institucioneve Supreme të Auditimit dhe Auditimit të Brendshëm në sektorin publik në Evropë, i udhëhequr nga Zyra Shtetërore e Auditimit të Letonisë brenda portofolit të Bordit Drejtues EUROSAI.

EUROSAI dhe ECIIA synim të përbashkët kanë lehtësimin e bashkëpunimit në mes dy organizatave, promovimin e roleve të përbashkëta, përdorimin e duhur të standardeve, si dhe lehtësimin e shkëmbimit të njohurive dhe përvojave në mes anëtarëve të tyre.

Drejtorët e departamenteve të auditimit, znj. Blerina Krasniqi-Himaj  dhe z. Shkëlqim Xhema përfaqësuan Zyrën Kombëtare të Auditimit të Kosovës në Forumin “WORKING TOGETHER”, mbajtur më 6 tetor 2023 në Bruksel, dedikuar anëtarëve të Organizatës Evropiane të Institucioneve Supreme të Auditimit (EUROSAI) dhe Konfederatës Evropiane të Instituteve të Auditimit të Brendshëm (ECIIA).

Forumi bashkoi mbi 80 pjesëmarrës nga 17 Institucione Supreme të Auditimit (ISA) dhe anëtarë të ECIIA nga 15 vende evropiane, duke inkurajuar diskutimet për bashkëpunimin midis auditorëve të jashtëm dhe të brendshëm. Pjesëmarrësit theksuan nevojën për mirëkuptim dhe bashkëpunim të ndërsjellë, duke marrë parasysh punën e njëri-tjetrit si dhe duke respektuar pavarësinë.

Konkluzioni i përbashkët ishte se përfitimet e bashkëpunimit ndërmjet njësive të auditimit të brendshëm të sektorit publik dhe Institucioneve Supreme të Auditimit janë të rëndësishme, ndërkohë rreziqet proporcionale janë të njohura, të pranueshme dhe mund të parandalohen apo minimizohen.

Në kuadër të punimeve të Forumit u prezantua edhe raporti i bazuar në konkluzionet e dy pyetësorëve midis anëtarëve të EUROSAI dhe ECIIA  “Marrëdhëniet me palët e interesuara jo-ISA” për të lehtësuar gjuhën e përbashkët dhe mirëkuptimin në mes dy organizatave. Raporti përmban informacione bazuar në reagimet nga 29 ISA dhe 130 njësi të auditimit të brendshëm në 24 vende.

Raporti u realizua në kuadër të projektit të përbashkët EUROSAI – ECII për praktikat e bashkëpunimit ndërmjet Institucioneve Supreme të Auditimit dhe Auditimit të Brendshëm në sektorin publik në Evropë, i udhëhequr nga Zyra Shtetërore e Auditimit të Letonisë brenda portofolit të Bordit Drejtues EUROSAI.

EUROSAI dhe ECIIA synim të përbashkët kanë lehtësimin e bashkëpunimit në mes dy organizatave, promovimin e roleve të përbashkëta, përdorimin e duhur të standardeve, si dhe lehtësimin e shkëmbimit të njohurive dhe përvojave në mes anëtarëve të tyre.

Në datat 29 shtator – 1 tetor 2023 në Durrës u mbajt takimi me kryetarët e komunave i organizuar nga Projekti DEMOS, zbatuar nga Helvetas Swiss Intercooperation në bashkëpunim me Ministrinë e Administrimit të Pushtetit Lokal (MAPL).

Takimi pati për qëllim diskutimin e çështjeve të rëndësishme duke përfshirë kriteret e kualifikimit për Grantin e Performancës Komunale, treguesit e Sistemit të Menaxhimit të Performancës Komunale, procedurat për zbatim të projekteve komunale, etj. Në këtë aktivitet Zyra Kombëtare e Auditimit (ZKA) u përfaqësua nga Zëvendës Auditori i Përgjithshëm Bezad Halilaj, Ndihmës Auditori i Përgjithshëm Zukë Zuka, Drejtor i Departamentit të Auditimit Lavdim Maxhuni dhe Udhëheqësja e Ekipit, Laureta Matoshi-Pozhegu.

Zëvendës Auditori i Përgjithshëm Bezad Halilaj, theksoi se Zyra Kombëtare e Auditimit vlerëson lartë përfshirjen e opinionit të auditimit si rezultat final në njërin nga kushtet minimale për kualifikimin dhe vlerësimin e performancës së komunave në programin e Grantit të Performancës. Ai theksoj se kjo ka ndikuar të rritet ndërgjegjësimi i komunave për ngritjen e llogaridhënies dhe transparencës në shpenzimin e parasë publike. “Për rezultat, cilësia e raportimit financiar është duke u përmirësuar nga viti në vit”, deklaroi z. Halilaj.

Në kuadër të këtij takimi, Zyra Kombëtare e Audimit prezantoi raportin e auditimit të performancës “Funksionimi i sistemit të Grantit të Performancës Komunale dhe menaxhimi i projekteve të financuara nga Donatorët për vitin 2021,” realizuar sipas marrëveshjes në mes Zyrës Kombëtare të Auditimit dhe Agjencisë Zvicerane për Zhvillim dhe Bashkëpunim (përmes Projektit për Decentralizim dhe Përkrahje Komunale si zbatues).

Auditimi ka vlerësuar funksionimin e sistemit të Grantit të Performancës Komunale për periudhën 2018 – 2021, si dhe nëse menaxhimi i shpenzimeve për projektet kapitale të financuara nga donatorët për vitin fiskal 2021 është bërë në pajtim me legjislacionin në fuqi dhe ka arritur rezultatet e synuara.

Rezultatet e auditimit tregojnë se funksionimi i Grantit të Performancës Komunale  i ndarë në dy burime të financimit ka rezultuar me mangësi dhe se aktivitetet e prokurimit për projektet e financuara nga donatorët gjatë vitit 2021 edhe pse kishin arritur qëllimet, ishin përcjellë me dobësi të ndryshme dhe grupet e margjinalizuara nuk ishin integruar mjaftueshëm në këto nisma.